طالبان وايي، اندونیزیا غواړي د افغانستان د پوهنې او کانونو په برخو کې پانګونه وکړي

د طالبانو تر واک لاندې د دغې دولتي رسنۍ یوه کارکونکي افغانستان انټرنشنل ته ویلي؛ چې دوی په دې اړه د ملي ټلویزیون له اوسني مشر قاري یوسف احمدي او له پخواني مشر احمدالله وثیق سره خبرې کړې دي، خو دواړو د دوی ستونزه نه ده حل کړې.

د ملي ټلویزیون یو له دغو کارکونکو څخه ښاغلی هدایت په «ناپوهۍ، تاوتریخوالي، ناوړه او دیکتاتورانه چلند» تورنوي.

د ملي ټلویزیون د کارکونکو په وینا، هدایت الله هدایت له خپلو کارکونکو سره د ناوړه چلند تر څنګ هغه کسان له دندې ګوښه کوي چې د نوموړي په اړه شکایت وکړي.

د دغو کارکونکو له ډلې څخه يوه يې وويل؛ چې په افغانستان کې د پراخې بېکارۍ له امله نه شي کولى چې د راډيو او ټلوېزيون له مرستيال سره مخالفت وکړي او خپله دنده پرېږدي.

د دې ادارې يو بل کارکونکى وايي، چې له طالبانو څخه د ښه چلند تمه نه لري، خو غواړي د طالبانو له دغه چلند څخه عام خلک خبر کړي.

د کارکونکو له معاشونو برخه اخیستل

د ملي ټلویزیون یوه کارکونکي افغانستان انټرنشنل ته وویل، چې طالبان د دې رسنۍ د ځینو مسوولانو چې د تېر حکومت پرمهال ټاکل شوي، په ځانګړې توګه د قراردادي مسلکي کارکونکو لږ تر لږه ۳۰ سلنه معاشونه نه ورکوي.

د دې ادارې کارکونکي په ملي راډیو او ټلویزیون کې لوړپوړي طالب چارواکي تورنوي چې «دغه پیسې خپلو جیبونو ته اچوي.»

له دغو کسانو څخه یو یې وویل چې «د ملي راډیو او ټلویزیون مرستیال د بازارموندنې او پلورنې یو لوړپوړی کارکونکی استعفا ته اړ کړ ځکه چې هغه د معاش د یوې برخې له ورکولو څخه یې انکار وکړ.»

د څلورو سرچينو د معلوماتو پر بنسټ، د افغانستان انټرنشنل توانېدلی، چې معلوم کړي د ملي راډيو- ټلوېزيون د يو شمېر مسلکي او تخنيکي کارکونکو معاشونه کم شوي، خو دا چې دغه پيسې د راډيو او ټلوېزيون د مرستيال او يا هم د کوم بل چارواکي ته رسیږي، دا په خپلواکه توګه نه شي تاییدولی.

د یادې رسنۍ کارکونکي پر هدایت الله هدایت هم تور لګوي چې د طالبانو تر واک لاندې د دغې رسنۍ له اسانتیاوو څخه ناوړه ګټه پورته کوي.

افغانستان انټرنشنل هڅه وکړه، چې د دغو تورونو په اړه د هدایت الله هدایت نظر واخلي، خو تر اوسه پورې د دغه طالباب چارواکي له لوري کوم ځواب نه دی ترلاسه شوی.

دغه متقاعد امریکايي جنرال چې په خپل وخت کې یې په منځني ختیځ او شمالي افریقا کې د امریکايي ځواکونو د قوماندې پر مهال له افغانستانه د امریکا د وتلو پلان عملي کړی و، د یکشنبې په ورځ له سي‌بي‌ایس ټلویزیون سره په مرکه کې د دوحې له تړون سره د امریکا د حکومت چلند تر پوښتنې لاندې راووست.

هغه وویل چې د بایډن ادارې په بشپړ ډول د تړون شرایطو ته غاړه کېښوده، په داسې حال کې چې «موږ کولای شول چې له دې ښه څه ترلاسه کړو.» مکینزي زیاته کړه چې د سپینې ماڼۍ تېروتنه دا وه چې «له افغانستان څخه د خپلو ځواکونو د ایستلو مهال ویش یې وټاکه.»

مکینزي وویل چې دا تړون د خبرو اترو تر ټولو ناسمه تېروتنه وه چې د ټرمپ ادارې لخوا اداره شوه او وروسته د جو بایډن ادارې عملآ پلې کړه.

د سینټکام پخواني قوماندان وویل: «د دوحې تړون هغه عملیاتي میکانیزم و چې افغانستان یې وواژه، افغان حکومت یې ویجاړ کړ، ځکه دوی ولیدل چې موږ د لګښت په پام کې نیولو پرته له هیواد څخه وتلو ته لیواله یو.»

هغه زیاته کړه: «په حقیقت کې د دوحې د سولې په تړون کې داسې یو څه و، چې که درناوی یې شوی وای، نو طالبان به یې اړ ایستلی وو، چې د بهرنیو ځواکونو پر وړاندې یې ځانګړي ګامونه اخیستې وای، خو موږ دا ونه غوښتل.»

د ۲۰۲۱ کال په اګست میاشت کې د افغان حکومت له پرځېدو څو میاشتې وړاندې جنرال مکینزي د امریکا کانګرس ته خبرداری ورکړی و چې د امریکايي ځواکونو له بشپړ وتلو وروسته به هم افغان پوځ ملاتړ ته اړتیا ولري، که نه نو نسکور به شي.

هغه ویلي وو، چې له افغانستانه د امریکايي ځواکونو په وتلو سره د افغانانو د دفاع او دغه راز د امریکا له مالي مرستو پرته د افغان حکومت د الوتکو د ساتلو او الوتنو د وړتیا په اړه اندېښمن دی.

د دوحې د سولې په تړون کې چې د ۲۰۲۰ کال د فبرورۍ په ۲۹مه د امریکا د هغه وخت د ځانګړي استازي زلمي خلیلزاد او د طالبانو د استازي عبدالغني برادر ترمنځ لاسلیک شو، امریکا ژمنه وکړه چې د ۲۰۲۱ کال مئ میاشتې تر لومړۍ نیټې به له افغانستانه خپل ځواکونه وباسي. له بلې خوا طالبانو هم ژمنه کړې چې د القاعدې په ګډون له ترهګرو شبکو سره به اړیکې پرې کوي او له افغان سیاسي ډلو سره به خبرې پیل کړي.

منتقدان وايي چې طالبانو د دوحې د تړون دغه دوه مهم شرطونه نه دي پرځای کړي.

طالب چارواکي له قطري سوداګرو هم په افغانستان کې د پانګونې غوښتنه کړې ده.

د یکشنبې په ورځ د قطر د سوداګرۍ خونې مرستیال د کار او ټولنیزو چارو له سرپرست وزیر عبدالحنان عمري او ورسره مل پلاوي سره وکتل.

د قطر خلیج ټایمز ورځپاڼې د راپور له مخې، په دې کتنه کې د قطر او طالبانو تر واک لاندې د افغانستان ترمنځ د اقتصادي او سوداګریزو اړیکو، د هغې د ښه کېدو پر لارو چارو او په افغانستان کې د پانګونې پر فرصتونو خبرې وشوې.

د دغه راپور له مخې، دواړو لوریو د کرنې، خوراکي توکو د پروسس او د زېربناوو په ګډون د خصوصي سکټورونو ترمنځ د همکارۍ په اړه هم خبرې وکړې.

د طالبانو د کار او ټولنيزو چارو وزير هم په دې غونډه کې وويل چې دغه ډله د کرنې او خوراکي توکو د پروسس په برخو په تېره بيا د مېوو، زعفرانو، مميزو او نورو کرنيزو محصولاتو په برخو کې د پانګونې زمينه برابروي.

نوموړي له قطري پانګوالو څخه هیله وکړه، چې په افغانستان کې پانګونه وکړي او محصولات نورو هېوادونو ته صادر کړي.

عمري وويل چې اوس د پخوا پرتله په افغانستان کې د پانګونې او د دواړو هېوادونو ترمنځ د اړيکو د پراختيا زمينه برابره شوې ده.

دغه وزارت په ایکس پاڼه لیکلي چې طالب چارواکي د قطر د خصوصي سکتور له چارواکو غوښتي چې د افغانستان له خصوصي سکتور سره خپلې کاري او سوداګریزې اړیکې پراخې کړي.

د پاکستان او افغانستان د سوداګرۍ او صنایعو د ګډې خونې یوه جګپوړي غړي ویلي چې د یکشنبې په ورځ د افغانستان لومړنۍ سوداګریزې لارۍ چې لنډمهالي اسناد لري د کرمې د خرلڅۍ له لارې د تېرېدو اجازه ورکړل شوه.

د ګډې خونې مسوول ضیاالحق سرحدي وايي، په کابل کې د پاکستان سفارت افغان موټر چلوونکو ته موقتي اسناد ورکړي دي.

په پېښور کې د طالبانو کونسل محب الله وايي، دوی پاکستاني موټر چلوونکو ته هم ورته اسناد ورکوي.

د نوموړي په خبره، له کابل څخه پيښور ته يو چارواکي ورغلى دى چې پاکستاني موټر چلوونکو ته لنډمهالي اسناد ورکړي.

نوموړی وايي: «دا د دوه اړخیز سوداګرۍ لپاره ښه خبر دی.»

د پاکستان د سوداګرۍ وزارت چارواکو او طالبانو د مارچ په میاشت کې ویلي وو، چې د سوداګریزو موټرو چلوونکو ته د موقتي اسنادو د ورکولو په اړه هوکړې ته رسېدلي دي.

محب الله وایی:«د دواړو هېوادونو لارۍ اوس کولای شي چې د پاکستان او افغانستان هر ښار ته ولاړې شي.»

د پاکستان د سوداګرۍ پخوانی وزیر محمد خرم اغا د مارچ له ۲۴ تر ۲۷ کابل ته تللی او هلته یې د طالبانو د سوداګرۍ له وزیر نورالدین عزیزي سره د دواړو هېوادونو ترمنځ د سوداګریزو ترانزیټي اړیکو په اړه ژورې خبرې وکړې.

د موټر چلوونکي د ویزې او پاسپورټ، د افغانستان او پاکستان تر منځ د تګ راتګ د اجازې پر سر شخړې د جنورۍ په میاشت کې د تورخم لاره د څو ورځو لپاره تړلې وه.

طالبانو د جنورۍ په ۱۳مه له هغه وروسته د تورخم دروازه وتړله چې پاکستان اعلان وکړ چې له پولې د تېرېدو لپاره معتبر پاسپورټونه او ویزې اړینې دي.

دغه دروازه هغه وخت بېرته پرانیستل شوه کله چې پاکستان له خپلې پرېکړې پر شا شو.

افغان او پاکستاني موټر چلوونکي به د جون په میاشت کې د یوه کالپاره په امتحاني ډول لنډمهاله اسناد ترلاسه کړي.

د طالبانو د سوداګرۍ او صنایعو وزارت ویاند عبدالسلام جواد د دې پرېکړې هرکلی وکړ او ویې ویل؛ موږ دې ته د یو ډېر مثبت پرمختګ په سترګه ګورو چې د دوه اړخیزه سوداګرۍ لپاره به لاره هواره کړي.

د پاکستان د سوداګرۍ وزارت چارواکو په دې وروستیو کې ویلي چې شاوخوا شپږ زره افغان راجستر شوي لارۍ او نهه زره پاکستاني راجستر شوي لارۍ دواړو هېوادونو ته د مالونو په لېږدولو بوخت دي.

تر دې مخکې د افغانستان لپاره د اروپايي ټولنې ځانګړي استازي په کابل کې د طالبانو د بهرنيو چارو له وزير اميرخان متقي سره کتلي او د دوحې د درېيمې ناستې په اړه يې ورسره خبرې کړې وې.

په دوحه کې درېیمه غونډه د ملګرو ملتونو په کوربه توب د روان هجري لمریز کال (د چنګاښ ۱۰مه او ۱۱مه) نېټه په قطر کې جوړیږي.

طالب چارواکو د دې غونډې په دویم پړاو کې ګډون نه و کړی؛ خو په دې وروستیو کې د دې ډلې د بهرنیو چارو وزیر په دې غونډه کې د طالبانو پر «معنا داره ګډون» ټینګار کړی دی.

هغه ویلي، چې تر کتنې او څېړنې وروسته به دوی د دوحې په درېيمه ناسته کې د ګډون او نه ګډون په اړه خپل دريځ اعلانوي.