ایرنا خبري اژانس: د رییسي د چورلکې غورځېدو ځای وموندل شو

د برازیل په سویلي ایالت ریو ګراندې دو سول کې د سختو بارانونو له امله راوتلو سېلابونو په تېرو دوو اونیو کې د ځاني او مالي زیانونو کچه لوړه کړې ده.

د ملکي دفاع وزارت د خبرپاڼې له مخې؛ د وژل شویو کسانو شمېر ۱۵۵ ته رسېدلی او د لادرکه شویو کسانو شمېر ۹۴ تنو ته رسېدلی دی.

په خبرپاڼه کې راغلي، چې د سېلابونو له امله د ټپيانو شمېر ۸۰۷ تنو ته رسېدلی او له ۲،۳ ميليونو ډېر کسان اغېزمن شوي دي.

سربېره پر دې له ۶۲۰ زره ډېر کسان بې ځایه شوي دي.

په خبرپاڼه کې دا هم ویل شوي، چې ۸۲ زره ۶۶۶ کسان د ناورین له سیمې ژغورل شوي او ۷۷ زره ۲۰۲ کسان په پناه ځایونو کې اوسېږي.

د ریو ګرانډ دو سول والي اډوارډو لییټ وویل: "موږ خورا استثنایی وضعیت تجربه کوو. دا یوازې یوه مهمه پېښه نه ده؛ دا د هېواد په تاریخ کې تر ټولو ویجاړونکې پیښه ده."

د برازیل ولسمشر لوییز اناسیو لولا دا سلوا، چې درې ځله یې له زیانمنو شویو سیمو څخه لیدنه کړې، ژمنه کړې چې د دغو سیمو بیارغونه به وکړي.

بابک محمودي له ایسنا سره په مرکه کې وویل: "څو دقیقې مخکې سیمې ته استول شوي عملیاتي ټیم له څو ساعتونو تلاشۍ وروسته د ولسمشر او د هغه د ملګرو د نسکورې شوې چورلکې احتمالي ځای په ګوته کړ."

نوموړي زیاته کړې، چې د ولسمشر ابراهیم رییسي د چورلکې لټون لا هم روان دی او په دې اړه به نور جزییات وروسته خپاره شي.

نن د ایران د ولسمشر چورلکې اذربایجان ته پر لاره بېړنۍ ناسته کړې، چې له چورلکې سره اړیکې پرې شوي او ایراني چارواکو د هغه د ژوند په اړه اندېښنه ښودلې ده.

په دغه چورلکه کې د یو شمېر نورو چارواکو تر څنګ د ایران د بهرنیو چارو وزیر امیر عبداللهیان هم موجود و.

سپینې ماڼۍ له خبرو مخکې ویلي وو؛ تمه وه چې سلیوان به پر اسراییل فشار راوړي چې پر رفح ښار د پراخ برید پر ځای دې یوازې د حماس وسله وال په نښه کړي.

اسراييل رفح ښار ته د ننوتلو په حال کې دي او وايي، چې دغه ښار د حماس د ځواکونو وروستۍ قرارګاه ده.

په سلګونو زره فلسطینیان له همدې سیمې تښتیدلي دي، چې د دوی د پناه اخیستو له څو محدودو ځایونو و.

د غزې یو اوسیدونکي مجید عمران رویټرز ته ویلي، چې له رفح ښار څخه یې بیا کډې بار کړي او خپلې پخوانۍ سیمې خان یونس ته راغلی، چې پنځه میاشتې وړاندې ترې تیښتې ته مجبور شوي و.

هغه وايي: "په غزې تړانګه کې هېڅ خوندي ځای نه شته."

عمران وايي: "موږ خپل ماشومان، لمسیان او لوڼې واخیستې او د خپل ویجاړ شوي کور پر سر ژوند کوو. ځکه چې دلته د پناه اخیستلو لپاره هېڅ ځای نه شته."

د عمران د ویجاړ کور په یوه څڼډه کې یې د هغه میرمن اور بل کړی و او پخلی یې کاوه.

د غزې اوسیدونکو ویلي، چې اسراییلي ځواکونو د غزې په شمالي برخه کې د جبالیا په تنګو کوڅو کې د شپې او یکشنبې په اوږدو کې پراخ تاوتریخوالی کړی.

په داسې حال کې چې اسراییل وړاندې ویلي وو، چې دا سیمه یې له حماس جنګیالیو پاکه کړې، اوس بیرته دغه سیمې ته راستانه شوي دي.

د اسراییل پوځ ویلي، چې د غزې د کډوالو د اتو تاریخي کمپونو څخه په جبالیا کې یې عملیات روان دي او موخه یې دا ده، چې حماس هلته بېرته ځای ونه نیسي.

د اسراییل پوځ وویل، چې دوی د جبالیا په سیمه کې "د وسله والو ترهګرو د مېشت ځایونو د پېژندلو لپاره عملیات کوي او ... په لسګونو هوايي بریدونه یې ترسره کړي ترڅو د ځمکنیو ځواکونو سره مرسته وکړي".

د روسي ځواکونو له خوا په دغه سیمه کې په دې وروستیو کې پراخ پوځي عملیات پیل شوي دي.

د یکشنبې په ورځ لومړی برید د خارکیف څخه بهر په تفریحي سیمه کې پنځه تنه ووژل او ۱۶ نور یې ټپیان کړل، په داسې حال کې چې د ورځې په اوږدو کې د کوپیانسک ولسوالۍ په دوو کلیو کې پنځه تنه وژل شوي او ۹ نور ټپیان شوي دي.

ځايي والي اوليه سنيهوبوف ويلي، چې روسي ځواکونو د دې ولسوالۍ پر دوو کليو پرلپسې راکټي بریدونه کړي دي.

د خارکیف ښار ښاروال ایهور تیریخوف د ټیلیګرام له لارې وویل: "د چاودنو غږونه د ماسپښین په شاوخوا کې په خارکیف کې اوریدل شوي. د روسیې دوه توغندي پر یو تفریحي مرکز ولګیدل چیرې چې خلک په تفریح بوخت وو. دغه برید پنځه تنه ووژل او شپاړس نور یې ټپیان کړل."

د رويټرز خبريالانو دغه د تفريح ځای په ويجاړ شوي حالت کې لیدلی.

د ژغورونکو په وينا؛ لومړی د پېښې ځای کې يوه زوروره چاودنه شوې او ورپسې بل برید شوی دی.

د یو سړي مړی د هغه څه د ویجاړیو لاندې پروت و، چې یوازې یو ساعت د مخه په یوه لمریزه ورځ کې د یو جهیل د غاړې د رسټورانټ و.

ویلنتینا یوه ۶۹ کلنه ښځه چې د دغه رسټورانټ په څنګ کې اوسېده، د چاودنې پر مهال په کور وه او په داسې حال کې چې خپله ژوبل شوې وه، ویې ویل، چې خاوند یې په دغه برید کې وژل شوی دی.

د ولسمشر د انستاګرام پر صفحه لیکل شوي: «د هغه او ملګرو د روغتيا لپاره دعا، ختم او نذر» وکړي.

بل لوري ته بيا رويټرز خبري اژانس د يوه ایراني چارواکي له قوله ليکلي، چې د ولسمشر رييسي او د بهرنيو چارو د وزير عبداللهیان ژوند په خطر کې دی.

دغه چارواکي د نوم نه ښودلو په شرط رويټرز خبري اژانس ته ويلي، چې د پېښې له ځای څخه ترلاسه شوي راپورنه د اندېښنې وړ دي.

نوموړي په ټينګار سره وايي «موږ لا هم هیلې لرو»

د ابراهيم رييسي د چورلکي د غورځېدو ځای ته د ژغورونکو د حرکت لومړنۍ ويډيو او انځورونه هم په رسنيو کې خپاره شول.

په ويديو کې يوه غرنۍ سېمه او ککړه هوا معلوميږي، چې ايراني ژغورني ډلې پکې د پلټنو عمليات پیل کړي.

ایراني رسنۍ تسنيم په خپل راپور کې ليکلي، چې د پېښې ځای ته د ژغورنې ډلې نږدې شوي دي.

د تسنیم خبريال د ایران سپاه پاسداران له نږدې سرچينو خبر ورکړی، چې سرې مياشتي، ژغورونکې ډلې، غره ختونکي او د سيمې خلک به په نږدې نيم ساعت کې د ایران د ولسمشر د چورلکې د پېښې ځای ته ورسيږي.

د امريکا بهرنیو چارو وزارت هم ویلي، چې د رييسي د چورلکي د پېښې خبر په دقت تعقيبوي.

د امریکا د بهرنیو چارو وزارت ویاند ويلي: « واشنګټن د رييسي او امير عبداللهیان د سپرلۍ د چورلکي د غورځېدو راپورنه له نژدې څاري»

هغه په دې اړوند زياته کړه: « دا مهال موږ د پېښې په اړه څه نه لرو»

د ایران د کورنیو چارو وزير احمد وحيدي له صدا او سيما خبري اژانس سره په خبرو کې ويلي، چې د ولسمشر او د هغه د ملګرو د لټون لپاره یې عمليات پيل کړي؛ خو لا یې دقيق معلومات نه شته.

د راپورنو له مخې؛ د ولسمشر د لېږد په چورلکه کې ایت الله الهاشم، د تبریز د جمعې امام او د ایران د بهرنیو چارو وزیر امیر عبداللهیان هم موجود وو.

تر اوسه لا د پېښې او مرګ ژوبلې په اړه نور جزیيات نه دي شریک شوي.