قطري چارواکي وايي، په افغانستان کې ۱۰ روغتیايي مرکزونه جوړوي

د طالبانو ټولګټو چارو وزارت د روان کال په غوايي میاشت کې دېته ورته خبرپاڼه خپره کړې وه.

هغه مهال یاد وزارت ویلي وو، چې د هوا په ښه کېدو سره به د سالنګ لویې لارې د بیارغونې چارې پیل شي.

طالبانو تېر کال ویلي وو، چې د سالنګ لویه لاره یې رغولې ده.

لوړپوړو طالب چارواکو د سالنګ لاره د ۱۴۰۲ کال د لیندۍ میاشتې په ۲۹مه نېټه د یو لړ ځانګړو مراسمو په ترڅ کې پرانیسته.

له هغه وروسته يو شمېر افغانانو افغانستان انټرنشنل ته د يوې ويډيو په لېږلو سره وويل. چې طالبانو د سالنګ لويې لارې د بيارغونې چارې نه دې بشپړې کړې.

سالنګ د افغانستان یوه له مهمو لویو لارو څخه ده چې د هېواد څو شمالي ولایتونه له کابل سره نښلوي.

د ماشومانو د ملاتړ صندوق یا یونېسف د یک شنبې په ورځ د (غبرګولي شپږمه) په خپله اېکس پاڼه لیکلي؛ چې په افغانستان کې د ورستیو سېلابونو له امله د اوبو رسولو شبکې ویجاړې شوې او د سېلاب ځپلو سیمو اوسېدونکي د څښاک پاکو اوبو ته لاسرسی نه لري .

دغه اداره وايي، ډیری کورنۍ د څښاک، پخلي او ځان مینځلو لپاره د پاکو اوبو د ترلاسه کولو لپاره له ډېرو ستونزو سره لاس او ګریوان دي.

یونېسف وايي، هره ورځ د دغو سېلاب ځپلو کسانو لپاره د اوبو ټانکرونه لیږدوي او د هر کس لپاره ۱۵ لېټره اوبه ورکوي.

د ماشومانو د ملاتړ صندوق مسوولانو،په اېکس پاڼه د یوه انځور په خپرولو سره ویلي؛ هره ورځ ۲۲ زره کسانو ته پاکي اوبه رسوي.

دا په داسې حال کې ده چې په افغانستان کې د ورستیو سېلابونو راوتلو له امله په بېلابېلو ولایتونو کې سلګونه کسان مړه، سلګونه د اوسېدو کورونه ویجاړ شوي، زرګونه کسان زیانمن شوي او په خوراکي توکو سربېره د څښاک پاکو اوبو او درملو ته لاسرسی نه لري.

د رویټرز د راپور له مخې دغه خبر د پاکستان د ترهگرۍ پر ضد د مبارزې ادارې مشر رای طاهر او د کورنیو چارو وزیر محسن نقوي په یوه خبري کنفرانس کې په ډاګه کړ.

رای طاهر د یکشنبې ورځ د (غبرګولي شپږمه) رسنیو ته ویلي، «هغه ګرځنده ټیلیفون چې ځانمرګي بریدګر له خپلو سیمه ییزو ملګرو سره د اړیکې لپاره کارولی و د نورو شکمنو کسانو د نیولو لامل شو.»

ښاغلی طاهر زیاتوي چې، څېړنې او اسناد دا ډاګیز کوي چې «وسله والو په افغانستان کې د تحريک طالبان پاکستان له مشرانو څخه امر اخيست.»

ټي‌ټي‌پي تر اوسه پورې په دې اړه څه نه دي ویلي.

د طالبانو دفاع وزارت هغه مهال ویلي و چې، د افغانستان خاوره د پاکستان پر ضد نه کارول کیږي او ویلي یې و، د خیبرپښتنخوا هغه سیمه چې چینايي وګړي پکې په نښه شوي، د پاکستاني پوځ تر کلک امنیتي پوښښ لاندې ده. او د پاکستاني چارواکو دا ډول څرګندونې یې له مسوولیت څخه د هغوی تېښته بللې وه.

د مارچ په ۲۶مه د خیبرپښتونخوا په بشام سیمه کې د چینايي انجینرانو پر کاروان یوه ځانمرګي بریدګر د پنځو چینايي انجینرانو په ګډون شپږ کسان ووژل.

پاکستاني طالبانو په دې پېښه کې لاس لرل رد کړي دي.

د پاکستان کورنیو چارو وزیر په لاهور کې په یوه خبري غونډه کې طالبانو ته په وینا کې وویل: «موږ د طالبانو له موقت حکومت څخه غواړو چې د نور ولي محسود په ګډون د تحریک طالبان پاکستان مشران ونیسي او پاکستان ته یې وسپاري. چې د دواړو هېوادونو ترمنځ دوستانه اړیکې وساتل شي.»

د طالبانو حکومت د پاکستاني طالبانو د مشرانو او غړو د شړلو او پاکستان ته د ورسپارلو په اړه د اسلام اباد غوښتنه رد کړې ده. دغه راز طالبانو د ټي ټي پي د هرکلي ترڅنګ په خيبرپښتونخوا کې د پاکستاني طالبانو د وسله والو فعاليتونو مسووليت هم رد کړی او دغه ډله يې د پاکستان کورنۍ ستونزه بللې ده.

نقوي وويل، په بشام کې پر چينايي وګړود بريد تر شا د تحريک طالبان پاکستان لاس و او په تړاو يې ترهګر نيول شوي دي.

هغه وویل: «موږ په دې قضیه کې داسې اسناد لرو چې منکرېدل ترې ناشوني دي.»

نقوي خبرداری ورکړ چې «ترهګر د افغانستان د موقت حکومت (طالبانو) له کمزورۍ ګټه پورته کوي او له ډیورنډ کرښې هاخوا د پاکستان امنیت ته ستونزې جوړوي.»

د پاکستان کورنیو چارو وزیر د دغو بریدونو په غبرګون کې ویلي، چې دوی د دواړو هېوادونو تر منځ پر ډیورنډ کرښه څارنه ګړندۍ کړې ده.

د یوه کور د امنیتي کمرې له خوا د ثبت شوې ویډیو له مخې، درې تنو ناپېژانده وسله والو یو ماشوم چې پر لاره روان وپه زوره خپل موټر ته پورته کړ او ویې تښتاوه.

تر اوسه پورې د دې پېښې په اړه نور جزییات نه دي په ډاګه شوي، خو د یوه غږیز فایل له مخې د طالبانو د امنیتي ځواکونو یو مسوول د ښاري ناحیو مشرانو ته وايي چې تښتونکو د طالبانو په څېر جامې اغوستې دي.

هغه وويل چې په ښار کې د طالبانو د موټرو د پلټنې امر هم صادر شوى دى.

د مزارشریف ښار يو شمېر اوسیدونکو وايي، د طالبانو له دې دعوې سره سره چې وايي بشپړ امن یې راوستی، بیا هم دوی او د دوی د ماشومانو امن خوندي نه دی.