د يمن پر حديده ښار د يو لوی هوايي بريد خبر ورکړل شوی

جولیا کورټیس پر اېکس خواله رسنۍ د دوو نورو پیغامونو د خپرولو له امله چې پر نورو ریشخند بلل کیږي، ۱۲۰۰ یورو جریمه شوې ده.

د ۲۰۲۱ په اکتوبر کې، کله چې اغلې میلوني لا لومړۍ وزیره نه وه او د اپوزیسیون مشري یې کوله، کورټیس د اغلې مالوني یو ایډت شوی انځور پر اېکس خواله رسنۍ خپور کړی و. په دې عکس کې د اډولف هټلر د متحد او دیکتاتور، بینیتو موسولیني عکس د هغې شاته د کتابونو پر الماری په جعلي ډول اضافه شوی و.

اغلې میلوني دغه کار ته پر فیسبوک خپور شوي پیغام کې ځواب ورکړ، او ویې ویل چې د دغه انځور خپرول به "جدي پایلې" ولري او دا چې به د خبریالې پروړاندې به قانوني چلند وکړي.

وروسته په نورو بحثونو کې کورټیس، میلوني د "کوچنۍ ښځې" په توګه یاده کړه. دغې خبریالي په یو جلا پوسټ کې لیکلي و: "جورجیا میلوني، تاسې ما نه شی ویرولی. په هرصورت، تاسو یوازې ۱.۲ متره قد لری. زه حتا تاسو نه شم لیدلی."

د ایټالوي رسنیو د راپور له مخې، میلوني د ۱.۵۸ تر ۱.۶۳ متره پورې لوړوالی لري، که څه هم هغې هیڅکله په رسمي ډول د خپل د قد په اړه څه ندي ویلي.

د میلوني وکیل ویلي، که د محکمې پریکړه تصویب شي، پنځه زره یورو جریمه به خیریه موسسو ته ورکړي.

نوموړی وایي، چې دا لاریون په برېتانیا کې د پښتون ژغورنې غورځنګ څانګې جوړ کړی دی.
د پاکستان پوځ نن د خیبر پښتونخواه په بنو کې پر لاریون کوونکو ډزې کړي، چې د لومړنیو راپورونو له مخې، ۳ کسان وژل شوي او د ماشومانو په ګډون تر شلو ډېر ټپیان شوي دي.

دا لاریون تېره دوشنبه په بنو کې پر یوې پوځي اډې د وسله والو له برید او په غبرګون کې یې د پاکستاني پوځيانو په ځوابي حمله کې د ولسي وګړو د مرګ ژوبلې په اعتراض کې شوی و.
لاریون کوونکي په دې سیمه کې د امنیت ټینګولو او د عزم استحکام عملیاتو د درېدو غوښتنه کوي.
اخوا د پښتون ژغورنې غورځنګ مشر منظور پښتین او د عوامي نشنل ګوند مشر ایمل ولي خان بیا د پښتونخوا په بنو کې پر لاریونوالو د پاکستان د پوځ ډزې غندلي دي.
ښاغلی پښتین وایي، چې د پښتونخوا او بلوچستان په بېلابېلو سیمو کې به د بنو په ملاتړ لاریون وکړي.
نوموړي د وزیرستان او بلوچستان له خلکو وغوښتل، څو د بنو ولسي لاریونوالو د ملاتړ په موخه راووځي او ملاتړ یې وکړي.
د بنو لاریون کوونکي وایي، چې دوی به د وينو په بدل کې خپل وطن زرغون کړي، خو ترهګري ورته د منلو نه ده.

د ځینو رسنیو د راپورونو له مخې، د ترونګ مړینه په ویتنام کې د یوې سیاسي دورې د پای ته رسېدو په مانا ده.

د ویتنام د حکومت په رسمي اعلامیه کې راغلي، چې د هغه د مړینې لامل ناروغي او بوډاتوب دی.

د ویتنام حکومت په دې وروستیو ورځو کې وویل، چې نګوین فو ترونګ د خپلې ناروغې له امله خپلې دندې ولسمشر تو لام ته وسپارلې.

ښاغلی نګوین فو ترونګ له ۲۰۱۱ کال راهیسې په ویتنام کې د واکمن کمونیست ګوند مشر و.

هغه د دغه هېواد د ولسمشرۍ تجربه هم لري.

د راپورونو له مخې، د ویتنام دغه ۸۰ کلن مشر د دغه هېواد د اقتصادي ودې د څارنې سربیره، د فساد پر ضد د مبارزې د کمپاین له امله شهرت درلود.

د ځینو رسنیو د راپورونو له مخې، د ویتنام د مشر مړینه په داسې وخت کې شوې، چې د دغه هیواد د کمونیست ګوند د مشرتابه لپاره سیاسي کړکېچ دوام لري.

په وروستیو میاشتو کې د دغه ګوند درېو لوړ پوړو چارواکو د نامعلومو دلایلو له امله استعفاوې ورکړې دي.

ځینو رسنیو لیکلي، چې نګوین فو ترونګ د خپلې واکمنۍ پر مهال پر بیان ازادۍ او بشري حقونو کنټرول ډېر کړی و.

دغه رسنۍ ادعا کوي، چې ښاغلي ترونګ د حکومت يو زيات شمېر سياسي مخالفين، فعالان، ليکوالان او خبريالان بنديان کړي او يا يې هم تبعید کړي او د رسنيو او انټرنېټ د محدودولو لپاره يې سخت قوانين وضع کړي دي.

دغه نننی لاریون تېره دوشنبه په بنو کې پر پوځي چوڼۍ د وسلوالو له برید او په غبرګون کې یې د پاکستاني نظامیانو په ځوابي حمله کې د ولسي وګړو د مرګ ژوبلې په اعتراض کې شوی و.

لاریونوالو په سیمه کې د امنیت ټینګولو او د عزم استحکام عملیاتو د درېدو غوښتنه کوله.

خو ناتایید شوي‌راپورونه وايي، ځینې لاریونوالو د پوځ پوستو ته کاڼي ور ګوزار کړي او په ځواب کې پرې سرتېرو ډزې کړې، چې پکې دوه کسان وژل شوي او تر شلو ډېر ټپیان دي.

پاکستاني طالبان د پوځ دغو ډزو کې له وژل شویو او ټپي شویو سره خواخوږي ښيي او پاکستاني نظامیان پر «دولتي ترهګري» تورنوي.

د دې ډلې ویاند محمد خراسانی په اعلامیه کې زیاتوي «دا لومړی ځل نه دی او نه به وروستی ځل وي چې پوځ پر ولس ډزې کوي، ځکه له خلکو غواړو چې د وی په مقابل زموږ ملاتړ وکړي.»

د پښتون ژغورنې غورځنګ مشر منظور پښتین، د عوامي نېشنل ګوند مشر ایمل ولي خان، افراسیاب خټک او نورو پښتنو مشرانو هم پر مظاهره د پوځ دزې غندېلې دي.

د پښتون ژغورنې غورځنګ مشر منظور پښتین وايي، بنو کې پر لاریونوالو د پوځ د ډزو په غبرګون کې نن د پښتونخوا او بلوچستان مختلفو سیمو کې لاریونونه کوي.

په بنو کې نن په زرګونو خلکو په سیمه کې د امن او د پاکستان د عزم استحکام عملیاتو پرضد لاریون کړی و.

لا هم مالومه نه ده، چې د پاکستان د پوځ دا ډزې ولې کړې دي.

خو په پاکستان کې له پراخ غبرګون سره مخ شوې دي.

ایمل ولي خان خپل اېکس کې دا ډزې شرمناکې بللې او پوښتنه یې کړې، «د نړۍ کوم ډول قانون د داسې عمل اجازه ور کوي.»

هغه زیاتوي: «ایا د امن د ټینګښت او د ترهګرۍ د ختمېدو غوښتنه جرم دی. د خپل ځان د خوندیتوب لپاره غږ پورته کول ګنا ده.»

د بنو خلکو تر هغه وروسته وړمه ورځ د لاریون خبره وکړه چې په دې سیمه کې تېره دوشنبه وسلوالو د پوځ په چوڼۍ برید وکړ.

په برید کې د پاکستان اته پوځیان ووژل شول او ځايي خلک وايي، د نظامیانو په ځوابي برید کې ولس ته مرګ ژوبله اوښتې او وروسته د پاکستان پوځ د خپلو مړو ټولولو ته نه پرېښودل.

د پښتون ژغورنې غورځنګ مشر منظور پښتین هم پر لاریونوالو نننی برید غندلی او وايي د پښتونخوا او بلوچستان مختلفو سیمو کې به د بنو په ملاتړ نن لاریون وکړي.