د دوحې درېیمې ناستې په اړه له افغان سیاستوالو سره د ملګرو ملتونو د سرمنشي د مرستیالې مشورې

د ارګ په خبرپاڼه کې راغلي، مولوي عبدالکبیر د یکشنبې په ورځ د انټونیو ګوټریش سیاسي مرستیالې روزمیري ډیکارلو ته وویل: «د دوحې مخکنۍ غونډه د ځینو تنظیموونکو د نیمګړتیاوو له امله نیمګړې پاتې وه او په راتلونکې غونډه کې باید د اسلامي امارت دریځ ومنل شي.چې د طالبانو پلاوی هم په کې ګډون وکړي.»

د ملګرو ملتونو سرمنشي تېر ځل د دوحې په غونډه کې د طالبانو پر نه ګډون خواشیني څرګنده کړه، خو په ورته وخت کې یې وویل چې د طالبانو د غوښتنو منل د دې ډلې په رسمیت پیژندلو سره برابر دي.

طالبان له ملګرو ملتونو او نورو هېوادونو غواړي چې دغه ډله د افغانستان د مشروع حکومت په توګه په رسمیت وپېژني.

مولوي کبیر وویل چې طالبانو خپلې ټولې ژمنې پوره کړې او «د افغانستان په ټوله جغرافیه کې حاکمیت لري... په ټول افغانستان کې یو مرکزي حکومت واکمن دی چې یو امیر لري او اطاعت یې کیږي.»

ملګري ملتونه په دوحه کې درېیمه ناسته د افغانستان لپاره د هېوادونو د ځانګړيو استازو په ګډون کوي، خو کره نېټه یې نه ده ټاکلې. د ملګرو ملتونو د سر منشي سیاسي مرستیالې کابل ته سفر کړی او طالبانو ته یې د دوحې په غونډه کې د ګډون بلنه ورکړې ده.

د ارګ د خبرپاڼې له مخې، مېرمن ډیکارلو مولوي کبیر ته د دوحې د غونډې په اړه معلومات ورکړل او ویې ویل چې په «دې غونډه کې د ګډون لپاره د اسلامي امارت شرطونه ستونزمن نه دي.» هغې هیله څرګنده کړه چې د دوحې په غونډه کې به د طالبانو پلاوی هم ګډون وکړي.

نوموړې وویل، د دوحې غونډې ته د نړیوال بانک په ګډون د یو شمېر نړیوالو سازمانونو او هېوادونو استازي بلل شوي دي.

په تېرو ورځو کې د افغانستان په بېلابېلو ولايتونو کې پرله پسې سېلابونو ډېر ځاني او مالي زيانونه اړولي دي.

تر دې مهاله په بغلان کې تر ټولو ډیر ځاني او مالي زیانونه اوښتي دي.

د شمېرو له مخې په دغه ولایت کې تر۳۰۰ډیر کسان مړه شوي دي.

په دې ډزو کې چې د ثور په ۲۸مه د جمعې په ورځ وشوې، درې اسپانوی سیلانیان او درې افغانان ووژل شول.

سربېره پر دې، یو هسپانوي او یو لیتوانیایي ټپیان شول.

د طالبانو د کورنیو چارو وزارت د څلورو بهرنیو سېلانیانو په ګډون د ټپیانو شمېر اعلان کړ.

د طالبانو د کورنیو چارو وزارت وايي، په بامیان کې یې د دغه وسله وال برید په تړاو اووه کسان نیولي دي.

په بامیان کې وسله وال برید له پراخو نړۍوالو غبرګونونو سره مخ شو او ځینو هېوادونو خپلو اتباعو ته خبرداری ورکړ، چې د امنیتي اندېښنو او د ترهګریزو بریدونو د احتمال له امله افغانستان ته سفر نه کوي.

د طالبانو امنیه قوماندانۍ نن یکشنبه په یوې خبرپاڼې کې لیکلي ، چې نن ماښام ۷:۳۰ د کابل - جلال اباد پر لویه لار د لغمان ولایت اووم نمبر شهرا اړوند خیروخیلو سیمه کي یو ټیلر او ویکسار موټر ټکر کړی دی.

اعلامیه زیاتوي، چې ټپي شوی شخص روغتون ته انتقال شوی دی.

د طالبانو تر واک لاندې افغانستان بانک د یکشنبې په ورځ په يوې اعلاميه کې د دې بانک د مشر هدایت الله بدري او د ملکرو ملتونو د سرمنشي له مرستیالې روزماري دیکارلو د لېدنې خبر ورکړی.

په اعلاميه کې راغلي، چې د بانک طالب مشر هدایت الله بدري په لېدنه کې د افغانستان پر بانکي سکتور د لګول شويو بنديزونو لرې کېدو ته په اشارې ويلي: « د دغو بندیزونو لرې کېدل د ټولو افغانانو بشري حق او غوښتنه ده»

بدري زياتوي، چې د بنديزونو له امله د افغانستان بانک د قوانينو او پاليسو خلاف ټولې راکړې ورکړې د غیر رسمي چینلونو له لارې تر سره کيږي.

نوموړي له نړۍوالو غوښتي: « نړۍوال دې د افغانستان په بانکي سکتور د لګول شویو بندیزونو په لرې کولو، د افغانستان په اقتصادي وده او د بشري حقونو په ورکړه کې مثبت رول ولوبوي.»

د ملګرو ملتونو د سرمنشي مرستيالې ويلي، چې په «افغانستان کې د مالي شموليت پراختيا، د کوچنيو پورونو د ورکړې او د اسلامي تمويلاتو په برخه کې» ګډ کار ته اړتيا ده.

پر افغانستان د طالبانو له بیا واکمنېدو راهیسې د افغانستان شاخوا ۹ میلیارده ډالره شتمني په امریکا او نورو هېوادونو کې کنګل شوې ده.

د طالبانو د بهرنیو چارو وزیر متقي په ګډون یو شمېر طالب چارواکو په کراتو له نړۍوالو غوښتي چې دغه محدودیتونه لرې کړي.