د فلسطین روغتیايي چارواکي: غزه کې د اسراییل په بریدنو کې تر ۳۵ زره ډېر کسان وژل شوي
د فلسطین روغتیايي چارواکي وايي، په غزه کې اسراییل په ځمکني او هوايي بریدونو کې تر ۳۵ زره ډېر کسان وژلي، چې ډېری یې ښځې او ماشومان دي.
د فلسطین روغتیايي چارواکي وايي، په غزه کې اسراییل په ځمکني او هوايي بریدونو کې تر ۳۵ زره ډېر کسان وژلي، چې ډېری یې ښځې او ماشومان دي.
رویټرز د سې شنبې په ورځ (د غویي ۲۵مه) راپور ورکړی، چې په غزه کې د اسراییل په دې بریدونو کې د ۲.۳میلیونو څخه ډېر خلک یې له خپلو کورونو بې ځایه کړي دي.
د غزې خلک چې له پنځو یا شپږ ځله زیات بې ځایه شوي دي ستړي او مایوسه دي.
الجزیرې د سې شنبې په ورځ (د غویي ۲۵مه) لیکلي چې خلک په دوامداره توګه د بې ځایه کیدو څخه ستړي شوي دي.
دوی ناامیده دي او وایي، چې له یو ځای څخه بل ځای ته تلل د دې تضمین نه کوي چې دوی به د اسراییل د هوایي بریدونو څخه په امن کې پاتې شي.
فلسطیني اداره وایي، ۸۰ سلنه روغتیایي مرکزونه له خدماتو پاتې دي.
جګړه د اکتوبر په اوومه هغه مهال پیل شوه چې د حماس وسله والو له پولې ها خوا پر اسراییل برید وکړ. اسراییل وايي، د حماس وسله والو په غزه کې تر ۱۲۰۰ډېر کسان وژلي، چې ډېری یې ولسي وګړي دي او ۲۵۳یې بندیان کړي دي.
