د طالبانو پلاوي د قطر له امیر شیخ تمیم بن حمد الثاني او حماس د سیاسي دفتر له مشر اسماعیل هنیه سره وکتل. د طالبانو د بهرنیو چارو وزارت د ویاند مرستیال حافظ ضیا احمد د پنجشنبې په ورځ د (غبرګولي دریمه) د دغو لیدنو انځورونه په خپله ایکس پاڼه خپاره کړي دي.
ښاغلي تکل د دوی ترمنځ د خبرو د جزییاتو په اړه معلومات نه دي ورکړي.
د طالبانو د رییس الوزرا لومړي وزیر مرستیال عبدالغني برادر او د دغې ډلې د بهرنیو چارو وزیر امیرخان متقي د چهارشنبې په ورځ د ایران مخکني ولسمشر رییسي د جنازې په مراسمو کې ګډون وکړ.عبدالغني برادر او امیر خان متقي تهران ته له رسیدو وروسته د چهارشنبې په ورځ د (غبرګولي دویمه) د ابراهیم رییسي او حسین امیر عبداللهیان تابوتونو ته درناوي وکړ.د قطر له امیر او د حماس د سیاسي دفتر له مشر سره د طالبانو د پلاوي لیدنه هم د ابراهیم رییسي او حسین امیرعبداللهیان د جنازې د مراسمو په څنګ کې ترسره شوه.
