په افغانستان کې د بې اسناده موټرو د ثبت لړۍ پیل شوه

د طالبانو مالیې وزارت وایي، د دې ډلې دمشر په امر یې په افغانستان کې د بې اسناده یا په یوه کیلي د مشهورو موټرو د ثبت لړۍ پیل کړې ده د دغه وزارت د خبرپاڼې له مخې، د کابل په ګډون په هرات، بلخ، ننګرهار، کندهار، کندوز، خوست او پکتیا ولایتونو کې دا لړۍ روانه ده.

په خبرپاڼه کې راغلي، چې په دې بهیر کې یې د خلکو اقتصادي شرایط هم په پام کې نیولي، چې په اسانۍ خپل موټر محصول کړي.
د طالبانو د مالیې وزارت د دغو موټرو له مالکانو غوښتي، چې د خپلو موټرو د ثبت لړۍ پیل کړي.
په خبرپاڼه کې زیاته شوې، چې په دې بهیر کې د افغانستان لاس د بې اسناده موټرو محصول ته ځانګړی تخفیف په پام کې نیول شوی، چې له مخې یې د «۱۹۹۰» تر « ۲۰۰۰» اویا سلنه، له «۲۰۰۱» تر «۲۰۰۹» شپیته سلنه، د «۲۰۱۰» تر «۲۰۲۱» ماډل پنځوس سلنه او د زرې موټرو لپاره هم پنځوس سلنه تخفیف په پام کې نیول شوی دی.
په ۲۰۲۰ کال کې د هېواد په بېلا بېلو سیمو کې د نا امني له زیاتېدو سره پخواني حکومت پرېکړه کړې وه، چې بې اسناده موټر ثبت کړي.
هغه مهال حکومت ویل چې له ۴۰ زرو ډېر بې اسناده موټر افغانستان ته وارد شوي او د طالبانو واکمنېدو سره دا لړۍ نوره هم زیاته شوه.
د یو شمېر هېوادوالو په باور د بې اسناده موټرونو له ثبت سره به په هېواد کې د نا قانونه فعالیتونو مخه ونیول شي.

دطالبان د کابل په ګډون د هېواد په یو شمېر لويو ښارونو کې د امنيتي او جنايي پېښو د مخنيوي په موخه د موټر سايکلونو د ثبت لړۍ هم پيلوي.