د اوکراین ولسمشر بروکسل ته د درېیو امنیتي تړونونو د لاسلیکولو لپاره اروپا ته تللی

د بشرا خان پخواني مېړه خاور مانیکا د تېر کال د نومبر پر ۲۵ محکمه کې عریضه وکړه چې له ده د بېلېدو وروسته د عدت موده پوره نه وه چې مېرمن خان له عمران خان سره واده وکړ.

د اسلام اباد محکمې یوه قاضي قدرت الله د دې دوسیې په تړاو د تېرې پرورۍ پر دریمه پرېکړه کې عمران خان او بشرا بي بي په اوه اوه کاله بند او پنځه پنځه لکه روپیو جرمانې محکوم کړل.

په مقابل کې د عمران خان وکیلانو د دې سزا ځنډولو لپاره غوښتنې وکړې.

خو د محکمې د نننۍ لس مخیزې پرېکړې اورولو کې قاضي محمد افضل مجوکا وویل، دې دوسیه کې د سزا ځنډولو لپاره کوم کره دلیلونه نه دي وړاندې شوي.

د محکمې پرېکړه کې ویل شوي چې د دوی د حکم خلاف عمران خان او بشرا بي بي د بیا کتنې غوښتنې به هم په دغه عدالت کې چلېږي او د اسلام اباد ستره محکمه به د جولای تر ۱۲ پرېکړه کوي.

د پاکستان د تحریک انصاف ګوند یو مهم مشر او قامي اسمبلۍ کې د اپوزیسیون مشر عمر ایوب د محکمې د نننۍ پرېکړې په غندلو سره وايي چې په ستره محکمه کې به یې ډېره ژر چلنج کړي.

د هغه په خبره، د قانون او انصاف غوښتنه دا وه چې دې دوسیه کې سزا ختمه شي، خو دا دوسیه سیاسي شوې او د سیاسي مشرانو پرضد ترې د وسلې په توګه کار اخیستل کېږي.

د پاکستان د لومړي وزیر شهباز شریف په مشرۍ کابینې وړمه ورځ په خپله غونډه کې د دې عملیاتو پیلول تایید کړل.

شهباز شریف هغه ورځ د کابینې غونډې ته ویلي، چې د عزم استحکام د عملیاتو په تړاو نیوکې کیږي، خو دا عملیات د تېرو عملیاتو په څېر نه دي، بلکې د استخباراتي معلوماتو پر بنسټ به کیږي او د دغو عملیاتو پرمهال به هېڅ څوک نه بې کوره کیږي.

خو د کابینې تر تایید یوه ورځ مخکې د پاکستان په پارلمان کې د اپوزسیون مشرانو د دې عملیاتو مخالفت وکړ او ویې ویل، چې د تېر په څېر به یوازې ولس ور سره زیانمن شي.

د پاکستان د جمعیت علمای اسلام «ف» ګوند مشر مولانا فضل الرحمان پرون هم پارلمان کې ویلي، چې د پاکستان پوځ د چین په خوښه او غوښتنه دا عملیات کوي، چې بدې پایلې به ولري.

د فضل الرحمان په خبره، له ګاونډیانو سره ستونزه په خشن برخورد نه شي حلېدی او اړتیا ده، چې پوځ له سیاسته لاس واخلي او سیاسي ګوندونه پرېږدي، چې د پاکستان سیاست وکړي.

د غزې ملکي دفاعي اداره وايي، چې د غزې په شمالي ښار بیت لاهیا کې د اسراییل له بمبارۍ وروسته د ویجاړۍ کچه « له تصوره لرې او د تمې خلاف ده.»

د الجزیرې د راپور له مخې؛ په ښار کې د ابو عواد په کور له بمبارۍ وروسته لږ تر لږه ۱۵ کسان وژل شوي دي.

دغه کور شاو خوا ۴۰ کسانو ته پناه ورکړې وه. همدا راز عامه زېربناوې او شاو خوا کورونه هم ویجاړ شوي دي.

د متحده ایالاتو د دفاع وزیر لویډ اسټین وایي، چې متحده ایالات د اسراییل او لبنان پر پوله د تاوتریخوالي د پای ته رسولو لپاره «د بېړني ډېپلوماټیک تړون په لټه کې دي.»

پرون ورځ د فلسطیني ډلې وویل، چې د غزې په شمال کې د شاطي کډوالو په کمپ کې د اسراییل په هوايي برید کې د حماس د سیاسي دفتر مشر اسماعیل هنیه د کورنۍ لس غړي وژل شوي دي.

د اکټوبر له اومې راهیسې په غزه کې د اسراییل په جګړه کې لږ تر لږه ۳۷ زره او ۷۱۸ کسان وژل شوي او ۸۶ زره او ۳۷۷ نور ټپیان شوي دي.

د حماس تر مشرۍ پر اسراییل بریدونو کې د وژل شویو شمېر ۱۱۳۹ تنو ته رسېدلی، چې لسګونه کسان یرغمل دي.

د ملګرو ملتونو امنیت شورا په یوه بیان کې ویلي، چې حقاني ته د «امنیت او پخلاینې په سرمشریزه» کې د ګډون لپاره د سرطان له لومړۍ څخه تر ۵مې پورې معافیت ورکړل شوی دی. طالبانو او متحده عربي اماراتو د حقاني د سفر په اړه څه نه دي ویلي.

امنیت شورا په یوه بیان کې ویلي، ابوظبۍ ته د حقاني د سفر موخه "د سیمه ییز امنیت، ثبات او پخلاینې په اړه په غونډو کې ګډون" دی.

تر دې مخکې د ملګرو ملتونو امنیت شورا سراج الدین حقاني او درېیو نورو طالب چارواکو ته اجازه ورکړې وه، چې د حج په مراسمو کې د ګډون لپاره سعودي عربستان ته ولاړ شي.

دا متحده عربي اماراتو ته د سراج الدین حقاني دویم سفر دی.

دغه سفر د امریکا له خوا انتقادونه راپارولي، چې په تروریستي فعالیتونو کې د لاس لرلو په تور یې د حقاني د نیولو لپاره لس میلیونه ډالره جایزه ټاکلې ده.

د امریکا د بهرنیو چارو وزارت له هېوادونو غوښتي وو، چې د طالبانو پر وړاندې نړۍوال بندیزونه عملي کړي او د امنیت شورا د بندیزونو له کمېټې څخه معافیت تر لاسه کړي.

د دواړو هېوادونو ترمنځ د بندیانو تبادله هغه مهال وشوه، چې د جرمونو نړۍوالې محکمې (ای سي سي) د سې شنبې په ورځ (د چنګاښ ۵مه) په اوکراین کې پر ملکي اهدافو د برید په تور د روسیې د پخواني دفاع وزیر او د پوځ د لوی درستیز د نیولو امر صادر کړ.

محکمې سرګي شویګو او مخکښ روسي جنرال ویلري ګیراسیموف په «جنګي او د بشریت ضد جرمونو» تورن کړي دي.

روسي بندیان چې بېرته راستانه شوي

د اوکراین ولسمشر ولادیمیر زېلینسکي ویلي، چې ډېری خوشي شوي روسي سرتېري شخصي سرتېري او سربازان دي.

هغه ټینګار وکړ: «دا تبادله د ټولو بندیانو کور ته د ستنېدو په بهیر کې یو بل ګام دی.»

د چهارشنبې په ورځ (د چنګاښ ۶مه) زېلینسکي د اوکراین په ختیځ کې د دونیڅک د لومړۍ کرښې سیمې څخه لیدنه وکړه.

د روسیې د حکومت په خبره؛ هغه بندیان چې د سې شنبې په ورځ بېرته راستانه شوي «په بند کې د مرګ له خطر سره مخ وو.»

له تبادلې وروسته خوشې شوي روسي بندیان د طبي معایناتو لپاره مسکو ته واستول شول.

اوکرايني بنديان چي بېرته ستانه شوي

اوکراین ویلي؛ هغه سرتېري یې بېرته ستانه شوي، چې په ۱۴۰۱ کال کې یې د ازوستال د فولادو د کارخانې د درې میاشتنۍ محاصرې په ترڅ کې دفاع کړې وه.

زېلینسکي په یوه ویډیو وینا کې ټینګار وکړ، چې «موږ به پاتې نور هم په ورته ډول بېرته راستانه کړو.»

هغه وویل: «موږ د ټولو اوکرایني بندیانو په اړه د حقیقت په لټه کې یو. هر څوک چېرته دی، د دوی حالت څه دی او د دوی بیرته ستنېدو لپاره څه ته اړتیا ده.»

په مسکو او کییف کې چارواکو د متحده عربي اماراتو څخه د بندیانو د تبادلې د اسانتیا برابرولو په برخه کې مننه کړې ده.