اتمر او صالح د ایران د پخواني ولسمشر او بهرنیو چارو د وزیر په مړینه خواشیني ښودلې

د طالبانو د کډوالو او راستنېدونکو چارو وزارت پر خپلې اېکس پاڼې لیکلي، چې په ایران کې مېشتت ۲۶۳۹ تنه افغان کډوال (د غويي ۳مه) په جبري توګه او خپله خوښه د هرات د اسلام کلا له لارې هېواد ته راستانه شول.

همدارنګه د طالبانو کډوالو وزارت وايي، تېره ورځ د کندهار د سپین بولدک له لارې ۳۰ کورنۍ چې د غړو شمېر یې ۱۸۰ تنو ته رسیږي په جبري توګه له پاکستانه اېستل شوي دي.

بل خوا په ننګرهار کې د طالبانو د والي مرستیال مولوي سعید احمد بنوری وايي، چې د تېرو اوولس میاشتو په موده کې ۵۶۲۳۶ کورنۍ د تورخم له لارې له پاکستانه خپل هېواد ته راغلې دي.

نوموړی وايي؛ څه د پاسه ۳۹ کورنۍ په ننګرهار کې مېشتې شوي او له ۱۶ زره زیاتې کورنۍ د هېواد نورو سیمو کې ځای پر ځای شوي دي.

دا په داسې حال کې ده، چې پر پاکستان د ملګرو ملتونو د کډوالو سازمان او د کډوالو ملاتړو ادارو تر فشارونو وروسته هم پاکستان د افغان کډوالو د اېستلو لړۍ دوامداره ساتلي او وايي‌؛ ټول هغه افغان کډوال له دغه هېواده باسي چې د اوسېدو قانوني اسناد نه لري.

د طالبانو تر واک لاندي ملي ټلویزيون نن دوشنبه په کابل کې د «امربالمعروف او نهې عن المنکر وزارت د مسولينو، طالب ویاندويانو، مشهورو څېرو او د رسنیو د مسوولینو» د ګډې غونډې خبر ورکړی.

په غونډه کې د طالبانو وزير خالد حنفي له رسنيو څخه غوښتي، چې نشرات او فعاليت د «اسلامي شریعت» په اصولو کې تر سره کړي.

نوموړي ويلي، چې رسنۍ باید د راتلونکي نسل او د ځوانانو په «اسلامي روزولو» کې خپل رول ادا کړي.

حنفي په ټينګار ويلي، چې د «اسلامي شريعت» ضد فعالیت ورته د منلو نه دی او بايد ټولو ترې ډډه وکړي.

پرون په پروان کې هم د طالبانو د اطلاعاتو او استخباراتو مسوولينو له رسنيو څخه غوښتي وو، چې «اسلامي شریعت پلی او اسلامي امارت اصولو درک او عملي» کړي.

د طالبانو استخباراتو په ډېرو ولایتونو کې له خبريالانو ورته غوښتنې کړې او په شفاهي ډول يې ورته ويلي، که د دوی له اصولو خلاف، منفي او انتقادي موضوعاتو ته انعکاس ورکول شي د دوی له غبرګون سره به مخ شي.

واک ته د طالبانو په رسېدو دې ډلې پر رسنيو او خبريالانو سخت بنديزونه لګولي او چا ته اجازه نه ورکوي، چې تر ډېره د خلکو ستونزي او غوښتني انعکاس شي.

طالبانو په تېرو درېيو کلونو کې يو شمېر رسنۍ بندي کړي، خبريالان یې وهلي، بندي کړي او شکنجه کړي دي.

د رسنيو بنسټونو د طالبانو دا ډول کړنې د بیان د ازادۍ ضد یادي کړي او له دې ډلې يې غوښتي، چې پر رسنيو او خبريالانو دي شته بنديزونه لرې کړي؛ خو دې ډلې لا تر اوسه په عملي ډول په خپلو چارو کې مثبت تغير نه دی راوستلی.

یونیسف په ایکس ټولنیزه شبکه کې لیکلي چې د دغه سازمان د پولیو د له منځه وړلو د پروګرام مشر د غويي په ۳۰ مه د یکشنبې په ورځ د تورخم له پولې څخه لیدنه کړې ده.

د ملګرو ملتونو د ماشومانو وجهي صندوق لیکلي، چې اسټفان لاووریر په دې غونډه کې په افغانستان کې د پولیو ویروس د له منځه وړلو لپاره پر لا زیاتو اقداماتو ټینګار وکړ.

افغانستان او پاکستان په نړۍ کې یوازیني هېوادونه دي چې پولیو پکې پاتې ده.

د شري په پېښو کې زیاتوالی

د پوليو تر څنګ د روغتيا نړيوال سازمان په دې وروستيو کې په افغانستان کې د شري د پېښو پر زياتوالي اندېښنه ښودلې او له کورنيو يې غوښتي چې خپل ماشومان واکسين کړي.

دغه سازمان دا هم ویلي، چې د ۲۰۲۴ کال په لومړیو دوو میاشتو کې په افغانستان کې د شري له اوو زرو ډېرې شکمنې پېښې ثبت شوې دي.

که څه هم په افغانستان کې د طالبانو او نورو سازمانونو له خوا وخت په وخت د واکسین کمپاینونه پیل کیږي؛ خو لا هم دغه ناروغي د افغان ماشومانو ژوند ته ګواښ بلل کیږي.

د طالبانو د طبیعي پېښو پر وړاندې د مبارزې رییس باري داد صابر د طالبانو د واک لاندې ملي راډیو ته ویلي، چې د سېلابونو له امله لسګونه کورنه ویجاړ شوي او زرګونه جریبه کرنیزه ځمکه اوبو لاندې کړي ده.

دغه طالب چارواکي ویلي چې د سېلابونو له امله زیانمن شویو کسانو ته لومړنۍ بېړنۍ مرستي رسولي.

په بادغیس کې د سېلابونو له امله زیانمن شوي کسان ويي؛ کورونه او کرنیزي ځمکي یې ویجاړي او څاروي یې له منځه تللي دي.

دا په داسې حال کې ده چې په ورستیو دوه اونیو کې د افغانستان په شمال او مرکزي ولایتونو کې د سېلابونو له امله زرګونه کورنۍ زیانمني شوي او لسګونو کسانو پکې خپل ژوند له لاسه ورکړی دی.

سېلاب ځپلو سیمو ته پر وخت د مرستو نه رسیدل او د اوبو نه مدریت په اړه پر طالبانو سختي نیوکي کیږي.

ويل کیږي، تر ټکر وروسته یو بس له سړک بې واکه شوی او په یوه کور ورختلی.

د طالبانو د بغلان امنیه قوماندانۍ د معلوماتو له مخې د دغه کور د دېوال ړنګېدو له امله څلور د کور کسان مړه او یو کس په بس کې مړ شوی او په بس کې د سورلۍ ۱۱ کسان ټپیان شوي.

په افغانستان کې د ګاډو د ګړندي تګ او د قانوني ټکو په پام کې نه نیولو له امله پر لویو لارو د موټرو د ټکر په پېښو کې ډیری وخت ولسي وګړو ته مرګژوبله اوړي او د طالبانو حکومت یې په مخنیوي کې پاتې راغلی.