ریچارډ بېنېټ له هېوادونو غوښتي، چې د زیان ګالو افغانانو د بیامېشتېدنې بهیر دې ګړندی کړي
د ملګرو ملتونو ځانګړي راپور ورکوونکي ریچارډ بېنېټ له هېوادونو غوښتي، د هغو افغانانو د بیامېشتېدنې بهیر دې ګړندی کړي چې له ګواښ سره مخامخ دي.
د ملګرو ملتونو ځانګړي راپور ورکوونکي ریچارډ بېنېټ له هېوادونو غوښتي، د هغو افغانانو د بیامېشتېدنې بهیر دې ګړندی کړي چې له ګواښ سره مخامخ دي.
نوموړي نن پنجشنبه (د غبرګولي ۳۱مه) په اېکس پاڼه د کډوالۍ نړۍوالې ورځې په مناسبت لیکلي:«په داسې حال کې د کډوالۍ په نړۍواله ورځ زه هغو مېلیونونو افغانانو ته چې خپلې مېنې یې پرېښې دي درناوی وړاندې کوم چې ډېری یې د زیان منونکو حالاتو سره مخامخ شوي دي.»
هغه پر هېوادونو غږ کړی، د هغو افغانانو کوربهتوب لپاره دې خپلې هڅې دوه برابره کړي؛ چې خوندیتوب او ساتنې ته اړمن دي.
ملګرو ملتونو هم د کډوالو د نړۍوالې ورځې په مناسبت ویلي، چې په ۲۰۲۴ کال کې په نړۍواله کچه د جبري بېځایه شویو خلکو شمېر په بېساري ډول ۱۲۰ مېلیونو ته لوړ شوی دی.
د ملګرو ملتونو د کډوالو عالي کمېشنرۍ د ارزونې له مخې، په ۲۰۲۴ کال کې په دومره لوړ شمېر کسان د جګړو، تاوتریخوالي، ځورونې، د بشري حقونو سرغړونو او یا هم د عامه نظم د ګډوډولو په پایله کې جبري بېځایه کېدو ته اړ شوي، چې په دې توګه یې یو نوی او تاریخي ریکارډ جوړ کړی دی.
