الماني رسنۍ: د ننۍ پیښې بریدګر سلیمان الف د افغانستان په هرات ولایت کې زیږیدلی و

دا پرېکړه وروسته له هغې وشوه، چې د سې شنبې په ورځ (د غبرګولي اتمه) د کډوالو ۵۰ کسیزه ډلې له سرحد څخه د تېریدو پر مهال پر یو پولنډی سرتېري د چاقو برید وکړ.

د پولنډ حکومت وايي، چې د بیلاروس چارواکي د وارسا د بې ثباته کولو په موخه دغه هېواد ته د کډوالو یوه څپه برابروي.

د پولنډ د کورنیو چارو وزارت ویلي، چې په سرحدي سیمو کې د تګ راتګ محدودیت به د چنګاښ د میاشتې په ۱۴مه نېټه پیل شي او درې میاشتې به دوام وکړي.

ډونالډ ټاسک وايي، چې د پولنډ حکومت هوډ لري چې له بېلاروس سره د سرحدي سیمو د امنیت لپاره له ټولو ممکنو سرچینو ګټه واخلي.

تر دې مخکې د پولنډ لومړي وزير د غبرګولي په څلورمه نېټه ویلي و، چې دغه هېواد به د روسيې او بلاروس تر منځ پر پوله د امنيت د ټينګښت لپاره ۲،۳ ميليارده يورو ولګوي.

ټاسک ټینګار کوي چې د پولنډ د امنیت لپاره د بودیجې محدودیتونه نه شته او زیاتوي: «موږ دا کار د دې لپاره پېل کړ، چې د پولنډ سرحد د سولې په وخت کې خوندي او د جګړې په وخت کې د نفوذ وړ نه وي.»

له بلاروس سره د پولنډ سرحد اروپا ته د ننوتلو یو له ستراتیژیکو لارو څخه ده او په تېرو کلونو کې ډېری کډوال له همدې لارې د اروپایي ټولنې هېوادونو ته ننوتي دي.

د روسیې او اوکراین تر منځ له جګړې وروسته، د وارسا چارواکو تل ادعا کړې، چې د بیلاروس حکومت د دغه سرحد له لارې پولنډ او اروپايي ټولنې ته په زرګونه کډوال داخل کړي دي.

دغه چارواکي ادعا کوي چې بیلاروس هڅه کوي چې پولنډ ته د کډوالو په استولو دغه هېواد ناامنه کړي. خو د بیلاروس چارواکي دا تورونه بې اساسه بولي او وايي، چې پولنډ ته د کډوالو په راتګ کې کوم رول نه لري.

تر دې مخکې، هسپانیا او بلجیم هم له اوکراین سره د یو میلیارد ډالرو په ارزښت د مرستو ژمنه کړې وه.

د سویډن د دفاع وزیر پال جانسون، د دغې پوځي مرستې د اعلان پر مهال وویل، چې له اوکراین سره د روسیې د جګړې له پېل راهېسې دا اوکراین ته د دغه هېواد تر ټولو لویه مرسته ده.

د سویډن په مرستو کې ټانکونه، زغره وال ګاډي او د توپخانې مهمات شامل دي، چې اوکراین یې په وروستیو میاشتو کې له کمښت سره مخامخ دی. همدا راز، په دې مرستو کې د اضافي تجهیزاتو پېرلو لپاره مالي ملاتړ هم شامل دی.

تر دې مخکې هسپانیا او بلجیم د روانې اونۍ په اوږدو کې له اوکراین سره د یو میلیارد ډالرو پوځي مرستو ژمنه کړې وه. په دغو مرستو کې ۳۰امریکايي ایف ۱۶ جنګي الوتکې شاملې وې.

په عین حال کې، د اوکراین ولسمشر ولادیمیر زلنسکي وویل، اوکراین او لویدیځ متحدان یې یوځای پیاوړي دي.

دا په داسې حال کې ده، چې د فرانسې ولسمشر او د جرمني صدراعظم د سې شنبې په ورځ د جرمني په مسبرګ ښار کې په یوه غونډه کې وویل، چې اوکراین ته باید اجازه ورکړل شي چې په روسیه کې دننه پر پوځي اهدافو برید وکړي.

تر دې مخکې د ناټو سرمنشي ینس سټولټنبرګ اکانومیسټ مجلې ته ویلي و،چې د ناټو غړي باید اوکراین ته اجازه ورکړي چې د روسیې په خاوره کې د برید لپاره د لویدیځ له خوا ورکړل شوې وسلې وکاروي.

دغه نظر د ناټو د ځینو اروپايي غړو له خوا هم تایید شوی و او په وروستي اقدام کې کاناډا او فنلنډ هم له دغه پلان څخه خپل ملاتړ اعلان کړ.

پولیټیکو مجلې هم د درېیو امریکايي چارواکو او دوو نورو سرچینو په حواله راپور ورکړی، چې د امریکا ولسمشر جوبایډن په پټه اوکراین ته اجازه ورکړې وه چې د امریکا له خوا ورکړل شوې وسلې په روسیه کې د برید لپاره ورکاروي.

د دغه راپور له مخې، د امریکا دغه موافقه یوازې د ښارکیف شاوخوا سیمو کې شوې وه.

په ورته وخت کې د ملي مقاومت جبهې د کابل ښار په پنځمه امنیتي حوزه کې د طالبانو د دوو غړو د وژل کېدو خبر ورکړی.

تر دې مخکې سیمه ییزو سرچینو افغانستان انټرنشنل ته د کابل په خیرخانه سیمه کې د یوې زورورې چاودنې د اوریدو خبر ورکړی و.

د افغانستان د ازادۍ جبهې په یوې اعلامیه کې ویلي، چې د جمعې په ورځ ماښام اته نیمې بجې د خواجه بغرا غونډۍ د پنجشد فامیلي سړک ته څېرمه یې د طالبانو د کورنیو چارو وزارت پر موټر برید کړی.

د ازادۍ جبهې د دغه برید ویډیو خپره کړه چې په کې چاودنه لیدل کېږي.

له بلې خوا د ملي مقاومت جبهې ویلي، چې د کابل ښار په پنځمه امنیتي حوزه کې یې د طالبانو دوه غړي وژلي او د دې ډلې یو بل غړی یې ټپي کړی دی.

د مقاومت جبهې په خبره په دې برید کې د دغې جبهې ځواکونو او ملکي وګړو ته کوم زیان نه دی اوښتی.

په هغې اعلاميه کې چې دغې جبهې د جمعې په ورځ خپره کړې، ويل شوي چې دغه بريد د شپې په ٨:٢٥ بجو شوى دى.

د مقاومت جبهه وايي، چې د دوی ځواکونو د کابل ښار د پنځمې امنیتي حوزې اړوند فضل بیک سیمه کې د طالبانو پر یوه موټر برید کړی دی.

طالب چارواکو تر اوسه د ازادۍ جبهې او مقاومت جبهې د بریدونو په اړه څه نه دي ویلي.

د ملي مقاومت جبهه وايي، چې د هېواد په بېلابېلو سیمو کې به د طالبانو پر ضد خپلو "هدفي" عملیاتو ته دوام ورکړي.

د کابل د کوچنیو څارویو د ژغورلو امریکايي موسسې وویل، چې امریکا ته د دغو څارویو د لېږد لپاره د چمتووالي ټول پړاوونه بشپړ شوي دي.

دا څاروي د امریکا واشنګټن، مریلنډ او ویرجینیا ته لېږدول کیږي او هلته به خپل دایمي کورونه پیدا کړي.

د کابل د کوچنیو څارویو د ژغورنې موسسې د چهارشنبې په ورځ پر خپلې اېکس پاڼې لیکلي، چې دغه څاروي به د څلورو ورځو څخه په لږه موده کې واشتنګټن ډي سي ته ولېږدول شی.

د دغه سازمان په وینا، د دغو سپیو او پیشوګانو د لېږدولو الوتکه به په اروپا کې لنډه دمه وکړي، چې په ترڅ کې به یې الوتکې ته تېل اچول کېږي او د څارویو درملنه او تغذیه به کېږي.

دغه څاروي به د جون په درېیمه واشنګټن ته ورسیږي او سم‌دستي به په ویرجینیا کې د پنډر څارویو پناه ځای په ګډون په بېلابېلو پناه ځایونو کې ځای پر ځای شي.

د دغه سازمان د فیسبوک پاڼې په یادښتونو کې راغلي، چې د دغو څارویو له ډلې څخه ډېری یې په «وحشتناک» حالت کې له کابل ښار څخه ژغورل شوي دي.

په ورته وخت کې ډبلیو اس ای۹ په نوم رسنۍ د کابل د کوچنیو څارویو د ژغورنې موسسې د بنسټګر او مشر شارلوټ ماکسول جونز له قوله لیکلي، چې نوموړي دغه ناانتفاعي موسسه شاوخوا پنځه کاله وړاندې جوړه کړې وه.

ښاغلي جونز زیاته کړه، چې دغه اداره په کابل کې ۹۲ کارکوونکي لري او ۱۵نور د څارویو د لېږد رالېږد په برخه کې کار کوي. هغه زیاته کړه، د کابل د کوچنیو څارویو د ژغورنې اداره په کابل کې د ۱۰متخصصینو په لرلو ۲۴ساعته فعال روغتون لري.

د هغه په ​​وينا، دغه سازمان توانیدلی چې د دغو څارويو د لېږدولو لپاره د يوې کارګو الوتکې د اجاره کولو لپاره درېیو میاشتو کې ٨٢٠ زره ډالره راټول کړي.

ښاغلي جونز زیاته کړه چې له دغو پیشوګانو څخه به ۱۲ له متحده ایالاتو څخه کاناډا ته واستول شي او پاتې نور به د امریکا په ټولو ایالتونو کې خپل نوي کورونه ومومي.

د طالبانو تر واک لاندې افغانستان کې، د څارویو د ساتنې لپاره کوم سازمان یا میکانیزم شتون نه لري.

پر دغو کسانو تور دی چې بهرنیو وګړو ته یې د طالبانو د کورنیو چارو او دفاع وزارتونو په مکتوبونو پاسپورټونه جوړ کړي دي.

په دغه مکتوب کې راغلي، چې د طالبانو د کورنیو او بهرنیو چارو وزارتونو رسمي مکتوبونه د پاسپورټ عمومي ریاست ته لیږل شوي او په کې غوښتل شوي چې د طالبانو غړو سره دې همکاري وشي او د سهمې له مخې دې پاسپورټ ورکړل شي.

د مکتوب په لومړی برخه کې راغلي، چې د طالبانو د استخباراتو عمومي ریاست ددې ډلې د مشر ملا هبت الله دفتر او د استخباراتو عمومي کمېسیون سره په همغږۍ کې دغه کسان نیولي دي.

طالبانو په دغه مکتوب کې دا نه ده په ډاکه کړې، چې د پاسپورټ عمومي رییس عبدالکریم حسیب سره د طالبانو د کورنیو چارو او دفاع وزارتونو کوم چارواکي نیول شوي دي او نه هم د هغوي شمېر او هویت په اړه څه ویل شوي دي.

د مکتوب په پای کې راغلي، چې نیول شوي کسانو په اړه د لازیاتو څېړونو په موخه د هغوی دوسیې کندهار کې د ملا هبت الله دفتر ته استول کیږي.

د طالبانو د استخباراتو عمومي ریاست د دغه مکتوب کاپيانې، د دې ډلې د استخباراتو عمومي کمېسیون، دفاع او کورنیو چارو وزارتونو ته لېږل شوي چې د طالبانو د استخباراتو عمومي رییس عبدالحق وثیق له خوا پرې لاسلیک شوی دی.

د طالبانو یو لوړپوړي چارواکي افغانستان انټرنشنل ـ پښتو خبریال عبدالحق عمري ته ویلي، چې د طالبانو استخباراتو عمومي ریاست د موندونو پر بنسټ شاوخوا ۱۰ زره پاسپورټونه د ۲۰۰۰ امریکايي ډالرو په بدل کې وېشل شوي دي.

دغه طالب چارواکي چې د خپل نوم له اخیستو ډډه کړې، ویلي، چې د طالبانو مشرانو ته د ملګرو ملتونو یو پلاوي داسې شواهد وړاندې کړي چې دغه پاسپورټونه د القاعدې غړو باندې وېشل شوي دي.

د طالبانو د استخباراتو عمومي ریاست په مکتوب دا نه دي ویل شوي، چې طالب چارواکو دغه پاسپورټونه چا ته اخیستي دي.

د طالبانو د کورنیو چارو وزارت ویاند عبدالمتین قانع تېره دوشنبې پر اېکس خپور کړي پیغام کې ویلي و، چې د دغې ډلې د پاسپورټ ادارې مشر مولوي عبدالکریم حسیب په کندهار کې نه دی توقیف شوی.‌

هغه ویلي و: "څه موده وړاندې، د ننګرهار په باریکاب کې د ځمکو په تړاو لاریونونه وشول، چې د همدې موضوع د وضاحت لپاره ښاغلی حسیب او د کورنیو چارو او ملي دفاع وزارت یو شمېر مسوولین د مشرتابه مقام ته غوښتل شوي دي."

عبدالمتین قانع ټینګار کوي، چې د پاسپورټ ریاست چارې په عادي توګه روانې دي او هېڅ کومه ستونزه پکې نه شته دی.

خو سرچينو افغانستان انټرنشنل ته ويلي؛ چې د طالبانو د پاسپورټ ریاست مشر د پنجشنبې - د غبرګولي درېمه - راهيسې د ملا هبت الله په امر نیول شوی او بندي دی.