په تېرو ۲۴ ساعتونو کې د اسراییل په بریدونو کې ۸۲ تنه فلسطینیان وژل شوي دي
په غزه کې په تېرو ٢٤ ساعتو کې د اسرایيل په بريدونو کې ٨٢ فلسطينيان وژل شوي دي. اسراییلي پوځ په غزه کې خپل بریدونه زیات کړي او په رفح کې د اسراییل بریدونه لا هم دوام لري.
په غزه کې په تېرو ٢٤ ساعتو کې د اسرایيل په بريدونو کې ٨٢ فلسطينيان وژل شوي دي. اسراییلي پوځ په غزه کې خپل بریدونه زیات کړي او په رفح کې د اسراییل بریدونه لا هم دوام لري.
د عربي رسنیو د راپور له مخې، دا مهال د رفح او جبالیه کمپ په سیمو کې د اسراییلي پوځ او حماس جنګیالیو ترمنځ سختې نښتې روانې دي.
د عربی رسنیو د راپور له مخې، اسراییل د غزې اوسېدونکو ته د مرستې رسولو په ګاډو او لاریو هم برید کوي.
له بلې خوا د ملګرو ملتونو په وینا، په رفح کې د اسراییل پوځ د ځمکنیو عملیاتو له پیل راهیسې څه باندې ۴۰۰ زره کسان له رفح وتلي او د غزې نورو ښارونو او کمپونو ته تللي دي.
د غزې د روغتیا وزارت وايي، د اکټوبر له اوومې راهیسې د اسراییل د بریدونو له امله تر اوسه له ۳۵ زره ډېر کسان وژل شوي او تر ۷۸ زرو ډېر ټپیان دي.
د متحده ایالاتو د ولسمشر جو بایډن ادارې د سه شنبې په ورځ کانګریس ته د اسراییل لپاره د یو مېلیارد ډالرو وسلو کڅوړې خبر ورکړی دی.
