په برازیل کې د سېلابونو له امله د مړو شویو شمېره ۱۵۵ کسانو ته رسېدلې ده
په برازیل کې د سختو بارانونو له امله د راوتلو سېلابونو په پایله کې د مړو شویو کسانو شمېر ۱۵۵ تنو ته رسېدلی او ۹۴ تنه لا هم لادرکه دي.
په برازیل کې د سختو بارانونو له امله د راوتلو سېلابونو په پایله کې د مړو شویو کسانو شمېر ۱۵۵ تنو ته رسېدلی او ۹۴ تنه لا هم لادرکه دي.
د برازیل په سویلي ایالت ریو ګراندې دو سول کې د سختو بارانونو له امله راوتلو سېلابونو په تېرو دوو اونیو کې د ځاني او مالي زیانونو کچه لوړه کړې ده.
د ملکي دفاع وزارت د خبرپاڼې له مخې؛ د وژل شویو کسانو شمېر ۱۵۵ ته رسېدلی او د لادرکه شویو کسانو شمېر ۹۴ تنو ته رسېدلی دی.
په خبرپاڼه کې راغلي، چې د سېلابونو له امله د ټپيانو شمېر ۸۰۷ تنو ته رسېدلی او له ۲،۳ ميليونو ډېر کسان اغېزمن شوي دي.
سربېره پر دې له ۶۲۰ زره ډېر کسان بې ځایه شوي دي.
په خبرپاڼه کې دا هم ویل شوي، چې ۸۲ زره ۶۶۶ کسان د ناورین له سیمې ژغورل شوي او ۷۷ زره ۲۰۲ کسان په پناه ځایونو کې اوسېږي.
د ریو ګرانډ دو سول والي اډوارډو لییټ وویل: "موږ خورا استثنایی وضعیت تجربه کوو. دا یوازې یوه مهمه پېښه نه ده؛ دا د هېواد په تاریخ کې تر ټولو ویجاړونکې پیښه ده."
د برازیل ولسمشر لوییز اناسیو لولا دا سلوا، چې درې ځله یې له زیانمنو شویو سیمو څخه لیدنه کړې، ژمنه کړې چې د دغو سیمو بیارغونه به وکړي.
سپینې ماڼۍ له خبرو مخکې ویلي وو؛ تمه وه چې سلیوان به پر اسراییل فشار راوړي چې پر رفح ښار د پراخ برید پر ځای دې یوازې د حماس وسله وال په نښه کړي.
اسراييل رفح ښار ته د ننوتلو په حال کې دي او وايي، چې دغه ښار د حماس د ځواکونو وروستۍ قرارګاه ده.
په سلګونو زره فلسطینیان له همدې سیمې تښتیدلي دي، چې د دوی د پناه اخیستو له څو محدودو ځایونو و.
د غزې یو اوسیدونکي مجید عمران رویټرز ته ویلي، چې له رفح ښار څخه یې بیا کډې بار کړي او خپلې پخوانۍ سیمې خان یونس ته راغلی، چې پنځه میاشتې وړاندې ترې تیښتې ته مجبور شوي و.
هغه وايي: "په غزې تړانګه کې هېڅ خوندي ځای نه شته."
عمران وايي: "موږ خپل ماشومان، لمسیان او لوڼې واخیستې او د خپل ویجاړ شوي کور پر سر ژوند کوو. ځکه چې دلته د پناه اخیستلو لپاره هېڅ ځای نه شته."
د عمران د ویجاړ کور په یوه څڼډه کې یې د هغه میرمن اور بل کړی و او پخلی یې کاوه.
د غزې اوسیدونکو ویلي، چې اسراییلي ځواکونو د غزې په شمالي برخه کې د جبالیا په تنګو کوڅو کې د شپې او یکشنبې په اوږدو کې پراخ تاوتریخوالی کړی.
په داسې حال کې چې اسراییل وړاندې ویلي وو، چې دا سیمه یې له حماس جنګیالیو پاکه کړې، اوس بیرته دغه سیمې ته راستانه شوي دي.
د اسراییل پوځ ویلي، چې د غزې د کډوالو د اتو تاریخي کمپونو څخه په جبالیا کې یې عملیات روان دي او موخه یې دا ده، چې حماس هلته بېرته ځای ونه نیسي.
د اسراییل پوځ وویل، چې دوی د جبالیا په سیمه کې "د وسله والو ترهګرو د مېشت ځایونو د پېژندلو لپاره عملیات کوي او ... په لسګونو هوايي بریدونه یې ترسره کړي ترڅو د ځمکنیو ځواکونو سره مرسته وکړي".
