د لبنان په سویل کې د اسراییل په هوايي برید کې دوه تنه وژل شوي دي
د لبنان دولتي خبري اژانس ان ان اې د شنبې په ورځ وویل، چې د لبنان په سویل کې د ایتارون ښار په څنډه کې د اسراییل په هوايي برید کې دوه تنه ووژل شول.
د لبنان دولتي خبري اژانس ان ان اې د شنبې په ورځ وویل، چې د لبنان په سویل کې د ایتارون ښار په څنډه کې د اسراییل په هوايي برید کې دوه تنه ووژل شول.
د اسراییل پوځ په یوه اعلامیه کې ویلي، چې سرتېرو یې د اتارون په سیمه کې د حزب الله یو وسله وال تشخیص کړ، چې لږ وروسته د اسراییلو په هوایي برید کې ووژل شو.
ان ان اې ویلي، چې اسراییلي ځواکونو د تېلو سټیشن ته څېرمه یوه قهوه خانه په دوه توغندیو په نښه کړه، چې یادې ودانې او شاوخوا سمیو ته یې د پام وړ زیان اوښتی دی.
د لبنان وسله والې ډلې حزب الله ویلي، چې د دوی وسله والو د دغه برید په ځواب کې د اسراییل په شمال مالکیا سیمه باندې راکټونه ویشتلي او ورپسې یې د فلق ۲ راکټونو په کارولو سره په شمالي اسراییل کې یو پوځي مرکز په نښه کړی دی.
یوې امنیتي سرچینې رویټرز ته ویلي، چې دا لومړی ځل و چې دغې ډلې فلق۲ راکټونه وکارول، او دا چې تر دې مخکې یې فلق ۱ راکټونه کارول.
د لبنان د حزب الله او اسراییل ترمنځ شخړو، په دې وروستیو ورځو کې زور اخیستی او دا اندېښنې یې زیاتې کړي چې ښايي د دغو نښتو لمن پراخه شي.
