د امریکا ولسمشر جو بایډن په پنځه ورځني سفر فرانسې ته ورسېد
د امریکا ولسمشر د چهار شنبې په ورځ د نورمنډي په سواحلو کې د متحدینو د ځواکونو د یادګار ۸۰یمې کلیزې د نمانځنې په موخه فرانسې ته ولاړ.
د امریکا ولسمشر د چهار شنبې په ورځ د نورمنډي په سواحلو کې د متحدینو د ځواکونو د یادګار ۸۰یمې کلیزې د نمانځنې په موخه فرانسې ته ولاړ.
سپینه ماڼۍ وايي، چې جو بایډن به د فرانسې له ولسمشر سره د دغه پنځه ورځني سفر په ترڅ کې د روسیې د ۳۰۰ میلیارد ډالرو د کنګل شوې شتمنۍ د احتمالي کارونې په اړه خبرې وکړي.
د سپینې ماڼۍ د ملي امنیت سلاکار جیک سلیوان وویل؛ جو بایډن به په دې غونډه کې د «دیکتاتورانو پر وړاندې د درېدو» په موضوع وینا وکړي.
سلیوان خبریالانو ته وویل، چې جو بایډن به د اوکراین له ولسمشر ولادیمیر زېلینسکي سره د روسیې د یرغلګرو د شاته کولو لپاره د جګړې د هڅو په اړه هم خبرې وکړي.
د ۱۹۴۴ کال د جون په شپږمه نېټه په دویمه نړۍواله جګړه کې د متحدینو ځواکونه د فرانسې د نورمنډي په ساحل کې راښکته شول او د نازي جرمني پر وړاندې یې جګړه وکړه.
دا جګړه د «نورمنډي جنګ» په نوم یادیږي.
نازي جرمني د نورمنډي په محاذ کې ماتې وخوړه.
