مسعود پزشکیان د ایران د نهم ولسمشر په توګه لوړه وکړه
مسعود پزشکیان د اسلامي شورا په یو لړ مراسمو کې د ایران د نهم ولسمشر په توګه لوړه وکړه. له دې مراسمو مخکې هغه په سیمه کې د ایران له ملاتړه برخمنو نیابتي ډلو له مشرانو سره وکتل.
مسعود پزشکیان د اسلامي شورا په یو لړ مراسمو کې د ایران د نهم ولسمشر په توګه لوړه وکړه. له دې مراسمو مخکې هغه په سیمه کې د ایران له ملاتړه برخمنو نیابتي ډلو له مشرانو سره وکتل.
د ښاغلي پزکشیان د لوړې مراسم د سې شنبې په ورځ (د زمري ۹مه) د ایران پر وخت د مازیګر ۴ بجې د اسلامي شورا په تالار کې د بهرنیو پلاويو او ملي او نظامي چارواکو په شتون کې ترسره شول.
پزشکیان په دغه مراسمو کې په خپله وینا کې د ایران د نظام او اساسي قانون د ساتنې له ژمنې وروسته وویل، څوارلسم حکومت به د اسلامي جمهوریت د رهبرۍ له خوا د تصویب شوي لید او عمومي پالیسیو په اساس عمل وکړي.
همدا راز، پزشکیان په خپله وینا کې یو ځل بیا د اسراییل پر ضد دریځ خپل کړ.
له دغو څرګندونو وروسته، په مراسمو کې يو شمېر حاضرو کسانو د بهرنيو مېلمنو په شتون د اسراییل پر ضد شعارونه ورکړل.
د ایران د ولسمشر د لوړې مراسمو ته له کابل څخه د طالبانو د رییس الوزرا سیاسي مرستیال مولوي عبدالکبیر هم ورغلی دی.
د ټاکنو ملي ادارې د شپې ناوخته اعلان کړی، چې مادورو د ۵۱٪ رایو په ګټلو سره د درېیم ځل لپاره ټاکنې ګټلي دي.
دغه پایلې به سوسیالیستي واکمنۍ څلورمې پېړۍ ته وغځوي.
خو د ټاکنو خپلواکو ناظرانو او نظر پوښتنو د اپوزیسیون لویې بریا ته اشاره کړې.
د اپوزیسیون مشر ماچادو ویلي، چې د هغوی کاندید ګونزالیز ۷۰٪ رایې ګټلي دي.
ګونزالیز خپلو پلویانو ته وویل، چې د رایه ورکولو په ورځ له اصولو سرغړونه شوې ده.
هغه وویل: "زموږ د پخلاینې او سوله ییز بدلون پیغام لاهم په خپل ځای دی .زموږ مبارزه دوام لري او موږ به تر هغه وخته ارام نه شو چې د ونزویلا د خلکو ارادې ته درناوی وشي."
دا سمدستي روښانه نه ده، چې د اپوزیسیون راتلونکی اقدام به څه وي.
ګونزالیز دا هم وویل، چې هغه به په خپلو ملاتړ کونکو غږ ونه کړي، چې سړکونو ته راووځي یا کوم تاوتریخوالی وکړي.
خو د نتایجو تر اعلان دمخه په ټول هېواد کې بېلابېلې پېښې رامنځته شوې وې.
په تاچیرا ایالت کې یو سړی په مرموزه توګه وژل شوی و او په کاراکاس او نورو ځایونو کې د رایې ورکولو په مرکزونو کې شخړې شوې وې.
د امریکا د بهرنیو چارو وزیر انتوني بلېنکن ویلي، چې واشنګټن جدي اندېښنه لري، چې د ټاکنو د ادارې له خوا اعلان شوې پایلې د خلکو رایې نه منعکسوي.
د ټاکنو اداره یوه خپلواکه اداره ده؛ خو اپوزیسیون وايي، چې دغه اداره د مادورو د حکومت د یوې برخې په توګه کار کوي.
کاراکاس او واشنګتن د کیڼ اړخه پاپولست هوګو چاویز له دورې راهیسې سره دښمني لري. مادورو - چې ۶۱ کلن پخوانی بس چلوونکی او د بهرنیو چارو وزیر دی.
نوموړي په ۲۰۱۳ کال کې د چاویز د مړینې وروسته حکومتي دنده په غاړه واخیسته او د هغه د ۲۰۱۸ کال بیا ټاکنه د متحده ایالاتو او نورو هېوادونو له خوا نه وه منل شوې او ادعا یې کړې وه، چې ټاکنې یې د درغلیو په پایله کې ګټلي دي.
مادورو د اقتصادي سقوط، د شاوخوا درېیمې برخې نفوس کډوالۍ او په ډېپلوماټیکو اړیکو کې د ناکامۍ له امله له نیوکو سره مخامخ دی.
د متحده ایالاتو، اروپایي ټولنې او نورو هېوادونو له خوا د بندیزونو له امله د دغه هېواد د تیلو صنعت له ستونزو سره مخامخ شوی دی.