د بښنې نړۍوال سازمان: د بنګله دېش حکومت دې د لاریونوالو خپلسرې نیونې پای ته ورسوي
د بښنې نړۍوال سازمان وایي، په بنګله دېش کې د یوې اونۍ په ترڅ کې له ۹۰۰۰ څخه زیات لاریون کوونکي چې ډېر یې زدهکړیالان وو، نیول شوي دي.
د بښنې نړۍوال سازمان وایي، په بنګله دېش کې د یوې اونۍ په ترڅ کې له ۹۰۰۰ څخه زیات لاریون کوونکي چې ډېر یې زدهکړیالان وو، نیول شوي دي.
دغه سازمان د یوې خبرپاڼې په خپرولو سره ویلي، د لاریون کوونکو زدهکړیالانو ډلهییزه نیونه او په خپل سري توګه د هغوی بندي کول د ټولو هغو خلکو په ستوني کې د غږ د وچولو په مانا ده چې د حکومت پر وړاندې د اعتراض غږ پورته کوي.د راپورونه له مخې دا جوتېږي، چې دغه نیونې په بشپړه توګه سیاسي بڼه لري.په خبرپاڼه کې راغلي، دا اړینه ده چې د بنګله دېش چارواکي د بیان ازادۍ او سولهییزو غونډو ته د خلکو د حقونو درناوی وکړي.د خبرپاڼې له مخې، چارواکي باید ډاډ ترلاسه کړي چې هر ډول نیول د نړۍوالو بشري حقونو قانون او معیارونو سره سم پر مخ ځي.دغه سازمان وایي، د جمعې په ماسپښین د احتجاج سمبالوونکي او همغږي کوونکي ناهید اسلام، اصف محمود او ابوبکر مجمدر په ډاکه کې هغه مهال په روغتون کې ونیول شول چې روغتیایي وضعیت یې ښه نه و.خو د بنګله دېش د کورنیو چارو وزیر اسدالزمان خان وویل، چې دغه کسان د دوی د خوندیتوب لپاره نیول شوي دي.
د ټاکنو ملي ادارې د شپې ناوخته اعلان کړی، چې مادورو د ۵۱٪ رایو په ګټلو سره د درېیم ځل لپاره ټاکنې ګټلي دي.
دغه پایلې به سوسیالیستي واکمنۍ څلورمې پېړۍ ته وغځوي.
خو د ټاکنو خپلواکو ناظرانو او نظر پوښتنو د اپوزیسیون لویې بریا ته اشاره کړې.
د اپوزیسیون مشر ماچادو ویلي، چې د هغوی کاندید ګونزالیز ۷۰٪ رایې ګټلي دي.
ګونزالیز خپلو پلویانو ته وویل، چې د رایه ورکولو په ورځ له اصولو سرغړونه شوې ده.
هغه وویل: "زموږ د پخلاینې او سوله ییز بدلون پیغام لاهم په خپل ځای دی .زموږ مبارزه دوام لري او موږ به تر هغه وخته ارام نه شو چې د ونزویلا د خلکو ارادې ته درناوی وشي."
دا سمدستي روښانه نه ده، چې د اپوزیسیون راتلونکی اقدام به څه وي.
ګونزالیز دا هم وویل، چې هغه به په خپلو ملاتړ کونکو غږ ونه کړي، چې سړکونو ته راووځي یا کوم تاوتریخوالی وکړي.
خو د نتایجو تر اعلان دمخه په ټول هېواد کې بېلابېلې پېښې رامنځته شوې وې.
په تاچیرا ایالت کې یو سړی په مرموزه توګه وژل شوی و او په کاراکاس او نورو ځایونو کې د رایې ورکولو په مرکزونو کې شخړې شوې وې.
د امریکا د بهرنیو چارو وزیر انتوني بلېنکن ویلي، چې واشنګټن جدي اندېښنه لري، چې د ټاکنو د ادارې له خوا اعلان شوې پایلې د خلکو رایې نه منعکسوي.
د ټاکنو اداره یوه خپلواکه اداره ده؛ خو اپوزیسیون وايي، چې دغه اداره د مادورو د حکومت د یوې برخې په توګه کار کوي.
کاراکاس او واشنګتن د کیڼ اړخه پاپولست هوګو چاویز له دورې راهیسې سره دښمني لري. مادورو - چې ۶۱ کلن پخوانی بس چلوونکی او د بهرنیو چارو وزیر دی.
نوموړي په ۲۰۱۳ کال کې د چاویز د مړینې وروسته حکومتي دنده په غاړه واخیسته او د هغه د ۲۰۱۸ کال بیا ټاکنه د متحده ایالاتو او نورو هېوادونو له خوا نه وه منل شوې او ادعا یې کړې وه، چې ټاکنې یې د درغلیو په پایله کې ګټلي دي.
مادورو د اقتصادي سقوط، د شاوخوا درېیمې برخې نفوس کډوالۍ او په ډېپلوماټیکو اړیکو کې د ناکامۍ له امله له نیوکو سره مخامخ دی.
د متحده ایالاتو، اروپایي ټولنې او نورو هېوادونو له خوا د بندیزونو له امله د دغه هېواد د تیلو صنعت له ستونزو سره مخامخ شوی دی.