د پاکستان او اجکستان د بهرنیو چارو وزیرانو په خپلمنځي ناسته کې د افغانستان له لارې د کاسا زر پروژې پر ژر پلې کېدو ټینګار وکړ. محمد اسحاق ډار او د تاجکستان د بهرنیو چارو وزیر سراج الدین مهرالدین د شانګهای د همکاریو سازمان د بهرنیو چارو وزیرانو د غونډې په څنډه کې سره وکتل.
دغو دواړو چارواکو د دواړو هېوادونو او سیمې د ګډو ګټو لپاره د کاسا زر پروژې او نورو سیمه ییزو پروژو په ژر پلې کېدل اړین وبلل.
کاسا زر پروژې سره قرغیزستان او تاجکستان غواړي خپله برېښنا په افغانستان او بیا له همدې لارې پر پاکستان وپلوري.
د کاسا زر پروژې بحثونه په ۲۰۰۶ میلادي کال کې پیل شوي و او د ۲۰۱۶ کال په مې میاشت کې پرانیستل شوه.
ټاکل شوې وه، چې دا پروژه تر ۲۰۱۸ کاله بشپړه او ګټې اخیستنې ته وسپارل شي، خو په افغانستان کې د امنیتي او سیاسي ترینګلتیاوو له امله وځنډېده.
له دې سره، تېرکال د ترکیې په استانبول ښار کې هم ددې پروژې په تړاو دوه ورځنۍ غونډه پسې طالبانو، چې د ۱۴۰۳ لمریز کال په غویي میاشت کې به دا پروژه پیل او د ۱۴۰۴ لمریز کال پای کې بشپړه شي، خو تراوسه یې هم چارې پیل شوې نه دي.
د کاسا زر پروژې ټول لګښت ۱،۱۷ میلیارده ډالره اټکل شوی دی او د دې پروژې تاسیسات به په افغانستان کې د ۵۸۰ کېلومترو په اوږدوالي د کندز له شیر خان بندر د افغانستان شمال ته ننوځي او د کندوز، بغلان، پنجشېر، کاپیسا، کابل، لغمان او ننګرهار ولایتونو له لارې به پاکستان ته ورسېږي.
کاسا زر لومړۍ پروژه ده، چي د افغانستان له لارې د مرکزي او سویلي اسيا ترمنځ د انرژۍ سوداګرۍ ته لار هواروي.
ویل کیږي، چي افغانستان ته به هر کال د دغې برېښنا د ترانزيت لپاره له ۳۵ څخه تر ۴۰ ميليونو ډالرو پورې ورکړل شي.
د دې پروژې له مخې به ۳۰۰ ميګاواټه برېښنا له قرغیزستان او ۱۰۰۰ مياواټه له تاجيکستان څخه افغانستان او پاکستان ته صادره شي.
