طالبانو په غزني کې یو کس د خلکو د سترګو په وړاندې په دورو وهلی
د طالبانو سترې محکمې د یوې خبرپاڼې په خپرولو سره ویلي، چې پر دغه کس یې د خلکو د سترګو په وړاندې تعزیري سزا پلې کړې. طالبان وايي یاد کس یې په غلا تورن کړی و.
د طالبانو سترې محکمې د یوې خبرپاڼې په خپرولو سره ویلي، چې پر دغه کس یې د خلکو د سترګو په وړاندې تعزیري سزا پلې کړې. طالبان وايي یاد کس یې په غلا تورن کړی و.
د طالبانو سترې محکمې د دوشنبې په ورځ د (زمري اتمه) د یوې خبرپانې په خپرلو سره ویلي، چې د غزني ولایت د اندړو ولسوالۍ د لومړۍ محکمې له لوري یې یوه کس ته چې په غلا تورن و، ۳۵ دورې تعزیري سزا ورکړې ده.
همدارنګه په خبرپانه لیکل شوي، چې په غلا تورن کس ته یې د دوو کلو تنفیذي بند سزا هم اورولې ده.
طالبانو د تورن کس هویت نه دی په ډاکه کړی.
د طالبانو د سترې محکمې له لوري په خپره شوې خبرپانه کې ویل شوي، پر تورن کس یاد حکم د غزني ولایت د مرافعې محکمې د مشر له پخلي وروسته پلی شوی.
که څه هم پر طالبانو په عام محضر کې خلکو ته د بدني سزا ورکولو په اړه د بشري حقونو ملاتړو سازمانونو له لوري کلکې نیوکې کیږي، خو طالبانو په عام محضر کې د بدني سازګانو ورکولو لړۍ روانه ساتلې ده.
