د عمران خان په مشرۍ د تحريک انصاف ګوند رسمي وکيل وايي، چې د محکمې په شتون کې د حکومت پرېکړه نه مني. د پاکستان دولت د عمران خان په مشرۍ د تحریک انصاف ګوند له هند او اسراييل څخه د مالي مرستو په تر لاسه کولو تورن کړی او پرېکړه کړې، چې فعالیتونه يې منع کړي.
د عمران خان په مشرۍ د تحريک انصاف ګوند رسمي وکيل علي ظفر د دوشنبې په ورځ (د چنګاښ ۲۵مه) جيونيوز ته ويلي، چې د پاکستان په قانون کې د يوه ګوند فعالیت بندول نه شته او په دې برخه کې يوازې د محکمې پرېکړه مني.
د پاکستان د اطلاعاتو وزیر عطا تارر دغه ګوند له هند او اسراییل څخه د مالي مرستو په تر لاسه کولو تورن کړ او ويلي يې دي، چې د تحریک انصاف په شتون کې د پاکستان پر مختګ ناممکن دی.
د تحريک انصاف ګوند وکيل علي ظفر د پاکستان د اطلاعاتو د وزير خبرو ته په اشارې زياتوي: « که کوم سياسي ګوند له دښمن هېواد سره کار کوي؛ نو د هغه ګوند د بندولو اجازه يوازي د سترې محکمې کار دی.»
ظفر وايي، چې د سياسي ګوندونو د فعاليت بندولو پرېکړه کول ديکتاتوري ده او دا د يو جمهوري حکومت کار نه دی.
د پاکستان د اطلاعاتو وزير عطا تارر وايي، چې د اساسي قانون ۱۷مې مادې دا حق دولت ته ورکړی، چې سیاسي ګوندونه ممنوع کړي او دا موضوع به د هېواد عالي دیوان ته هم راجع شي.
دا په داسې حال کې ده، چې یو شمېر کارپوهان د پاکستان د حکومت دغه اقدام د دې هېواد په ملي اسمبلۍ کې د عمران خان د ګوند د تر ټولو لوی ګوند د جوړېدو د مخنیوي یوه هڅه بولي.
د یادولو ده، چې په پاکستان کې یوې محکمې دوه ورځې وړاندې د واده په مساله کې د پاکستان پخواني لومړي وزیر عمران خان ته برائت ورکړ.
پاکستاني رسنیو راپور ورکړ، نوموړي تر هغه وروسته برائت ترلاسه کړ، چې په پارلمان کې یې د هغه ګوند ډېرې څوکۍ وګټلې او پر دولت یې فشار زیات کړ.
ويل کیږي، دغه چاودنه ډېره زوروره وه او ورڅېرمه ولسي خلکو ته یې د سر او مال زیانونه اړولي دي.
تر اوسه پورې پاکستاني پوځ په رسمي ډول په دې اړه څه نه دي ویلي.
له سیمې څخه خپلواک خبریال لال وزیر، افغانستان انټرنشنل پښتو ته نن دوشنبه د (چنګاښ ۲۵مه) ويلي چې د خیبرپښتونخوا په بنو ولسوالۍ کې د پاکستاني پوځ پر یوه مرکز لومړی د موټربم دوه ځانمرګي بریدونه وشول او ورپسې نورو وسله والو بریدونه پیل کړل چې د معلوماتو له مخې په دغو بریدونو کې شپږ پاکستاني پوځيان وژل شوي او ۳۰ نور ټپیان دي.
په سیمه کې پولیس چارواکو خبریالانو ته ويلي، چې په دغو بریدونو کې څلور ولسي کسان وژل شوي او ۲۶ نور ټپیان دي.
ویل کیږي لا هم په سیمه کې جګړه روانه ده او د جګړې پر سیمه اوس پاکستانۍ چورلکې ګرځي.
د دغو بریدونو مسوولیت د ټي ټي پي اړوند د حافظ ګل بهادر ډلې منلی او دعوه یې کړې چې په مرکز کې شته ټول پوځي عسکر یې وژلي دي.
