د طالبانو رییس الوزرا ملا محمد حسن د یوې خبرپاڼې په خپرولو سره د ایران د مخکني ولسمشر ابراهیم رییسي او ورسره مل پلاوي د چورلکې غورځېدو له امله خواشنیي څرګنده کړې ده. ملا محمد حسن اخوند ویلي؛ چې د طالبانو مشران په دې پېښه ژور خواشیني او اغېزمن دي.
په هغې خبرپاڼه کې چې د ذبیح الله مجاهد په رسمي اېکس پاڼه خپره شوې ویل شوي: «موږ د ایران له حکومت او د دغه هېواد له خلکو او د قربانیانو له کورنیو سره په دغه غم کې ځان شریک ګڼو، د ایران ملت او حکومت ته د تسلیت مراتب وړاندې کوو.»
ابراهیم رییسي او د ورسره مل پلاوي چورلکه د ختیځ اذربایجان په یوه غرنۍ سیمه کې غورځېدلې چې له امله یې د ایران ولسمشر او د بهرنیو چارو وزیر په ګډون څو نور کسان هم مړه شوي.
