په کویټ کې یوې محکمې د اسلامي معارف یو مصري ښوونکی پر یوې ماشومې د جنسي تیري په تور په لس کاله بند محکوم کړ. رسنیو راپور ورکړی، چې د ښوونکي پخوانۍ سابقه ښیي چې هغه څو ځله پر ماشومانو په جنسي تیري تورن شوی دی.
د محکمې په وینا؛ مصري ښوونکی به د بند د مودې له پوره کولو وروسته له کویټ څخه وشړل شي.
ښوونکی په پیل کې په جنایي محکمه کې په اعدام محکوم شو؛ خو د استیناف محکمې له خوا د استیناف له غوښتنې وروسته د هغه سزا تر یوې لسیزې بند وټاکل شوه.
د کوېټ رسنيو دا هم ليکلي، چې دې قضيې د تورونو د سختوالي او د ښوونکي د جنايي ريکارډ په ګډون د ماشومانو د جنسي تېري د ګڼو تورونو له امله ډېر پام ځان ته اړولی دی.
د راپورونو له مخې؛ د مصر اسلامي ښوونکی په پخوانیو قضیو کې په بند محکوم شوی و.
استیناف محکمې ویلي، چې وروستۍ پرېکړې د استاد پر وړاندې د قانوني کړنو لړۍ پای ته ورسوله او سخته سزا یې ورکړه؛ خو د مرګ له سزا یې ور نه کړه.
ويل کیږي، دغه چاودنه ډېره زوروره وه او ورڅېرمه ولسي خلکو ته یې د سر او مال زیانونه اړولي دي.
تر اوسه پورې پاکستاني پوځ په رسمي ډول په دې اړه څه نه دي ویلي.
له سیمې څخه خپلواک خبریال لال وزیر، افغانستان انټرنشنل پښتو ته نن دوشنبه د (چنګاښ ۲۵مه) ويلي چې د خیبرپښتونخوا په بنو ولسوالۍ کې د پاکستاني پوځ پر یوه مرکز لومړی د موټربم دوه ځانمرګي بریدونه وشول او ورپسې نورو وسله والو بریدونه پیل کړل چې د معلوماتو له مخې په دغو بریدونو کې شپږ پاکستاني پوځيان وژل شوي او ۳۰ نور ټپیان دي.
په سیمه کې پولیس چارواکو خبریالانو ته ويلي، چې په دغو بریدونو کې څلور ولسي کسان وژل شوي او ۲۶ نور ټپیان دي.
ویل کیږي لا هم په سیمه کې جګړه روانه ده او د جګړې پر سیمه اوس پاکستانۍ چورلکې ګرځي.
د دغو بریدونو مسوولیت د ټي ټي پي اړوند د حافظ ګل بهادر ډلې منلی او دعوه یې کړې چې په مرکز کې شته ټول پوځي عسکر یې وژلي دي.