ندامحمد نديم د نړۍ د لوړو زدکړو او پوهنې وزيرانو په غونډه کې د ګډون لپاره مسکو ته ولاړ

حامد کرزي په خپل ټولنیز رسنۍ اېکس کې د مبارکۍ ترڅنګ لیکلي چې په راتلوونکي سیالیو کې افغان لوبډلې ته د نورې بریا هیله کړې ده.

اشرف غني بیا په اېکس کې لیکلی« ټولو هېوادوالو ، پېغلو او ځوانانو او په تېره د ملي لوبډلې اتلانو ته مبارکي وایم.»

پر پخوانیو ولسمشرانو سربېره د ملي روغې جوړې عالي شورا پخواني مشر عبدالله عبدالله په خپلو ټولنیزو شبکو کې د یادښتونو د خپرولو سره افغانستان ولس ته د نوي زیلنډ پر وړاندې د افغان لوبډلې د دې بریا مبارکي ورکړې

د مالې پخواني وزیر عمر زاخېلوال، ملي امنیت پخوانی رییس رحمت الله نبیل تو د ننګرهار پخواني والي ضیاالحق امرخیل او ځینې نورو افغان سیاستوالو په خپلو ټولنیزو شبکو کې افغان ولس ته د کرېکټ وروستۍ بریا مبارکي ویلې ده.

د کرېکټ له دې بریا ساعتونونه تیریږي خو د طالبانو له لوی ویاند ذبیح الله مجاهد نیولې تر نورو طالب چارواکو تر اوسه هیڅ کومه یوه غبرګون نه دی ښودلی.

د افغان لوبډلې لوی بری

افغانستان د ۲۰۲۴ کال په نړیوال شل اوره جام کرېکټ سیالیو کې په خپله دویمه لوبه کې نیوزیلنډ ته د ۸۴ منډو په توپیر ماتې ورکړه.

دا لومړی ځل دی چې افغانستان د نوي زیلنډ کرېکټ لوبډلې ته ماته ور کوي.

دا په روان جام کې د یوګانډا تر ماتولو وروسته د افغان لوبډلې دویمه پرلپسې بریا ده.

افغانستان به خپله درېیمه لوبه د جون پر ۱۴مه نېټه له پاپ اونیوګېني یا پي‌اېن‌جي سره او څلورمه هغه به د جون میاشتې پر ۱۸مه له ویسټ انډيز سره کوي.

د افغان لوبغاړو ځلېدل

د افغانستان د کرکټ ملي لوبډلې لوبغاړی رحمان الله ګربز د نوي زیلنډ خلاف د لوبې غوره لوبغاړی شو.

نوموړي د افغانستان لپاره په دوو لوبو کې د یوګانډا او نوي زیلنډ پر وړاندې ۱۵۶ منډې وکړې او د نړیوال جام د غوره توپ وهونکو په کتار کې ونومول شو.

د امریکا له لوري ارون جونز او ابراهیم ځدراڼ په ګربز پسې دي.

د افغان کرکټ د ملي لوبډلې تېز توپ اچوونکی فضل الحق فاروقي د ۲۰۲۴ کال په کرېکټ نړیوال جام د نهو ویکټو اخیستو سره د غوره توپ اچوونکو د جدول په سر کې دی.
راشد خان ارمان په ۶ وېکټو دوهم او د سریلانکا نووان توشارا د ۵ وېکټو په اخیستو دریم ځای لري.

علي باقري نن په خپل پیغام کې زیاته کړې، چې له افغانستان درې کلونه کېږي چې نیواکګر وتلي، خو له امله یې د افغانستان ګاونډیان هم له ستونزو سره مخ دي.

هغه په دې برخه کې مشخص ټکی نه دی په ګوته کړی، خو د طالبانو په واکمنېدو سره په تر یو میلیون ډېر افغانان ایران ته کډوال شول.

نوموړی د افغانستان شتمني کنګل کېدل همد دغه هېواد د پرمختګ خنډ بولي.

په تهران کې د مسکو فارمټ په چوکاټ کې د تماس ډلې یو ورځنۍ غونډه د افغانستان په هکله د ملګرو ملتونو په مشرۍ د دوحې ناستې په درشل کې ده.

د تهران غونډې ګډونوال غواړي د افغانستان په اړه سیمه‌ ییز متحدین د دوحې ناستې ته حپر دریځونه سره همغږي کړي.

طالبان وايي، د تهران ناستې ته بلل شوي وو، خو دوی نه دي ورغلي.

د طالبانو د کار او ټولنیزو چارو وزیر عبدالمنان عمري د سن پترزبورګ په اقتصادي فورم کې د ګډون لپاره د یوه پلاوي په مشرۍ روسیې ته تللی دی.

الکساندر پانکین د دې پوښتنې په ځواب کې، چې ایا د روسیې او طالبانو ترمنځ به دوه اړخیزه ناسته وشي، وویل: «نه، موږ به د کار د وزیر او د پلاوي د مشر په شتون کې په یوه غونډه کې خبرې وکړو.»

عبدالمنان عمري سن پترزبورګ ته د خپل سفر په ترڅ کې وویل، دا ډله چمتو ده، چې له روسیې سره د امنیتي اړیکو پر پراخولو خبرې وکړي.

هغه زیاته کړه طالبان دې ته انتظار باسي، چې د روسیې د ترهګريزو سازمانونو له نوملړ یې نوم لرې شي.

روسیې له دې مخکې ویلي و، چې د دغه هېواد د ترهګرو سازمانونو له لېست د طالبانو د نوم پر ایستلو غور کوي.

الکساندر پانکين د تاس خبري اژانس سره په مرکه کې وړاندي وکړ، چې د طالبانو ډله دي يوازي د افغانستان په نوم ياد شي.

د ده په وینا دا يو حقیقت دی، چې طالبان پر افغانستان کنټرول لري.

د بشري حقونو د څار بنسټ د نجونو پر زده‌کړو د لګول شوي بندیز په اړه په یوې خبرپاڼه کې ویلي، چې افغانستان به تر ډېره ښځینه مسلکي کدرونه و نه لري او دغه ستونزه به تر ډېره د دغه هېواد بنسټیزې چارې نورې هم ویجاړې کړي.
په کابل کې په مستعار نوم عزیزه چې په ۲۰۲۱ کال کې د لسم ټولګي زده‌کوونکې وه افغانستان انټرنشنل پښتو ته یې د ټیلیفون په لیکه وویل، چې که طالبانو دغه بندیز نه و لګولی؛ نو هغه به اوس د کابل یا کوم بل پوهنتون کې زده‌کړیاله وای او لوړې زده‌کړې به یې کولې.

هغه وړاندې وايي، طالبانو د ټولو نجونو هیلې له خاورو سره خاورې کړې، دوی په ټوله کې د پرمختګ، علم او پوهې دښمنان دي.
له شپږم ټولګي پورته د نجونو پر زده‌کړو د طالبانو له‌خوا لګول شوي بندیز یو شمېر کورنۍ اړ اېستې، چې د خپلو ماشومانو د هېلو د پوره کېدو لپاره ګاونډیو هېوادونو ته کډه وکړي؛ خو دغه کډوال په نورو هېوادونو کې هم نهیلي شول او د دوی هیلې پوره نه شوې.
په اسلام اباد کې افغان کډواله مریم افغانستان انټرنشنل پښتو ته وویل: موږ د دې لپاره هجرت وکړ، چې زه او زما دوه نورې خویندې له تعلیمه بې برخې پاتې نه شو؛ خو دلته هم زموږ لپاره د درس او تعلیم زمینه نه ده برابره، لومړی خو مهاجرو ته اجازه نه شته چې د پاکستان په ښوونځیو کې زده‌کړې وکړي او په هغو ښونځیو کې چې ورته اجازه ورکړل کېږي، هلته بیا میاشتیني فیسونه دومره لوړ دي چې زموږ په شان خلک یې د ادا کولو وس نه لري.
په ټوله کې افغان نجونې نهیلي شوې او ډېرې یې په رواني ناروغیو هم اخته شوې دي.

په اسلام اباد کې یوه پخوانۍ افغانه ښوونکې زرلښته وايي، دلته هره افغانه نجلۍ چې زه ورسره مخامخ شوې یم په یو ډول رواني ناروغۍ اخته شوې او د ژورو فکرونو له امله خوشاله ژوند نه لري.
مېرمن زرلښته وايي، دلته مېشت افغانان تر اوسه په دې نه دي توانیدلي چې نړۍوالو بنسټونو ته قناعت ورکړي چې له تعلیمه د پاتې شویو نجونو لپاره د تعلیم زمینه برابره کړي،.

هغه وايي، دلته له افغانستانه ګڼې ښوونکې او نارینه ښوونکي کډه شوي؛ خو تر اوسه د دوی لپاره داسې اسانتیا نه ده برابره شوې چې د نجونو لپاره د ښوونځیو په جوړولو د هغوی مړاوې هیلې راژوندۍ کړي.
که څه هم چې طالب چارواکو تل د نجونو د ښونځیو د تړل کېدو لپاره راز، راز پلمې کړې؛ خو داسې ښکاري چې د دغې ډلې په واکمنۍ کې به دغه تړل شوي ښوونځي نه پرانېستل کېږي، خو د هر کال په تېریدو سره افغانستان د ښځينه کدرونو له فارغېدو بې برخې پاتې کېږي چې د دغې تشې ډکول بیا ډېرو کلونو ته اړتیا لري.

دغه سیاسي غورځنګ ویلي، چې د تهران غونډې ګډونوال باید د ټولو افغان سیاستوالو نظرونه په پام کې ونیسي.

د تماس ډلې دویمه ناسته د مسکو په فارمټ کې د ایران، پاکستان، چین او روسیې د استازیو په شتون د شنبې په ورځ (د غبرګولي ۱۹مه) په تهران کې ترسره کیږی. تمه ده د ملګرو ملتونو په کوربه توب د دوحې درېیمه غونډه د افغانستان په چارو کې د هېوادونو د ځانګړو استازو په حضور کې د چنګاښ په ۱۰مه او ۱۱مه ترسره شي.

د سولې او عدالت د ملي غورځنګ مشر جلیل شمس د جمعې په ورځ په تهران کې د مسکو د غونډې او د دوحې درېیمې ناستې ته په اشارې سره ویلي دي، چې د تهران او دوحې د غونډې ګډونوال باید د ملګروملتونو د امنیت شورا د پرېکړه لیک له مخې خپلې دیپلوماتیکې هڅې پر مخ یوسي.

د ملګرو ملتونو امنیت شورا د دغه سازمان له عمومي منشي څخه غوښتي و، چې د افغانستان د سولې لپاره ځانګړی استازی وټاکي.

د تېر حکومت یو شمېر چارواکي لکه د بهرنیو چارو پخوانی وزیر حنیف اتمر، د مذاکراتي ټیم مشر معصوم ستانکزی او یو شمېر نور سیاستوال د سولې او عدالت د ملي غورځنګ غړي دي. دا غورځنګ په ۱۴۰۱ کال کې له افغانستان څخه بهر رامنځ ته شو.

د سولې او عدالت ملي غورځنګ وايي، طالبان باید د سولې، امنیت، بشري حقونو په ځانګړي ډول د ښځو، نجونو او قومي او مذهبي اقلیتونو د حقونو په برخه کې خپل نړۍوالو مکلفیتونو پوره وکړي.

دغه غورځنګ ټینګار کړی، چې د دغو دوو غونډو ګډونوال باید د افغانستان لپاره د دغه سازمان د ځانګړي همغږي کوونکي فریدون سینیرلي اوغلو ارزونې په پام کې ونیسي.

په دې لیک کې راغلي، چې د دوحې ناسته د افغانستان په اړه یوازینې نړۍواله پروسه ده.

د سولې او عدالت ملي غورځنګ مشر ټینګار کړی، چې د افغانستان په اړه د ملګرو ملتونو د امنیت شورا له پرېکړه لیک څخه انحراف منفي او نه جبرانېدونکې پایلې لري.

د سولې او عدالت ملي غورځنګ د افغانستان په تړاو غونډو په ځانګړې توګه د دوحې په ناسته او د مسکو فارمټ کې د افغان سیاستوالو او مدني ټولنې د استازو پر نه ګډون نیوکه کړې ده.

د دغه غورځنګ په وینا، له سیاسي بهیرونو څخه د دغو ډلو اېستل به په افغانستان کې د وروستي او مطلوب حالت د لاسته راوړلو مخه ونیسي.
دغه سیاسي جریان وړاندیز کړی، چې په دغو ناستو کې د افغان ښکېلو اړخونو د ګډون لپاره باید لومړی له دوو مخالفو اړخونو سره په ورته اجنډا کې جلا جلا ناستې وشي او دا بهیر دې تر هغه دوام وکړي چې د افغانانو خپلمنځي خبرو ته زمینه برابره شي.