پاکستان د هنیه وژلو ته په اشاره وايي «په هر شکل ترهګري غندي»

عبدالله عبدالله په خپل اېکس کې لیکلي، چې اسماعیل هنیه په داسې حال کې ترور شوی، چې په دې وروستیو کې د سولې د مذاکراتو په هڅه کې و.

د ښاغلي عبدالله په خبره: «هنیه په ایران کې د مېلمه په توګه اوسېده او د نوموړي دا ډول ترور د بین الدول د ټولو قوانینو خلاف کار او ترهګریز عمل دی.»

ښاغلی عبدالله زیاتوي، چې د فلسطین له خلکو سره د اسراییل ظلم او جنایت د منځني ختیځ د ناورین اصلي لامل دی.

د نوموړي په وینا، د بشریت وجدان او ضمیر به د غزې له خلکو سره روان ظلم او جنایت هېر نه کړي.

د افغانستان د سولې د عالي شورا پخواني مشر عبدالله عبدالله همداراز د اسماعیل هنیه د وژل کېدو د غندلو ترڅنګ د هغه له کورنۍ سره هم غمرازي شریکه کړه.

اسماعیل هنیه چې په ایران د یوه برید په پایله کې ترور شوی، دغه هېواد د نوموړي د وژل کېدو له امله درې ورځنی ویر اعلان کړی دی.

له دې سره، د سوریې د بهرنیو چارو وزارت بیا د حماس ډلې د مشر د وژل کېدو اصلي مسوول اسراییل ګڼي.

دغه وزارت خبرداری ورکړی، چې دا برید کولی شي ټوله سیمه وسوځوي.

د اسماعیل هنیه له وژل کېدو وروسته اسراییل په ټوله نړۍ کې د خپلو ډیپلوماټیکو استازولیو د امنیتي تابیاوو د زیاتولو په هڅه کې دی.

د افغانستان کرېکټ بورډ نن ویلي، په هند کې د افغانستان په کوربتوب د نيوزيلنډ لوبډلې په وړاندي له ټېسټ لوبې وروسته به د سويلي افريقا سره د دريو يو ورځنيو لوبو لړۍ پيل شي.

کرېکټ بورډ ويلي، چې د نيوزيلنډ سره د يوازينۍ ټېسټ لوبې او سويلي افريقا په وړاندي به ډېر ژر د لوبغاړو نوملړ اعلان کړي.

د افغانستان کرېکټ بورډ مشر ميرويس اشرف د سويلي افريقا سره د سيالیو په اړه وايي: «د خوښۍ ځای دی چې د لومړي ځل لپاره د سویلي افریقا سره دوه اړخیزه لوبلړۍ لرو، له شک پرته سویلي افریقا د کرېکټ په نړۍ کې یو ستر نوم دی او له اتلانو سره د دوی سیالۍ به له ولولو او خوندونو ډکې وي.»

د کرېکټ بورډ اجراييوي مشر نصيب خان وايي، چې له پياوړو لوبډلو سره لوبېدو ته د يوې پروسې په سترګه ګوري.

نوموړی وایي: «موږ غواړو چې افغان لوبډلې ته د ټولو بشپړ غړیتوب لرونکو لوبډلو پر وړاندې ډېرې دوه اړخیزې لوبلړۍ برابرې کړو.»

د افغانستان کرېکټ بورډ ليکلي، چې د سويلي افريقا سره تر سياليو وروسته تمه لري، چې له بنګله دېش سره هم د لوبو لړۍ پيل کړي.

د طالبانو د بهرنیو چارو وزارت د سې شنبې په ورځ وویل، چې په اروپايي هېوادونو، کاناډا او استرالیا کې د افغانستان د ۱۴ سیاسي نمایندګیو او کونسلګرۍ ماموریتونو قونسلي خدمات د اعتبار وړ نه دي؛ ځکه دوی له دغه وزارت سره له همغږۍ او تعامل ډډه کړې ده.

دغه وزارت وویل، چې د دغو نمایندګیو کونسلي خدمتونه «دغې ډلې» ته د منلو وړ نه دي.

د تېر حکومت له نسکورېدو وروسته، د افغانستان سفارتونو او کونسلګریو خپل فعالیت ته دوام ورکړ او طالبانو د افغان کونسلګریو او سفیرانو اسناد سره له دې چې له دوی سره یې د اړیکو له نیولو انکار کړی وو، منلي وو.

یو شمېر سفارتونو د طالبانو نوې پرېکړې ته پ غبرګون کې ویلي، چې دوی به د قونسلګرۍ خدماتو ته دوام ورکړي.

په تاجکستان کې د افغانستان سفارت په یوې اعلامیه کې د سې شنبې په ورځ (د زمري نهمه) وویل، چې له طالبانو سره د اړیکو له پرې کېدو سره سره دغه سفارت په دې توانیدلی چې خپلو کارونو ته دوام ورکړي.

د افغانستان سفیر وویل: «د طالبانو دغه پرېکړه چې دوه کاله وړاندې یې په تاجکستان کې د افغانستان د سفارت په وړاندې نیولې وه، کومه مثبته پایله نه لرله.»

دغه افغان سفیر، د طالبانو د بهرنیو چارو وزارت د پرېکړې پایلو ته په اشارې سره وویل، چې دا به «زموږ د هغو هېوادوالو لپاره چې په کډوالۍ کې دي د لا زیات درد او سرګردانۍ لامل شي.»

هغه وویل، چې طالبان په اروپا کې پر افغانانانو د فشار په راوستلو سره غواړي چې اروپايي هېوادونه دغې ډلې ته «باج ورکړي.»

د طالبانو د بهرنیو چارو وزارت په اروپا کې له مېشتو افغانانو غوښتي، چې هغو کونسلګریانو ته دې مراجعه وکړي چې له طالبانو سره په اړیکه کې دي.

د دغه وزارت په وینا، په هسپانیه، هالنډ، بلغاریا، چک جمهوریت او د جرمني په مونیخ کې د طالبانو نمایندګۍ به په اروپا کې مېشتو افغانانو ته کونسلګري خدمات وړاندې کوي.

دغې ډلې په شمالي امریکا او اسټرالیا کې مېشتو افغانانو ته د خدماتو د وړاندې کولو په اړه څه نه دي ویلي.

جيونيوز د چهارشنبې په ورځ (د زمري ۹مه) په خپل خبر کې ليکلي، چې یو خبريال پر پوځ د عمران تور لګولو ته په اشارې پوښتلي، چې د پوځ پر ځای ولي له سياسي ګوندونو سره خبري نه کوې؟

د جيونيوز په خپل خبر کې د عمران له قوله ليکل شوي، چې نوموړي ویلي: «موږ پر پوځ تور نه لګوو، يوازي پرې نيوکي کوو،د پاکستان د پانګونې د اسانتیاو ځانګړې شورا څه شي ده او د کورنيو چارو وزير محسن نقوي څوک دی؟ دا خو د دوی له لوري راغلی دی.»

خبريالانو له عمران څخه پوښتلي که حکومت د پاکستان کورنيو چارو وزير محسن نقوي ته د مذاکراتو واک ورکړي تاسو خبرو ته چمتو ياست؟

نوموړي ويلي: «له محسن نقوي سره به هيڅکله خبري ونه کړي، هغه او د پنجاب د پوليسو مشر پر موږ ظلم کړی دی، مریم نواز هم فاشست ډه.»

عمران خان خبريالانو ته ويلي، چې حکومت غواړي د تحريک انصاف او پوځ ترمنځ جګړه جوړه کړي او د دوی ګوند له منځه يوسي.

تېره اونۍ د برېتانیا پولیسو د دغه ۵۷ کلن افراطي برېتانوي مبلغ د درېیو تروریستي جرمونو په تور د نیولو اعلان وکړ.

د لندن د وولویچ جرمونو محکمې هغه د منع شوي المهاجرون سازمان د رهبرۍ او د څو وروستیو بریدونو سره د تړاو په تور مجرم وګاڼه.

انجم چوهدري د جوماتونو، سفارتونو او د برېتانیا د پولیسو د دفترونو مخې ته د مظاهرو په رهبرۍ کولو سره په برېتانیا کې یو له مشهورو اسلامپالو مبلغینو څخه و.

پاکستاني الاصله اسلامپال مبلغ وروسته له هغه په ​​برېتانیا کې د خلکو پام ځانته راواړوه، چې د سپټمبر د یوولسمې د بریدونو د عاملینو ستاینه یې وکړه.

چوهدري وويل، د هغه حتمي هدف د برېتانيې د لومړي وزير د استوګنې په لس نمبر داونینګ کوڅې باندې د اسلام بيرغ پورته کول دي.