بایډن: موږ به د رایو په کارولو سره مخالفتونه حل کړو

د سپینې ماڼۍ له یوه دفتر څخه د ولسمشرۍ په خپله درېیمه وینا کې، جو بایډن د ډونالډ ټرمپ په وړاندې د وژنې هڅې په اړه خبرې وکړې او ویې ویل: «په سیاست کې مخالفتونه باید د رایې په کارولو سره حل شي.» امریکايي ولسمشر زیاته کړه: «موږ ګاونډیان یو، دوستان یو، دښمنان نه یو.»

هغه ټینګار وکړ چې سیاست باید هیڅکله د خلکو د وژلو لپاره نه وي.

نوموړي د سیاسي جنجالونو د مخنیوي غوښتنه وکړه او ویې ویل، چې د ولسواکۍ او د قانون له حاکمیت څخه به دفاع ته دوام ورکوي او په وینا یې له یو بل سره له درېدو پرته بل څه مهم نه دي.

هغه دا هم وویل چې د بریدګر انګېزه او دا چې ایا هغه بل ملاتړی او مرسته کوونکی لاره او که نه، لا هم څرګنده نه ده.