ایرنا خبري اژانس: د رییسي د چورلکې غورځېدو ځای وموندل شو
د ایران خبري اژانس (ایرنا) راپور ورکړی چې د ایران د ولسمشر ابراهیم رییسی د چورلکې د غورځېدو ځای موندل شوی دی. ایرنا خبري اژانس لیکلی: «ژغورونکې ډلې د پیښې ځای ته نږدې شوې دي»
د ایران خبري اژانس (ایرنا) راپور ورکړی چې د ایران د ولسمشر ابراهیم رییسی د چورلکې د غورځېدو ځای موندل شوی دی. ایرنا خبري اژانس لیکلی: «ژغورونکې ډلې د پیښې ځای ته نږدې شوې دي»
د ایران د سرې میاشتې ټولنې مشر پیرحسین کولیوند هم دا خبر تایید کړی دی چې د رییسي د چورلکې د غورځېدو ځای موندل شوی.
د ایرنا د راپور له مخې، پیرحسین کولیوند وویل: «د چورلکې ټوټې موندل شوې، موږ د چورلکې په لور حرکت کوو. حالات ښه نه دي.»
د ایران د ولسمشر د لېږد په چورلکه کې ایت الله الهاشم، د تبریز د جمعې امام او د ایران د بهرنیو چارو وزیر امیر عبداللهیان هم موجود وو.
دا چورلکه له تېرې ورځې راهیسې په ځنګلي سیمو کې ورکه شوې او تردې مهاله یې د پیدا کولو عملیات نه دي بریالي شوي.
