د روسیې او اوکراین کړکېچ؛ اوکراین د روسیې سره د مبارزې لپاره ارزانه روبوټونه جوړوي

هند او روسیه چې پخواني ملګري دي، په ۲۰۲۲ کال کې پر اوکراین د روسیې له برید وروسته، هڅه کړې چې خپلې سوداګریزې اړیکې پراخې کړي.

خو دغه اړیکې تر ډېره د هند له لوري د روسیې د تیلو په اخیستو سره پراخې شوې، چې پر اوکراین له برید وروسته، د اروپايي هېوادونو له لوري یې پیر درول شوی دی.

هند ته د روسیې د صادراتو زیاتوالی سره، په تېر مالي کال کې د دواړو هېوادونو ترمنځ د سوداګرۍ کچه له ۶۱.۴۳ میلیونو ډالرو څخه ۶۵.۷ میلیارده ډالرو ته لوړه شوې ده.

په داسې حال کې چې د دواړو هېوادونو ترمنځ سوداګري د تېر کال په پرتله یو پر درېیمه لوړه شوې، روسیې ته د هند د درملو، ماشینونو او نورو توکو صادرات لږ څه کم شوي دي.

د هند د سوداګرۍ وزارت مرستیال سنیل بارتوال په یو خبري کنفرانس کې وویل، چې حکومت له روسیې غوښتي چې د هند پر سمندري محصولاتو د روسیې تغرفو ته پام وکړي او په کې بدلون راوستل په پام کې ونیسي.

هغه له نورو جزییاتو له ورکولو پرته وویل، چې نوی ډیلي د هندي روپو - روبلو پر اساس سوداګري هم هڅوي چې په پیل کې دواړه هیوادونه په دې اړه پاتې راغلی وو؛ خو اوس به د دې ستونزې د حل لپاره به پلاوي واستوي.

هغه مطبوعاتي کنفرانس ته وویل: "کله چې موږ روسیې ته ګورو، په دې لټه کې یو چې څنګه دواړه هېوادونه د ښو سوداګریزو اړیکو له لارې ګټه ترلاسه کولی شي. موږ د اجناسو بېلابېل ډولونه په نظر کې نیولې، د بېلګې په توګه الکترونیکي وسایل، انجینري توکي او نور توکي چې روسیې ته صادر کېدی شي."

نوی ډیلي او مسکو هڅه کوي، چې په روبلو او هندي روپو خپله سوداګري لا پراخه کړي، ځکه چې د جګړې له امله پر روسي شرکتونو بندیزونه لګول شوي دي؛ خو دواړه هېوادونه په دې اړه تر اوسه ځکه یوې پایلې ته نه دي رسېدلي، چې هندي اسعار په نړۍ کې ډېره راکړه ورکړه لري او روسیه نه غواړي چې له دې امله تاوان وکړي.

تېره اونۍ روسیې ته د مودي سفر، د اوکراین په پلازمېنه کیف کې د ماشومانو پر یو روغتون د روسیې د توغندي له برید سره هممهاله وو، چې لسګونه کسان په کې ووژل شول.

د هند لومړي وزیر د روسیې ولسمشر ولادیمیر پوتین ته وویل، چې د بې ګناه ماشومانو مرګ دردونکی او وېروونکی دی.

روسیې د برید مسوولیت رد کړی دی.

روسیې او هند د نږدې همکارۍ لپاره نهه ساحې په ګوته کړي، چې له اټومي انرژۍ څخه تر درملو پورې، بېلابېلې سوداګرۍ په کې شاملې دي او ویلي یې دي، چې دواړه هېوادونه غواړي دوه اړخیزه سوداګري پراخه کړي او تر ۲۰۳۰ کال پورې یې ۱۰۰ میلیارده ډالرو ته ورسوي.

واشنګټن پر نوي ډیلي له مسکو سره د نږدې اړیکو د ساتلو له امله انتقاد کړی دی.

د امریکا د بهرنیو چارو وزارت یو ویاند ویلي: "موږ له روسیې سره د دوی د اړیکو په اړه خپلې اندېښنې له هند سره په مستقیم ډول شریکې کړي دي".

د شنبې او یکشنبې په ورځ اسراییل د حماس د پوځي مشر د په نښه کولو په موخه پر خوندي سیمو بمبار کړی و او لسګونه فلسطینیان یې وژل وو.

د مدیترانې ساحل ته نږدې د مواسي سیمه د اسراییل د بریدونو له امله ویجاړه شوې او لا هم سوځول شوي موټر او جنازې پر سړکونو پرتې دي.

د دغه سیمې اوسېدونکو رویټرز خبري اژانس ته ویلي، چې نه پوهیږي چې دوی باید چیرته لاړ شي.

د مواسي په ښار کې د سړک سر یو ۳۰ کلن پلورونکي ایا محمد وویل: "په هغه شېبې کې د بمونو د چاودنو له امله زما د پښو لاندې ځمکه ولړزیده او دوړې او شګې اسمان ته پورته شوې، ما ټوټه ټوټه شوي جسدونه ولیدل داسې وضعیت و، چې ما په خپل ژوند کې هیڅ کله نه و لیدلی."

هغه زیاته کړه: "ټول همدا پوښتنه کوي چې چیرته لاړ شي او هیڅوک یې ځواب نه لري."

د خان یونس په لویدیځه څنډه کې مواسي سیمې په سلګونو زره فلسطینیانو ته پناه ورکړې وه او دغه سیمه د اسراییل له خوا د خوندي زون په توګه اعلان شوې وه.

اسراییل وویل، چې د شنبې په ورځ یې هلته د حماس پوځي قوماندان محمد ضیف په نښه کړی و، څوک چې پر اسراییل د اکټوبر د اوومې نېټې د برید پلان جوړوونکی و او پر غزې د اسراییل جګړه د همدې برید وروسته پیل شوه.

فلسطیني چارواکي وايي، چې د شنبې په ورځ لږ تر لږه ۹۰ تنه وژل شوي او په سلګونو نور ټپیان شوي دي. د رويټرز خبريالانو د پېښې په ځای کې لیدلي چې د سیمې اوسېدونکي د اور او لوګي په منځ کې ټپيان او مړي لېږدوي.

د رفح ښار سویل کې، چې د می میاشتې راهیسې د اسراییلو د پرمختګ اصلي مرکز دی، اوسیدونکو د دوشنبې په ورځ د نويو بریدونو خبر ورکړی.

دوی ویلي، د ښار په لوېدیځو او مرکزي برخو کې اسراییلي ځواکونو ګڼ کورونه په بمونو الوزولي دي. طبي چارواکو ویلي، چې دوی د ښار په ختیځو سیمو کې د اسراییل د بریدونو له امله د وژل شوو لسو فلسطینیانو جسدونه موندلي.

د محکمې په وینا؛ مصري ښوونکی به د بند د مودې له پوره کولو وروسته له کویټ څخه وشړل شي.

ښوونکی په پیل کې په جنایي محکمه کې په اعدام محکوم شو؛ خو د استیناف محکمې له خوا د استیناف له غوښتنې وروسته د هغه سزا تر یوې لسیزې بند وټاکل شوه.

د کوېټ رسنيو دا هم ليکلي، چې دې قضيې د تورونو د سختوالي او د ښوونکي د جنايي ريکارډ په ګډون د ماشومانو د جنسي تېري د ګڼو تورونو له امله ډېر پام ځان ته اړولی دی.

د راپورونو له مخې؛ د مصر اسلامي ښوونکی په پخوانیو قضیو کې په بند محکوم شوی و.

استیناف محکمې ویلي، چې وروستۍ پرېکړې د استاد پر وړاندې د قانوني کړنو لړۍ پای ته ورسوله او سخته سزا یې ورکړه؛ خو د مرګ له سزا یې ور نه کړه.

دا په دغه هېواد کې د داخلي کړکېچ له پيل وروسته د سوريې څلورمې پارلماني ټاکنې دي.

د سوريې د عربي جمهوريت خبري اژانس «سنا» د دوشنبې په ورځ د جنګاښ په ۲۵مه راپور ورکړ، چې رايه ورکوونکو په ټوله سوريه کې د رايې ورکولو په ۸۱۵۱ مرکزونو کې خپلې رايې وکارولې.

د دغه راپور له مخې؛ ۱۵۱۶ نوماندان به د ۲۵۰ څوکیو لپاره سیالي وکړي.

د سوریې وروستۍ پارلماني ټاکنې د ۲۰۲۰ کال په جون کې شوې وې.

د سوېلي پښتونخوا په چمن ښار کې د ګڼو چمن مېشتو له لوري له نږدې لس میاشتو راهیسې د پاکستان حکومت له لوري د سپین بولدک ـ چمن پر دروازه د تګ راتګ پرمهال د پاسپورټ او ویزې جبري کېدو په غبرګون پرلت وهلی دی.

دغه پرلت وال وايي، د پاکستان له لوري شوې دغه پرېکړه ورته د منلو وړ نه ده، ځکه په دې کار سره د ډیورنډ کرښې دواړو لوریو ته د مېشتو قومونو پر سوداګرۍ او اړیکو یې منفي اغیزې کړې دي.

د یاد پرلت د مرکزي کمېټي غړي عبدالولي تازه رسنیو ته ویلي، چې په کوټه او اسلام اباد کې د پرلت د استازو او پاکستاني چارواکو ترمنځ د دروازې د خلاصولو په اړه خبرې راوانې دي.

نوموړی ګواښ کوي او وايي، که خبرو اترو مثبته پایله ونه لرله یوځل بیا به په چمن ښار کې خپلو اعتراضونو ته دوام ورکړي.

شاوخوا یوه میاشت وړاندې پاکستاني ځواکونو د یاد پرلت پر غړو د کوږک په غره کې هغه مهال برید وکړ چې پرلتوالو د دریو اونیو لپاره د چمن ـ کوټې لویه لاره د تګ راتګ پر مخ تړلې وه.

دا په داسې حال کې ده، چې له نږدې یوې میاشتې راهیسې د چمن پرلت د مرکزي کمېټې پنځه غړي د پاکستانحکومت له لوري بندیان دي.