په لندن کې مېشتو افغانانو د بنو پر پاڅون کوونکو د برید په غبرګون لاریون وکړ

د ځینو رسنیو د راپورونو له مخې، د ترونګ مړینه په ویتنام کې د یوې سیاسي دورې د پای ته رسېدو په مانا ده.

د ویتنام د حکومت په رسمي اعلامیه کې راغلي، چې د هغه د مړینې لامل ناروغي او بوډاتوب دی.

د ویتنام حکومت په دې وروستیو ورځو کې وویل، چې نګوین فو ترونګ د خپلې ناروغې له امله خپلې دندې ولسمشر تو لام ته وسپارلې.

ښاغلی نګوین فو ترونګ له ۲۰۱۱ کال راهیسې په ویتنام کې د واکمن کمونیست ګوند مشر و.

هغه د دغه هېواد د ولسمشرۍ تجربه هم لري.

د راپورونو له مخې، د ویتنام دغه ۸۰ کلن مشر د دغه هېواد د اقتصادي ودې د څارنې سربیره، د فساد پر ضد د مبارزې د کمپاین له امله شهرت درلود.

د ځینو رسنیو د راپورونو له مخې، د ویتنام د مشر مړینه په داسې وخت کې شوې، چې د دغه هیواد د کمونیست ګوند د مشرتابه لپاره سیاسي کړکېچ دوام لري.

په وروستیو میاشتو کې د دغه ګوند درېو لوړ پوړو چارواکو د نامعلومو دلایلو له امله استعفاوې ورکړې دي.

ځینو رسنیو لیکلي، چې نګوین فو ترونګ د خپلې واکمنۍ پر مهال پر بیان ازادۍ او بشري حقونو کنټرول ډېر کړی و.

دغه رسنۍ ادعا کوي، چې ښاغلي ترونګ د حکومت يو زيات شمېر سياسي مخالفين، فعالان، ليکوالان او خبريالان بنديان کړي او يا يې هم تبعید کړي او د رسنيو او انټرنېټ د محدودولو لپاره يې سخت قوانين وضع کړي دي.

طالبانو د ۱۴۰۰ کال لومړیو کې اعلان وکړ چې دوی پریکړه کړې چې د ښار ټکسیو رنګ له ژیړ څخه فیروزيي ته بدل کړي.

په همدې ډول د طالبانو د کورنیو چارو وزارت د ۱۴۰۱ کال د لیندۍ په ۱۴مه اعلان وکړ چې د ټکسيو رنګ یې له «ژېړ او سپین» څخه «روښانه فیروزيي او سپین» ته بدلوي.

د طالبانو د ترافيکو رياست هغه وخت ويلي وو چې د هرې ټکسي رنګ به په ۹۱۱۰ افغانيو بدل شي.

د ټکسيو چلوونکو یوې ډلې وروسته له هغې احتجاج وکړ، چې طالبانو پریکړه وکړه چې د خپلو موټرو رنګ بدل کړي.

دغو موټر چلوونکو وويل، چې د رنګ د بدلون لپاره د پيسو ورکولو توان نه لري.

دوی ویلي و، طالبانو پرېکړه کړې چې د ټکسيو رنګ بدل کړي، څو له موټر چلوونکو پيسې واخلي.

خو طالب چارواکي بیا ادعا کوي. چې د امنیت د ښه کولو، د جرمونو د کمولو او د ښار د ښکلا لپاره یې د ټکسيو د رنګ د بدلولو پرېکړه کړې ده.

په افغانستان کې د پخواني حکومت پر مهال په ښارونو کې په ژېړ او سپین رنګونو ښاري ټکسۍ چلېدلې او ځینې موټرې چې شخصي لایسنس پلېټونه یې درلودل په ښارونو کې مسافر لېږدول.

دغه نننی لاریون تېره دوشنبه په بنو کې پر پوځي چوڼۍ د وسلوالو له برید او په غبرګون کې یې د پاکستاني نظامیانو په ځوابي حمله کې د ولسي وګړو د مرګ ژوبلې په اعتراض کې شوی و.

لاریونوالو په سیمه کې د امنیت ټینګولو او د عزم استحکام عملیاتو د درېدو غوښتنه کوله.

خو ناتایید شوي‌راپورونه وايي، ځینې لاریونوالو د پوځ پوستو ته کاڼي ور ګوزار کړي او په ځواب کې پرې سرتېرو ډزې کړې، چې پکې دوه کسان وژل شوي او تر شلو ډېر ټپیان دي.

پاکستاني طالبان د پوځ دغو ډزو کې له وژل شویو او ټپي شویو سره خواخوږي ښيي او پاکستاني نظامیان پر «دولتي ترهګري» تورنوي.

د دې ډلې ویاند محمد خراسانی په اعلامیه کې زیاتوي «دا لومړی ځل نه دی او نه به وروستی ځل وي چې پوځ پر ولس ډزې کوي، ځکه له خلکو غواړو چې د وی په مقابل زموږ ملاتړ وکړي.»

د پښتون ژغورنې غورځنګ مشر منظور پښتین، د عوامي نېشنل ګوند مشر ایمل ولي خان، افراسیاب خټک او نورو پښتنو مشرانو هم پر مظاهره د پوځ دزې غندېلې دي.

د پښتون ژغورنې غورځنګ مشر منظور پښتین وايي، بنو کې پر لاریونوالو د پوځ د ډزو په غبرګون کې نن د پښتونخوا او بلوچستان مختلفو سیمو کې لاریونونه کوي.

د نیول شوي ډاکتر یعقوب شاه شنیواري نژدې خپلوانو افغانستان انټرنشټل ـ پښتو ته وویل چې تر اوسه د هغه د نیول کېدو لامل روښانه نه دی.

دوی زیاتوي یوازې یې کورنۍ ته یې دومره ویل شوي چې هغه د طالبانو د استخباراتو په بند کې دی.

نه یوازې دا چې ډاکتر یعقوب شاه شینواری د هډوکو متخصص دی او په جلال اباد کې خپل کلینک لري بلکې د ننګرهار د طب پوهنځي استاد هم دی.

په ننګرهار کې د طالبانو د استخباراتو ریاست د روغتیا د څار برخې یوې سرچینې افغانستان انټرنشنل ـ پښتو ته ومنله چې هغه تښتول شوی نه دی بلکې د استخباراتو په بند کې دی.

له دې وړاندې ځینو رسنیو داسې راپورونه خپاره کړي چې دغه ډاکتر د نامعلومو کسانو لخوا تښتول شوی دی.

په ننګرهار کې د روغتیا پالو ټولنې او ځیني ډاکتران پر امنیتي ستونزو سربېره د طالبانو امنیتي ادارې هم د ډاکترانو په نیولو او ځورولو کې په لاس لرلو تورنوي.

دوی زیاتوی د تېر جمهوریت په څېر په ننګرهار کې له ډاکترانو باج اخېستل او د تښتولو پیښې د طالبانو په اوسنۍ دوره کې هم شته دي.

د دې راپور په اړه مو په ننګرهار کې د طالبانو د امنیه قومندانۍ له ویاند څخه د پيښې د څرنګوالي په اړه پوښتنه وکړه؛ خو عبدالبصیر زابلي د پيښې په اړه له جزیاتو ډډه وکړه.

په بنو کې نن په زرګونو خلکو په سیمه کې د امن او د پاکستان د عزم استحکام عملیاتو پرضد لاریون کړی و.

لا هم مالومه نه ده، چې د پاکستان د پوځ دا ډزې ولې کړې دي.

خو په پاکستان کې له پراخ غبرګون سره مخ شوې دي.

ایمل ولي خان خپل اېکس کې دا ډزې شرمناکې بللې او پوښتنه یې کړې، «د نړۍ کوم ډول قانون د داسې عمل اجازه ور کوي.»

هغه زیاتوي: «ایا د امن د ټینګښت او د ترهګرۍ د ختمېدو غوښتنه جرم دی. د خپل ځان د خوندیتوب لپاره غږ پورته کول ګنا ده.»

د بنو خلکو تر هغه وروسته وړمه ورځ د لاریون خبره وکړه چې په دې سیمه کې تېره دوشنبه وسلوالو د پوځ په چوڼۍ برید وکړ.

په برید کې د پاکستان اته پوځیان ووژل شول او ځايي خلک وايي، د نظامیانو په ځوابي برید کې ولس ته مرګ ژوبله اوښتې او وروسته د پاکستان پوځ د خپلو مړو ټولولو ته نه پرېښودل.

د پښتون ژغورنې غورځنګ مشر منظور پښتین هم پر لاریونوالو نننی برید غندلی او وايي د پښتونخوا او بلوچستان مختلفو سیمو کې به د بنو په ملاتړ نن لاریون وکړي.