د پاکستان لومړي وزیر د ابراهیم رییسي په مړینه په دغه هیواد کې یو ورځنی ماتم اعلان کړ

لاهم د رییسي د چورلکې غورځېدو لامل نه دی څرګند خو ایراني چارواکي یې د هوا د خرابوالي له امله بولي.

تر دې وړاندې د ایران مذهبي مشر سید علي خامنه يي ویلي دي چې د دغه هیواد وګړي باید ډاډه و اوسي چې د ایران په ورځنیو چارو کې به هیڅ ډول ګډوډي نه رامنځته کیږي.

دغه مذهبي مشر نن سهار دوشنبه (د غوايي ۳۱مه) په ایکس پاڼه په یوه پوسټ کې هېله ښودلې وه چې ابراهیم رییسي او ملګري به یې ژوندي راستنیږي خو هغوی په پېښه کې مړه شوي.

د ابراهیم رییسي د چورلکې غورځېدو له پیښې وروسته د ایران د ژغورنې د ډلو تر څنګ د روسیې او ترکیې د ژغورنې ډلو او هوايي الوتکو د پلټنې په عملیاتو کې برخه لرله.

د ایران د تبلیغاتي سازمان اړوند مهر خبري اژانس د دوشنبې په ورځ د (غوايي ۳۱مه) په ختیځ اذربیجان ولایت کې د دغه هېواد د ولسمشر د چورلکې غورځېدو په پېښه کې د ابراهیم رییسي د مرګ خبر منلی.

همدارنګه مهر خبري اژانس لیکلي چې په یاده چورلکه کې له ابراهیم رییسي سره د مل پلاوي نور کسان هم مړه دي.

همدارنګه د ایران د ولسمشر ابراهیم رییسي اجراييه مرستیال محسن منصوري او یو شمیر نورو ایراني چارواکو هم پر خپلو اېکس پاڼو د ابراهیم رییسي مړینه تایید کړې ده.

د ایران ولسمشر غورځېدلې چورلکه تر ۱۶ ساعته عملیاتو وروسته پیدا شوه.

د ایران د سرې میاشتې تر څنګ ترکيې او روسيې هم د ایران د ولسمشر د غورځېدلې چورلکې د لټون په عملیاتو کې برخه لرله.

د یو شمېر رسنیو د معلوماتو له مخې خرابه هوا د چورلکې د غورځېدو لامل بلل شوی دی.

هاخوا د ایران د سرې میاشتې ټولنې مشر پیرحسین کولیوند منلې چې د دغه هېواد د ولسمشر ابراهیم رییسي د چورلکې د غورځېدو ځای موندل شوی دی.

پیرحسین کولیوند وویل: «حالات ښه نه دي.»

تسنیم خبري اژانس د رییسي د چورلکې د موندل کېدو د شیبې انځورونه خپاره کړي دي.

د ایران د سرې میاشتې ټولنې مشر پیرحسین کولیوند هم دا خبر تایید کړی دی چې د رییسي د چورلکې د غورځېدو ځای موندل شوی.

د ایرنا د راپور له مخې، پیرحسین کولیوند وویل: «د چورلکې ټوټې موندل شوې، موږ د چورلکې په لور حرکت کوو. حالات ښه نه دي.»

د ایران د ولسمشر د لېږد په چورلکه کې ایت الله الهاشم، د تبریز د جمعې امام او د ایران د بهرنیو چارو وزیر امیر عبداللهیان هم موجود وو.

دا چورلکه له تېرې ورځې راهیسې په ځنګلي سیمو کې ورکه شوې او تردې مهاله یې د پیدا کولو عملیات نه دي بریالي شوي.

د برازیل په سویلي ایالت ریو ګراندې دو سول کې د سختو بارانونو له امله راوتلو سېلابونو په تېرو دوو اونیو کې د ځاني او مالي زیانونو کچه لوړه کړې ده.

د ملکي دفاع وزارت د خبرپاڼې له مخې؛ د وژل شویو کسانو شمېر ۱۵۵ ته رسېدلی او د لادرکه شویو کسانو شمېر ۹۴ تنو ته رسېدلی دی.

په خبرپاڼه کې راغلي، چې د سېلابونو له امله د ټپيانو شمېر ۸۰۷ تنو ته رسېدلی او له ۲،۳ ميليونو ډېر کسان اغېزمن شوي دي.

سربېره پر دې له ۶۲۰ زره ډېر کسان بې ځایه شوي دي.

په خبرپاڼه کې دا هم ویل شوي، چې ۸۲ زره ۶۶۶ کسان د ناورین له سیمې ژغورل شوي او ۷۷ زره ۲۰۲ کسان په پناه ځایونو کې اوسېږي.

د ریو ګرانډ دو سول والي اډوارډو لییټ وویل: "موږ خورا استثنایی وضعیت تجربه کوو. دا یوازې یوه مهمه پېښه نه ده؛ دا د هېواد په تاریخ کې تر ټولو ویجاړونکې پیښه ده."

د برازیل ولسمشر لوییز اناسیو لولا دا سلوا، چې درې ځله یې له زیانمنو شویو سیمو څخه لیدنه کړې، ژمنه کړې چې د دغو سیمو بیارغونه به وکړي.