سرچینې وايي، د تورخم دروازه له درې ورځني ځنډ وروسته بېرته پرانیستل شوه

AP ۱۴۰۳ غویی ۳۱ ۰۹:۵۱ GMT+۱

د طالبانو د ننګرهار سیمه ییز چارواکي وايي، د تورخم دروازه له درې ورځني ځنډ وروسته بېرته د تګ راتګ لپاره پرانیستل شوه. د تورخم کمیسار ویلي، دغه دروازه نن دوشنبه د (غوايي ۳۱مه) سهار بېرته پرانیستل شوه.

د تورخم کمیسار عبدالجبار حکمت رسنیو ته منلې، چې د تورخم دروازه له درېیو ورځو تړل کېدو وروسته بېرته د تګ راتګ لپاره پرانیستل شوې ده.

پر ډیورنډ کرښه د تورخم دروازه د طالبانو او پاکستاني لوري په ګډ تفاهم درې ورځې وړاندې په دغه سیمه کې د یو لړ تخنیکي ستونزو له امله تړل شوې وه.

•

د پاکستان لومړي وزیر د ابراهیم رییسي په مړینه په دغه هیواد کې یو ورځنی ماتم اعلان کړ

AP ۱۴۰۳ غویی ۳۱ ۰۹:۰۹ GMT+۱

د پاکستان لومړي وزیر شهباز شريف د ايران د مخکني ولسمشر ابراهيم ریيسي په مړينه نن دوشنبه د (غوايي ۳۱مه) په دغه هیواد کې ماتم اعلان كړ. ښاغلي شریف ويلي، د دغه ماتم له امله به د پاکستان بیرغ نیم ځوړند وي.

د دې تر څنګ شهباز شریف زیاته کړې چې په تهران کې به هم د پاکستان په سفارت کې د دغه هیواد بیرغ نیم ځوړند وي.

د پاکستان لومړي وزیر شهباز شريف د چورلکې غورځېدو په پېښه کې د ايران مخکني ولسمشر او بهرنیو چارو وزير په مړينه خواشيني ښودلې او ويلي يې دي چې هغه د پاکستان ښه دوست و، چې يوه مياشت وړاندې یې پاکستان د کوربه توب ویاړ درلود.

بل خوا د پاکستان ولسمشر اصف زرداري هم د ايران د مخکني ولسمشر، بهرنيو چارو وزير او نورو په مړينه خواخوږي څرګنده کړې او د ابراهيم ریيسي کړنې یې وستايلې.

د ایران مخکني ولسمشر ابراهیم رییسي او ورسره پلاوي چورلکه تېره ورځ ناوخته د ایران په ختیځ اذاربایجان کې غورځېدلې وه چې تر ۱۶ ساعتو عملیاتو وروسته د هغوی د غورځېدلې چورلکې ټوټې او د دوی سوځېدلي مړي وموندل شول.

د ابراهیم رییسي د چورلکې غورځېدو له پیښې وروسته د ایران د ژغورنې د ډلو تر څنګ د روسیې او ترکیې د ژغورنې ډلو او هوايي الوتکو د پلټنې په عملیاتو کې برخه لرله.

مولوي کبیر ایراني چارواکو ته: طالبان په دغه ویر کې د خپل دوست هېواد تر څنګ ولاړ دي

AP ۱۴۰۳ غویی ۳۱ ۰۷:۴۹ GMT+۱

د طالبانو تر واک لاندې ملي راډیو ټلویزیون په اېکس پاڼه د طالبانو د ریاست الوزرا سیاسي معاونیت له لوري د ایران مخکني ولسمشر او بهرنیو چارو وزیر د مړینې له امله د خواشینۍ اعلامیه خپره کړې ده.

دغه ټلویزیون د طالبانو د ریاست الوزرا سیاسي معاونیت په حواله لیکلي چې، د ایران مخکني ولسمشر، بهرنیو چارو وزیر او مل پلاوي په مړینه خواشیني دي.

په دغه اعلامیه کې ویل شوي چې طالبان په دغه ویر کې د «ورور او دوست» هېواد ایران تر څنګ ولاړ دي.

د ایران مخکني ولسمشر ابراهیم رییسي چورلکه تېره ورځ د ایران په ختیځ اذربایجان کې غورځېدلې وه، چې تر ۱۶ ساعتونو عملیاتو وروسته نن دوشنبه د چورلکې د غورځېدو په سیمه کې د ایران د لومړۍ درجې چارواکو جسدونه وموندل شول.

طالبانو پخواني ولسمشر کرزي ته اجازه ورکړه چې له هیواده بهر ولاړ شي

AP ۱۴۰۳ غویی ۳۱ ۰۷:۲۲ GMT+۱

د طالبانو ادارې د افغانستان پر پخواني ولسمشر حامد کرزي د سفر بندیز لیرې کړ او هغه ته یې بهر ته د تګ اجازه ورکړه. په کابل کې باوري سرچینو افغانستان انټرنشنل ته ویلي چې ښاغلی کرزی به ډېر ژر د درملنې لپاره جرمني ته ولاړ شي.

د روانې میاشتې په لومړیو کې باوري سرچینو ویلي و، چې ښاغلي کرزي غوښتل جرمني ته د سترګو د جراحي عملیاتو لپاره لاړ شي، خو طالبانو د هغه د سفر مخه ونیوله.

ښاغلي کرزي د طالبانو د بندیز له امله، له تېر یوه کال راهیسې بهر ته سفر نه و کړی، او وروستی سفر یې هم د تېر لمریز کال په وري میاشت کې برېتانیې ته کړی و.

په کندهار ښار کې د طالبانو یو امنیتي کس ووژل شو او درې نور ټپیان شول

AP ۱۴۰۳ غویی ۳۱ ۰۷:۱۲ GMT+۱

امنیتي سرچینې وايي، د نامعلومانو کسانو له لوري د طالبانو امنیتي چیک‌پوسټ ته د لاس بم غورځولو په پېښه کې د طالبانو یو امنیتي کس وژل شوی او درې نور ټپیان شول. طالبان پېښه منلې خو وايي، د پېښې قربانیان ولسي وګړي دي.

امنیتي سرچینو افغانستان انټرنشنل ـ پښتو ته وویل،‌ نن سهار مهال د کندهار ښار د لسمې امنیتي حوزې اړوند شاهي صالون په سیمه کې د ناپيژانده کسانو له لوري د طالبانو چیک پوسټ ته لاسي بم ورغورځول شوی چې په پایله کې یې یو طالب وژل شوی او درې تنه نور ټپیان دي.

بل خوا په کندهار کې د طالبانو امنیه قوماندانۍ د یوې خبرپاڼې په خپرولو سره پېښه منلې، خو وايي، په یاده پېښه کې یو ولسي وګړی وژل شوی او درې تنه نور ټپیان دي.

طالبان په یاده پېښه کې د دوی اړوند کسانو ته مرګ ژوبله نه مني.

ډاکټر عبدالله د ایران د مخکني ولسمشر او بهرنیو چارو وزیر په مړینه، ایران سره خواشیني وښوده

AP ۱۴۰۳ غویی ۳۱ ۰۶:۰۸ GMT+۱

د ملي پخلاینې شورا مخکني مشر ډاکټر عبدالله عبدالله د دوشنبې په ورځ د (غوايي ۳۱مه) په خپله اېکس پاڼه د ایران د مخکني ولسمشر ابراهیم رییسي او د بهرنیو چارو د وزیر امیر عبداللهیان په مړینه خواشیني څرګنده کړه.

ښاغلي عبدالله د ایران ولسمشر د چورلکې غورځېدو په پېښه کې د دغه هېواد د مخکني ولسمشر ابراهیم رییسي، د بهرنیو چارو وزیر امیر عبداللهیان، د تبریز ښار د معغې د امام ال هاشم او په چورلکه کې د یو شمېر نورو ایراني چارواکو پر مړینه خواشیني ښودلې او ایرانیانو او د قربانیانو کورنیو ته یې د تسلیت مراتب وړاندې کړي.

•

سرچینې وايي، د تورخم دروازه له درې ورځني ځنډ وروسته بېرته پرانیستل شوه

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

سرچینې: کابل کې د دیني عالمانو غونډه د ملا هبت الله په مشرۍ شوې

د یوناما مسووله وايي چې نړیواله ټولنه د طالبانو له چلنده ستړې شوې ده

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

طالبانو په کابل کې د محبوبه سراج د امن خونه په زور تړلې ده

د پاکستان لومړي وزیر د ابراهیم رییسي په مړینه په دغه هیواد کې یو ورځنی ماتم اعلان کړ

مولوي کبیر ایراني چارواکو ته: طالبان په دغه ویر کې د خپل دوست هېواد تر څنګ ولاړ دي

طالبانو پخواني ولسمشر کرزي ته اجازه ورکړه چې له هیواده بهر ولاړ شي

په کندهار ښار کې د طالبانو یو امنیتي کس ووژل شو او درې نور ټپیان شول

ډاکټر عبدالله د ایران د مخکني ولسمشر او بهرنیو چارو وزیر په مړینه، ایران سره خواشیني وښوده

د پاکستان لومړي وزیر د ابراهیم رییسي په مړینه په دغه هیواد کې یو ورځنی ماتم اعلان کړ

مولوي کبیر ایراني چارواکو ته: طالبان په دغه ویر کې د خپل دوست هېواد تر څنګ ولاړ دي

طالبانو پخواني ولسمشر کرزي ته اجازه ورکړه چې له هیواده بهر ولاړ شي

په کندهار ښار کې د طالبانو یو امنیتي کس ووژل شو او درې نور ټپیان شول

ډاکټر عبدالله د ایران د مخکني ولسمشر او بهرنیو چارو وزیر په مړینه، ایران سره خواشیني وښوده

ترویج لرونکی

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

سرچینې: کابل کې د دیني عالمانو غونډه د ملا هبت الله په مشرۍ شوې

د یوناما مسووله وايي چې نړیواله ټولنه د طالبانو له چلنده ستړې شوې ده

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

طالبانو په کابل کې د محبوبه سراج د امن خونه په زور تړلې ده