فرانکفورت کې د ګیلامن وزیر د وژل کېدو او د بنو پر پرلت کوونکو د برید په غبرګون لاریون
یو شمېر افغانانو د شنبې په ورځ (د جولای ۳۰مه) په فرانکفورت کې د پاکستان قنسلګرۍ مخې ته د ګیلهمن وزیر د وژل کېدو او بنو پرلت کوونکو د برید په غبرګون لاریون وکړ.
یو شمېر افغانانو د شنبې په ورځ (د جولای ۳۰مه) په فرانکفورت کې د پاکستان قنسلګرۍ مخې ته د ګیلهمن وزیر د وژل کېدو او بنو پرلت کوونکو د برید په غبرګون لاریون وکړ.
لاریون والو د «پښتون وژنه بس کړئ»، «لر او بر یو افغان»، «مرګ پر پاکستان»، «ترهګر- ترهګر پاکستان پاکستان» او «د ترهګرۍ تر شا د پاکستان د پوځ لاس دی» شعارونه ورکول.
یو لاریون وال وویل، چې دا لاریون په جرمني کې د پښتون ژغورنې غورځنګ څانګې جوړ کړی دی.
دغو لاریون والو ته د پښتون ژغورنې غورځنګ مشر منظور پښتین په انلاین ډول وینا هم وکړه.
ښاغلي منظور پښتین لاریونوالو ته په خطاب کې وویل: «له تاسو ټولو مننه چې د ملي شهید په ننګ راوتلي یاست. کله چې د ننګ او غیرت خبره وشي، تاسو پر خپل وطن، ملت او ملي شهیدانو ننګ کړی.»
د لاریون په ترڅ کې لاریون والو د پاکستان پر قونسلګرۍ برید وکړ، د پاکستان بیرغ یې نسکور او د ودانۍ ښیښې یې په تیږو ماتې کړې.
دغه لاریونوال به سبا د جولای په ۲۱مه برلین کې د پاکستان د سفارت مخې ته هم لاریون وکړي.
پرون هم په لندن کې مېشتو افغانانو د بنو پر پاڅون کوونکو د برید په غبرګون د پاکستان د سفارت پروړاندې لاریون کړی وو.
په بنو کې په پرلت والو د پاکستاني پولیسو له برید وروسته، نن د دویمې ورځې لپاره هم پرلت روان دی. د پاکستان پوځ تېره ورځ د خیبر پښتونخواه په بنو کې پر لاریون کوونکو ډزې کړي، چې د لومړنیو راپورونو له مخې، ۳ کسان وژل شوي او د ماشومانو په ګډون تر شلو ډېر ټپیان شوي دي.
د بنو لاریون کوونکي وایي، چې دوی به د وينو په بدل کې خپل وطن زرغون کړي، خو ترهګري ورته د منلو نه ده.
د طالبانو صنعت او سودارګرۍ وزارت نن په اعلاميه کې ویلي، چې نور الدین عزیزي د قزاقستان د کرنې مرستیال وزیر، د غلې شرکت او د پټلۍ ادارې له مشرانو سره په ليدنه کې د دواړو هېوادونو ترمنځ د باثباته سوداګرۍ، په مناسبه بيه د غلو دانو د وارداتو او صادراتو پر پياوړتيا هم خبري وکړې.
اعلاميه زياتوي، چې طالب پلاوی د«بينو» په نوم د غلې يوه ترمینل ته هم لاړ، چې د څه باندي سل زره ټنه ذخېرې ظرفيت لري.
اعلاميې ليکلي: «د دواړو هېوادونو تر موافقې وروسته به په دې ترمنينل کې غنم ذخيره کيږي او د اړتيا پر مهال به مخامخ د افغانستان جنوبي ولایتونو ته لېږدول کيږي.»
د طالبانو دغه پلاوي د قزاقستان په اقتاو ښار کې د شمال – سويل سوداګريز ترانسپورت او صادراتو فورم په غونډه کې هم پرون ګډون وکړ.
دغه غونډه د هغه ترانسپورټي دهلیز د جوړولو په موخه جوړه شوې، چې بیلاروس، روسيه، قزاقستان، ترکمنستان او افغانستان سره نښلوي.
په دې غونډه کې د افغانستان ترڅنګ بېلاروس، روسیې، قزاقستان، ترکمنستان، هند، ایران، عمان، سوریې او متحده عربي اماراتو استازو هم حضور درلود.