د شانګهای په غونډه کې د قزاقستان ولسمشر: د افغانستان وضعیت جدي پاملرنې ته اړتیا لري

طالبانو تر دې مخکې په دغه ولایت کې د زمردو استخراج پیل کړې دی او نن یې هم دا ګرانبیه ډبرې پلورلې دي.

د پنجشېر لپاره د طالبانو د والي دفتر نن په يوه اعلامیه کې ويلي، چې د کانونو اړوند کمېټې نن په ۲۲مه بولۍ کې ۳۳ زره ۸۱۹ قيراطه زمرد په ۲ لکه ۶۹ زره ۵۵۰ امریکايي ډالرو په ارزښت پر کورنيو سوداګرو وپلورل.

اعلاميه زياتوي، چې یو شمېر بهرنيو پانګوالو هم د پنجشير د طالبانو له والي سره په ليدنه کې د کانونو په بېلابېلو برخو کې د پانګونې غوښتنه کړې ده.

تر دې وړاندي طالبانو ويلي، چې په تېر یوه کال کې یې له درې میلیونو ۶ لکه او ۲۹ زرو د زياتو ډالرو په ارزښت د پنجشېر څه باندې ۵۰ زره قیراطه زمرود پلورلي.

د طالبانو د کانونو وزارت د وروستیو شمېرو له مخې، په پنجشېر کې شاوخوا ۱۷۰۰ د زمرودو کانونه ثبت شوي چې ۵۵۰ کانونو ته د کار او فعالیت اجازه ورکړل شوې.

نړېوال سازمانونه او شنونکي وايي، چې د طالبانو حکومت د افغانستان کانونه په نامسلکي او ناقانونه ډول پلټي او پلوري یې چې په دې سره ترلاسه شوې پیسې یې شخصي جیبونو ته ځي.

واک ته د طالبانو له رسېدو وروسته له افغانستان سره بهرنۍ مرستې کمې شوې، دغې ډلې د خپلو مالي اړتیاوو د پوره کولو لپاره د دوامدار عاید د یوې سرچینې په توګه د کانونو او قیمتي ډبرو په استخراج پانګونه وکړه.

د افغانستان د کانونو کېندنه او خرڅلاو د تېر افغان حکومت د چارواکو له سختو نیوکو سره مخ شوی دی. د افغانستان مخکني ولسمشر محمد اشرف غني ویلي وو چې د طالبانو له لوري د کانونو کېندنه مشروع نه ده او معلومه نه ده چې عواید یې چیرته ځي.

ښاغلي سایق نن په کابل کې خبري ناستې ته وویل چې دغه مړینه روان کال د غويي له ۲۰ د غبرګولي تر لومړۍ په بغلان، غور، تخار، فاریاب، بدخشان، سمنګان، بادغیس، بامیان او کاپیسا ولایتونو کې ځايي خلکو ته اوښتې ده.

سایق زیاتوي په وروستیو سېلابونو کې کې شاوخوا ۶ زره څاروي مړه شوي دي.

دغه طالب چارواکي وايي روان سېلابونه د اقلیمي بدلون په نتجه کې رامنځته شوي دي.

طالبان له نړیوالو مرستندویه سازمانونو غواړي چې له دې سېلابونو ځپلو سره خپلو مرستو ته ادامه ورکړي.

طالبان وايي له دې سېلاب ځپلو سره یې خوراکي او نغدي مرستې هم کړې دي.

همدارنګه له هغو زیانمنو کورنیو سره چې په سېلابونو کې یې څاروي له لاسه ورکړي دي، هم ورسره نغدي مرستې شوې دي.

دوی زیاتوي په سېلاب ځپلو سیمو کې ځايي کمیټې جوړې شوې او د مرستو رسولو په برخه کې همکاري کوي.

د پېښو ته د رسېدو په چارواکو د طالبانو وزارت په دغه خبري ناسته کې ژمنه وکړه، چې ډېر ژر به سېلاب ځپلو کورنیو ته د کورونو د جوړوله پروسه اعلان شي.

وسله والو تېره جمعه د بامیان په مرکز کې پر بهرنیو سیلانیانو او د هغوی پر ملګرو برید وکړ.

د طالبانو د کورنیو چارو وزارت د شمېرو له مخې، په دې برید کې د دریو بهرنیانو او دریو افغانانو په ګډون شپږ تنه وژل شوي او د څلورو بهرنیانو په ګډون اوه تنه نور ټپیان شوي دي. داعش د دې برید مسوولیت منلی دی.

د روسیې د بهرنیو چارو وزارت دغه برید ته په اشارې سره په افغانستان کې د امنیتي وضعیت د خرابېدو خبرداری ورکړی دی.

د روسیې د بهرنیو چارو وزارت پرون په خپله په رسمي ویب پاڼه کې لیکلي: "په اوسني وضعیت کې د افغانستان امنیتي وضعیت خورا ستونزمن دی او موږ په کلکه" مشوره درک وو، چې د شخصي موخو لپاره دې هېواد ته د سفر کولو او د سیاحت څخه ډډه وکړئ."

په ورته وخت کې د سیاحت د یوې بهرنۍ ادارې مشر جو شیفر ای اېف پي ته ویلي، که دغه بریدونه تکرار شي، "په افغانستان کې به د ګرځندوی صنعت ختم شي."

د شیفرت سیاحتي ادارې مشر جو شیفر وايي، په بامیان کې له وسله وال برید وروسته ګڼو مراجعینو افغانستان ته خپل سفرونه لغوه کړي او دا اداره په افغانستان کې پر خپلو فعالیتونو بیا کتنه کوي.

هغه اې اېف پي ته وویل، "موږ به د ډلو شمیر کم کړو، موږ په لیرې پرتو سیمو کې سفرونه لغوه کوو او موږ په عامه ځایونو کې سفرونه کم کوو."

د افغانستان کرېکټ بورډ نن خبر ورکړ، چې ډووېن براو به د ۲۰۲۴ کال د شل اوره نړیوال جام له پيل وړاندې له ملي لوبډلې سره یو ځای شي.

افغان کرېکټ بورډ هیله من دی، چې د براو په ورتګ او تجربو سره به یې د تېزې توپ اچونې په برخه کې مثبت تغير راسي.

۴۰ کلن ډووېن براو په ۲۹۵ نړیوالو لوبو کې ۶ زره ۴۲۳ منډې لري او ور سره یې ۳۶۳ وېکټې هم اخیستې دي.

اوس مهال ډووېن براوو د ۲۰ اوره لوبو مخکښ وېکټ اخیستونکی دی، چې په دې بڼه کې یې هم ۶۲۵ ويکټې ترلاسه کړې دي.

دغه راز نوموړی په دې بڼه کې نږدې ۷۰۰۰ منډې هم لري چې له همدې امله دی په ۲۰ اوره سیالیو کې یو له تر ټولو بریالیو الراونډر لوبغاړو شمېرل کېږي.

افغان لوبغاړي وار له مخه سینټ کېټس او نیوېس ټاپو ته رسېدلي

لوبډله په راتلونکې مياشت کې په امريکا او ويسټ انډيز کې د نړیوال شل اوره جام له پیلېدو مخکې په انتیګا کې د لسو ورځو تمریناتي کمپ لري.

د طالبانو بهرنیو چارو وزارت ویاند حافظ ضیا احمد تکل نن په اېکس کې لیکلي دي، چې د ازبکستان دې ۲۰۰ ټنه مرستو کې ۴۸ ټنه اوړه، ۲۲ ټنه وریژې، ۲۵ زره لېتره غوړي، ۱۰۰ خیمې، ۹۶ د اوبو ټانکۍ او ورته نور توکي شامل دي.

نوموړی زیاتوي،د مرستو د تسلیمۍ په مراسمو کې د طالبانو د بهرنیو چارو وزارت اداري او مالي مرستیال، د بلخ مرستیال والي، د طبیعي پېښو پر وړاندې د مبارزې رئیس، ترمذ کې د طالبانو کونسل او نورو طالب مسؤلینو ګډون درلود.

په خبرپاڼه کې د بهرنیو چارو وزرات اداري او مالي مرستیال رحمت الحق فضیل ازبک پلاوي ته ډاډ ورکړی؛ چې د ازبکستان بشردوستانه مرستې به په شفاف او عادلانه ډول اړمنو افغانانو ته ورسیږي.

د هېواد په شمال کې وروستیو سېلابونو سلګونو افغانانو ته مرګ او ژوبله واړوله او شاوخوا شل زره کورونه ویجاړ شوي دي.

نیوکې دا دي، چې طالبان د خلکو سره پر وخت د مرستو رسولو بهیر پڅ روان دی او سېلاب ځپلی بې سرنوشته تر شنه اسمان لاندې ژوند تېروي.