افغان فعالان له طالب استازو سره په ناروې کې د خبرو په حال کې دي
د هغه خبر په بنسټ چې افغانستان انټرنشنل ته رسېدلی، په ناروې کې د ریچارډ بېنېټ په شتون کې د افغانستان د مدني ټولنې غړو او طالب استازو ترمنځ ناسته د جوړېدو په حال کې ده.
د هغه خبر په بنسټ چې افغانستان انټرنشنل ته رسېدلی، په ناروې کې د ریچارډ بېنېټ په شتون کې د افغانستان د مدني ټولنې غړو او طالب استازو ترمنځ ناسته د جوړېدو په حال کې ده.
دغه ناسته د ناروې د بهرنیو چارو وزارت په بلنه جوړه شوې او زموږ سرچینې وایي، چې دواړه خواوې د بشري حقونو وضعیت او د افغانستان د راتلونکې په اړه سره خبرې اترې کوي.همدارنګه داسې راپورونه هم شته، چې دغه استازي د سیاسي خبرو او د اقتصادي پیاوړتیا په اړه هم سره خبرې کوي.په دغې ناسته کې د افغانستان لپاره د ملګرو ملتونو ځانګړی راپور ورکوونکی ریچارډ بېنېټ هم حضور لري.ویل شوي، د طالبانو غړي او پلویان نظرمحمد مطمین، قاضي سعید مشک عالم، مطیعالله محمدي، جعفر مهدوي، شیخ صالح مزاري، سید یونس اغا، حدید ذاکر او فیض الله ځلاند هم له کابله په دغې ناسته کې ګډون کړی دی.له بل پلوه بیا کاوون کاکړ، اصیلا وردک، مومنه یاري، حارث سیغاني، د ولسي جرګې پخوانی غړی عبدالقیوم سجادي، پخوانی مذاکره کوونکی جنرال انصاري، انجیلا احمدي، د حزب اسلامي لوړپوړی غړی کریم امین، قهرمانه کاکړ، فیض محمد عثماني او فاطمه ګېلاني د مدني ټولنې د استازو په توګه په دغه ناسته کې ګډون کړی دی.
