د هند لومړي وزیر د پاکستان لوري ته په ازاد کشمیر کې لاریونونو او اعتراضونو ته په اشارې، پاکستان د خوراکي توکو او برېښنا د کمښت له امله هم وغانده او زیاته یې کړه، چې هغه نه پوهېده چې دوی د بنګړیو له کمښت سره هم مخامخ دي.
د هند لومړي وزیر نریندرا مودي د دوشنبې په ورځ د خپلو سیالو ګوندونو له لوري د پاکستان پلوه څرګندونو په اړه د ګانګرس او د هند د اتحاد ګوندونو په وړاندې سخت برید وکړ.
مودي په خپلو څرګندونو کې وویل، دا خلک ( سیال ګوندونه) دومره وېره لري چې دوی په خپلو خوبونو کې د پاکستان اټوم بم ویني.
هغه پوښتنه وکړه، چې ایا دا ډول ګوندونه او مشران چې دومره غلي وي هېواد چلولای شي؟
د هند لومړي وزیر دا څرګندونې د بېهار په مظفرپور کې یوې ټاکنیزې غونډې ته په وینا کې وکړې.
د هند لومړي وزیر د پاکستان په ازاد کشمیر کې د عامو خلکو او پاکستاني پولیسو تر منځ اخ وډب ته په اشارې وویل:« زه نه پوهېدم چې دوی د بنګړیو کمښت هم لري، دوی غنم غواړي او برېښنا هم نه لري. موږ نه پوهېږو چې دوی بنګړي هم نه لري.»
دا په داسې حال کې ده، چې د هند د کانګرس ګوند یو غړي په خپلو ټانکیزو ویناوو کې ویلي و؛ چې نوی ډیلي کولای شي له اسلام اباد سره هر څه چې وغواړي سختې خبرې کوي، خو که هند خپل ګاونډي ته درناوی ونه کړي ښايي درنه بیه یې پرې کړي.
