پاکستاني امنیتي سرچینې: د افغان طالبانو یو غړی په بنو کې د پوځ پر مرکز برید کې لاس درلود

که څه هم د پاکستان د فدرالي او د پښتونخوا د صوبايي حکومتونو تر منځ کړکیچ له بل هر وخته اوج ته رسېدلی؛ خو د شهباز شریف په مشرۍ د پاکستان حکومت پرېکړه کړې، چې د عمران خان په مشرۍ په تحریک انصاف ګوند بندیز ولګوي.

په پښتونخوا کې د عمران خان په مشرۍ د تحریک انصاف ګوند اکثریت چوکۍ ګټلي او د حکومت مشري علي امین ګنډاپور کوي.

د خیبر پښتونخوا مشر وزیر علي امین ګنډاپور له رسنیو سره په خبرو کې ویلي، چې هېڅوک نه شي کولی، چې په پاکستان کې د دوی پر ګوند بندیز ولګوي.

هغه ویلي، چې د شهباز شریف په مشرۍ د پاکستان ټولې کابینې په ټاکنو کې درغلي کړې او د غلا حکومت یې جوړ کړی دی.

نوموړي زیاته کړه: "له موږ سره اوس هم زیاتی روان دی، له موږ یې زموږ نښه واخیسته، پر موږ یې جعلي عرضې ثبت کړې".

دوه ورځې وړاندې د پاکستان د اطلاعاتو وزیر ویلي، چې د پاکستان تحریک انصاف ګوند له اسراییل او هند څخه پېسې تر لاسه کړي او حکومت غواړي، چې له مشورې وروسته پر دغه ګوند بندیز ولګوي.

په ورته وخت کې د تحریک انصاف ګوند رسمي وکیل بیا ویلي، چې د قانون له مخې حکومت دا حق نه لري، چې پر یو ګوند بندیز ولګوي او دا چاره د سترې محکمې پورې اړوندیږي.

د پاکستان د بهرنیو چارو وزارت د چهارشنبې په ورځ (د چنګاښ ۲۷مه) په یوه بیان کې لیکلي: «د افغانستان له موقت حکومت څخه وغوښتل شول، چې د بنو د حملې په اړه په بشپړه توګه څېړنه وکړي او د عاملينو په وړاندي دې ژر تر ژره، قوي او اغیزناک اقدامات وکړي.»

په دې اعلاميه کې يو ځل بيا له طالبانو غوښتل شوي، چې د دا ډول بریدونو په ترسره کولو کې د افغانستان د خاورې د کارولو مخه ونیسي.

په اعلاميه کې راغلي: «پاکستان په افغانستان کې دننه د ترهګرو ډلو د شتون په اړه خپله جدي اندېښنه، چې د پاکستان امنیت ته ګواښ پېښوي تکرار کړه. دا پېښې د دوو وروڼو هېوادونو ترمنځ د دوه اړخیزو اړیکو خلاف دي.»

پاکستان وايي، دا برید د سیمې امنیت ته د ترهګرۍ جدي ګواښ څرګندوي.

په خيبر پښتونخوا کې د پاکستاني پوځ پر يوې اډې د پاکستاني طالبانو تحريک د مشر حافظ ګل بهادر د وسله والو د بريد په پايله کې اته سرتېري وژل شوي دي.

د پاکستان پوځ وايي، چې د حافظ ګل بهادر ډله په افغانستان کې مېشته ده او پوځ به له افغانستان څخه د ګواښونو پر وړاندې لازم اقدام وکړي.

طالبانو تل د افغانستان له لوري پر ګاونډیو هېوادونو هر ډول برید رد کړی دی.

د دغه جمهوري غوښتونکي سناتور په باور، «هغه افغان کډوال چې حاضر نه شول د خپل ملت لپاره وجنګیږي، باید امریکا ته لېږدول شوي نه وای.»

ونس د افغانستان د دولت د سقوط په لومړیو ورځو کې د یوې تحلیلي مقالې په قالب کې د افغانستان په هکله د بایډن پر سیاست او امریکا ته د افغان کډوالو د لېږدولو پر طرحې نیوکه وکړه.

په افغانستان کې د امریکا حضور

ونس په افغانستان کې د ډیموکراسۍ ماتې تجربې ته په اشاره ویلي و، چې د متحده ایالاتو مشرانو امریکایي ښځې او نارینه افغانستان ته ولېږل، ترڅو یو ناشونی کار وکړي.
جمهوري غوښتونکي سناتور زیاته کړې، چې تر ټولو غوره امریکایي ځواکونو په افغانستان کې د ډیموکراسي د رامنځته کولو لپاره ژوند له لاسه ورکړ.
نوموړي د امریکا د لوی درستیز مارک میلي هغو څرګندونو ته اشاره وکړه، چې د امریکا خلکو ته یې ډاډ ورکړی و، چې افغان ځواکونه په کافي اندازه د خپل هېواد د دفاع لپاره ظرفیت لري.
ونس د میلي د څرګندونو په غبرګون وویل: «د افغانستان پوځ ونشو کړای ان څلور اونۍ هم د طالبانو بریدونه وزغمي.»
نوموړي په دې مقاله کې د امریکا پخواني ولسمشر دونالډ ټرمپ ته د امریکا د پوځي ځواکونو ناسمو اطلاعاتو ورکړې ته په اشارې سره ویلي: «لوړپوړو امریکایي پوځيانو پخواني ولسمشر ټرمپ ته په منځني ختیځ کې د ځواکونو د وړتیا د کچې په اړه دروغ ویل، چې هلته مو جګړې دوام وکړي.»
ونس زیاته کړه، چې «زمونږ رهبرانو لسیزې مونږ ته وویل، چې په افغانستان کې د ترهګرو پر وړاندې جګړې کوو، ترڅو مجبوره نشو چې دلته ورسره وجنګیږو.»
ونس ویلي: «له افغانستانه مودا لوی درس زده کړ، چې کوم کسان ددې هېواد (امریکا) رهبري په لاس کې لري، د دې کار لپاره مناسب نه دي.»
ونس له افغانستانه د امریکایي ځواکونو د وتلوپر ځنډېدو او طالبانو ته د اضافي وخت ورکولو باندې چې د هغوی د ځواکمنتیا لامل شول، نیوکه وکړه او زیاته یې کړه، چې د امریکا مشرانو د جګړو په اصلي فصل کې افغانستان پرېښود او اجازه یې ورکړه، چې حیاتي وسلې د دوښمن لاس ته ورشي.
د هغه په خبره، دا پیښې د جوبایډن له فاجعې ډک سیاست پایلې او د امریکا د ټول رژیم ماتې ده.
ونس په خپله دې مقاله کې واضح کړې: «په افغانستان کې مو د رژیم د بدلېدو په اړه هڅې وکړې او بریالي نشوو او دا د دې ښکارندویي کوي، چې یو رژیم په نړۍ کې جدي بدلون ته اړتیا لري.»
نوموړي زیاته کړه: «مونږ هغه هېواد یو چې په دویمه نړیواله جګړه کې مو نازیانو ته ماتې ورکړې وه، خو اوس داسې سطحې ته رسېدلي یو چې له افغانستانه د خپلو وګړو د اېستلو لپاره طالبانو ته عذر کوو.»

افغان کډوال

ونس له افغانستانه د هغو ۳۰۰ زره افغان کډوالو اېستلو ته هم اشاره وکړه، چې د امریکایي وګړو په پرتله امریکا د هغوی اېستلو ته لومړیتوب ورکړ.
ونس وویل: «مونږ له څه باندې یوې لسیزې راهیسې له افغانانو سره مرستې، نه برعکس.»
هغه زیاته کړه: «هغه کسان چې حاضر نه شول د خپل ملت لپاره وجنګیږي او کابل سقوط وکړ، باید امریکا ته انتقال شوي نه وای.»
نوموړی په ​​هغه وخت کې د افغان کډوالو په ځانګړې توګه د هغو افغانانو چې له متحده ایالاتو سره یې کار کړی، په هیواد کې د میشتیدو مخالف و«مونږ نه غواړو چې هېواد مو د کډوالو په پنډغالو بدل شي.»
جیمز ډېوېډ ونس ویلي و: «د ۹۰ سلنه کډوالو په اړه نه پوهیږو چې کوم کسان دي، مونږ اسناد او پېژندپاڼې نه لرو، مونږ نه پوهیږو چې کوم کسان زمونږ هېواد ته راځي، مونږ په ډلییزه توګه امریکایان یرغملوو او دا یوه فاجعه ده .»

د طالبانو تر کنټرول لاندي د باختر اژانس د خبر له مخې، ښاغلي الکوزي وويل، چې پاکستان ته د تازه ميوې د صادراتو د بندولو لامل د اسلام اباد له خوا د ګمرکي تعرفو زياتوالى دى.

خان جان الکوزي نن وویل: «له هرې ممکنې لارې باید هوايي دهلېز فعاله شي، چې یو شمېر مېوې چې موسم يې لنډ وي، نورو هېوادونو ته صادرې کړو.»

تر دې مخکې په اسلام اباد کې د طالبانو سفارت اعلان کړی و، چې پاکستان دغه هېواد ته د ۳۰۰ لاریو افغاني مېوو او سبو د لېږد مخه نیولې ده.

د طالبانو سفارت ویلي، چې د تورخم، سپین بولدک او خرلاڅي پر لارو د افغان سوداګرو لارۍ بندې دي.

د طالبانو د درې کلنې واکمنۍ په موده کې د افغانستان او پاکستان تر منځ لارې څو ځلي د بېلابېلو دلایلو له کبله تړل شوې دي.

د دې کړونو له کبله سوداګرو ته میلیونونه ډالره زیان اوښتی دی.

څو میاشتې وړاندې پاکستان یو داسې پلان تصویب کړ، چې له مخې يې افغان موټر چلوونکي پاکستان ته د ننوتلو لپاره موقتي اسنادو ته اړتیا لري.

د کرېکټ نړیوالي شورا د معلوماتو له مخې، د ۲۰۲۴ کال د ښځو شل اوره اسيا جام نهم پړاو د سريلانکا په کوربتوب د راتلوونکې جمعې په ورځ پيلږي.

په دې سياليو کې ۸ لوبډلې « بنګلدېش، هند، پاکستان، سریلانکا، ماليزيا، نيپال، تايلنډ او متحده عربي امارات» برخه لري.

د ۲۰۲۴ کال د ښځو شل اوره اسيا جام سيالۍ به د رواني جولای مياشتې پر ۱۹ نېټه پيل او د همدې مياشتې تر ۲۸ نېټې به دوام وکړي.

دوه ګروپه سیالۍ

100%

د دې جام سيالۍ پر دوو ګروپونو ويشل شوې دي.

په لومړي ګروپ کې به « بنګلدېش، هند، پاکستان او سريلانکا» سره لوبېږي.

په دوهم ګروپ کې به « ماليزيا، نيپال، تايلنډ او متحده عربي امارت» یو د بل په وړاندي ولوبيږي.

په دې جام کې ټولې ۱۵ سيالۍ تر سره کيږي.

100%

د سريلانکا کرېکټ بورډ هم پر خپله اېکس پاڼه د پاکستان او هند ښځينه لوبډلو ته ښه راغلاست ویلی دی.