اسراییل ۵۵ فلسطینیان خوشې کړل

د چمن ځايي اوسېدونکو له لوري د سپین بولدک ـ چمن پر دروازه د پاکستان له لوري د پاسپورټ د جبري کېدو په غبرګون کې د پرلت ۲۸۴ ورځې پوره شوې دي.

دغو پرلتوالو نن یو ځل بیا په چمن ښار کې د ګوزڼ ضد واکسین او د تګ راتګ لارو د تړلو خبرداری ورکړ.

پرلت کوونکي وايي، سبا د سې شنبې په ورخ د کوټې په محکمه کې د پرلت د مرکزي کمېتې د بندي شویو غړو په اړه پرېکړه کیږي.

دوی وايي، که حکومت هغوی یو ځل بیا زندان ته ولیږي نو په چمن ښار کې به بیا پراخ لاریونونه پیل کړي.

د پرلت غړی محمدولي وايي: «نور موږ انتظار نه شو کولی، زموږ ډیری ملګري په زندانونو کې پراته دي، که سبا عدالت دوی راخوشې نه کړي موږ به د پولیو ضد واکسین او د تګ راتګ لارې بندې کړو.»

د چمن پرلت یو شمېر غړي څو اونۍ وړاندې هغه مهال د پاکستان د پولیسو له لوري ونیول شول چې د یوې میاشتې لپاره یې د چمن او کوټې ښارونو ترمنځ لویه لاره د تګ راتګ لپاره تړلې وه.

دغه پرلت وال په سوېلي پښتونخوا کې له سیاسي ګوندونو غوښتنه کوي چې د پاکستان له حکومت سره دې د سپین بولدک ـ چمن په دروازه باندې د پاسپورټ د جبري کېدو موضوع حل او خلکو ته دې د کاروبار اجازه ورکړل شي.

د امریکا د بهرنیو چارو وزارت په ایران کې د جمعې ورځي د ټاکنو په اړه په خپل لومړي غبرګون کې چې مسعود پزشکیان او سعید جلیلي یې دویم پړاو ته لاره پیدا کړې، د یکشنبې په ورځ، ایران انټرنشنل ته وویل چې د ابراهیم رییسي د ځای ناستي ټاکنې «ازادې او عادلانه» نه دي.

د امریکا د بهرنیو چارو وزارت دغه ویاند وویل: «له بده مرغه، موږ تمه نه لرو چې دغه ټاکنې به، داسې پایلې ترلاسه کړي، چې په ایران کې بنسټیز بدلون راولي او یا د ایراني وګړو بشري حقونو ته د ایران حکومت د ډیر درناوي لامل شي.»

له ټاکنو مخکې هم د ایران په چارو کې د امریکا د ځانګړي استازي مرستیال ابرام پیلي د نوماندانو لاسوهنې او د هغې په پوښښ کې د خبریالانو ځورونو ته اشاره وکړه او پر اېکس پاڼې یې لیکلي و؛ «چې امریکا په ایران کې د ازادو او عادلانه ټاکنو یا بنسټیزو بدلونونو تمه نه لري.»

د چنګاښ په اتمه نېټه د د رییسي د ځای ناستي د ټاکلو لپاره ټاکنې ترسره شوې خو د سرپرستانو شورا لخوا له تصویب شویو نوماندانو څخه هیڅ یوه ونه شو کولی چې اکثریت رایې لاسته راوړي.

د حکومت د رسمي شمېرو له مخې، د اصلاح غوښتونکو لخوا ملاتړ شوی نوماند پزشکیان له ۱۰ میلیونه او ۴۰۰ زره څخه ډيرې رایې او جلیلي له ۹ میلیونه او ۴۰۰ زره څخه د ډيرو رایو په ترلاسه کولو سره د ټاکنو دویم پړاو ته لاره موندلې.

د ایران د کورنیو چارو وزارت د اعلان له مخې، په وروستیو ټاکنو کې ۲۴ میلیونه او ۵۳۵ زره رایې کارول شوې، چې له ۶۰ سلنې څخه زیاتو پر شرایطو برابو وګړو په ټاکنو کې له ګډون څخه ډډه کړې ده.

دا په داسې حال کې ده چې د ایران مذهبي مشر علي خامنه یي د چنګاښ په پنځمه په ټاکنو کې د پراخ ګډون غوښتنه کړې وه.

د روسیې په لویدیځ کې د لیپتسک سیمې والي ایګور ارتامونوف، چیرې چې د فولادو کارخانه موقعیت لري، په یوه جلا اعلامیه کې وویل، چې نهه بې پیلوټه الوتکې د فولادو پر کارخانې د برید پر مهال نسکورې شوي دي.

کییف په رسمي ډول دا ډول بریدونه نه تاییدوي او نه یې ردوي، خو وايي، چې په هغو تاسیساتو چې بریدونه کېږي په اوکراین کې د روسیې د جګړې ملاتړ کوي او په دې توګه قانوني پوځي اهداف دي.

تر برید لاندې راغلۍ کمپنۍ د روسیې د دفاع وزارت سره همکاري ردوي، او وايي چې د پوځي درجې درنو فولادو د تولید توان نه لري او پوځ ته اکمالات نه کوي.

د روسیې دفاع وزارت تر دې مخکې ویلي وو، چې د اوکراین له لوري د شپې له خوا د لیپتسک په ګډون د روسیې په سویل لوېدیځ کې څو سیمې د بې پیلوټه الوتکو پر مخ په نښه شوي او دا چې د روسیې هوايي دفاعي سیسټم ۳۶ بې پیلوټه الوتکې له منځه وړي دي.

د روسیې خبري اژانس راپور ورکړی چې د دفاع وزارت دا هم وویل، چې روسي ځواکونو د سپیرن او نوولیکساندریوکا کلي چې د اوکراین په ختیځ دونیتسک سیمه کې موقعیت لري، نیولي دي.

د دې ټاکنو دویم او وروستی پړاو به د چنګاښ په ۱۷مه تر سره شي او وروستۍ پایلې به هم له دویم پړاو وروسته اعلان شي.

د فرانسې د پارلمان لومړنۍ ټاکنې د منځلارو ګوندونو د ایتلاف له ناکامۍ وروسته د اروپا د پارلمان په ټاکنو کې د ښي اړخو «ملي اجماع» پر وړاندې تر سره شوې.

د فرانسې ولسمشر ایمانویل مکرون درې اونۍ وړاندي د ښي اړخو ګوندونو د ایتلاف پر وړاندې د خپل منځلاري ګوند له ماتې وروسته د دغه هېواد پارلمان منحل کړ او د پارلماني ټاکنو د ترسره کېدو اعلان یې وکړ.

فرانسوي رایه ورکوونکي د رايو صندوقونو ته ځي، ځکه لومړنیو ټولپوښتنو ښودلې، چې د ښي اړخو ګوندونو «ملي اجماع» به په دې هیواد کې واک په لاس کې واخلي.

د فرانسې ښي اړخو ګوندونو د دویمې نړۍوالې جګړې راهیسې په هېواد کې مطلق واک نه دی ترلاسه کړی.

د فرانسې د ښي اړخ ګوند مشرې مارین لو پین له پارلماني ټاکنو دوه ورځې مخکې رسنیو ته وویل، «موږ به مطلق اکثریت ترلاسه کړو.»

سره له دې چې ایمانویل مکرون د خپلې دورې تر پایه پورې به خپل کار ته دوام ورکړي، خو کارپوهان وايي، چې که ښي اړخه «ملي اجماع» واک ترلاسه کړي د فرانسې ډیپلوماسي به له «بې ساري بدلون» سره مخ شي.

په ورته وخت کې لومړنۍ نظرپوښتنې ښیي، چې د ښي اړخو ګوندونو ملي اجماع به د ۳۳-۳۶ سلنې رایو سره ټاکنې رهبري کړي.

د دې سروې له مخې، د کیڼ اړخو ګوندونو اېتلاف له ۲۸ تر ۳۱ سلنې رایو سره په دویم ځای کې دی او د مکرون منځلاری اېتلاف بیا له ۲۰ تر ۲۳ سلنې رایو سره په دریم ځای کې دی.

د رویټرز خبري اژانس د یو ځانګړي راپور له مخې، په تیر اکتوبر کې په غزه کې د جګړې له پیل څخه مخکې امریکا اسراییلو ته لږترلږه ۱۴ زره ۲۰۰۰ پونډه ام کې – ۸۴ بمونه، ۶۵۰۰ واړه ۵۰۰ پونډه بمونه او درې زره توغندي ورکړي.

دوه امریکايي چارواکو د نوم د نه ښودلو په شرط رویټرز ته ویلي، چې امریکا د دې ترڅنګ دوه زره او ۶۰۰ نور د وړې کچې بمونه هم اسراییل ته ورکړي دي.

پداسې حال کې چې دغو چارواکو د دغو وسلو د انتقال مهال ویش نه دی ښودلی، خو ویلي یې دي، چې د نړیوالو فشارونو او په غزه کې د پراخو ملکي تلفاتو سربیره،‌ د امریکا له خوا د اسراییلو څخه د نظامي ملاتړ په کچه کې کوم کمښت نه دی راغلی.

کارپوهانو ویلي، چې د امریکا له خوا د اسراییلو پوځي ملاتړ محتويات د هغه څه سره مطابقت لري چې اسراییل په غزه کې د اتو میاشتو په لړ کې د خپل سخت پوځي عملیاتو لپاره کارولي دي.

د اکتوبر په اوومه د حماس وسله والو له خوا پر اسراییل له برید وروسته، دغه هیواد پر غزې پراخ پوځي عملیات پیل کړل. اسراییل وايي، چې د حماس په برید کې ۱۲۰۰ کسان وژل شوي او ۲۵۰ نور یرغمل شوي وو.

د بایډن د ادارې یوه جګپوړي چارواکي د چهارشنبې په ورځ خبریالانو ته وویل، چې واشنګټن له اسراییل سره د اکتوبر د ۷ مې راهیسې د ۶.۵ میلیارده ډالرو په ارزښت امنیتي مرستې کړې دي.

د غزې د روغتیا وزارت په وینا، په غزه کې د اسراییلو د پوځي عملیاتو په پایله کې تر اوسه له ۳۷ زرو څخه ډیر کسان وژل شوي دي او نږدې ټوله غزه په کنډوالو بدله شوې ده.‌