محمود عباس: د منځني ختیځ د کړکېچ په هواري کې د روسیې څنډې ته کول، موږ ته د منلو نه دي
د فلسطین ولسمشر محمود عباس ویلي:« موږ به په هیڅ ډول د منځني ختیځ د کړکېچ په هواري کې د روسیې څنډې کولو ته اجازه ور نه کړو.»
د فلسطین ولسمشر محمود عباس ویلي:« موږ به په هیڅ ډول د منځني ختیځ د کړکېچ په هواري کې د روسیې څنډې کولو ته اجازه ور نه کړو.»
ښاغلي عباس روسیې ته د خپل سفر په ترڅ کې د روسیې له خبري اژانس سره په خبرو کې ویلي، چې روسیه یو رښتینی منځګړی دی او باید په منځني ختیځ کې د سولې په خبرو کې رغنده برخه ولري.د فلسطین ولسمشر وویل، چې امریکا غواړي روسیه په منځني ختیځ کې د سولې له خبرو لیرې وساتي.د هغه په وینا، روسیې تل هڅه کړې چې د منځني ختیځ ستونزه په سولهییزه توګه هواره کړي.محمود عباس وویل، چې دوی به په هیڅ توګه د منځني ختیځ د کړکېچ په هوارولو کې د روسیې ګوښه ساتل ونه زغمي.هغه زیاته کړه، چې روسیه د نړۍوالو قوانینو له مخې د منځني ختیځ په شخړه کې روښانه دریځ لري.
له خیبرپښتونخوا څخه سرچینو افغانستان انټرنشنل پښتو ته نن چهارشنبه د (زمري ۲۴مه) ويلي، چې تېره شپه او نن سهار د خیبر درې په جمرود کې ځینو کلیوالو د یوې غونډې پر مهال د اګسټ ۱۴مه د پاکستان د خپلواکۍ ورځ د تورې ورځې په توګه نمانځلې او ویلي یې دي چې د پاکستان حکومت د دوی حقونه نه دي ورکړي او هره ورځ د نا امنۍ له امله وژل کیږي.
وزیرخان اپریدی چې په دغې غونډه او لاریون کې یې ګډون درلود، افغانستان انټرنشنل پښتو ته وويل، چې کومه خپلواکي ونمانځي چې حکومت یې امن لا نه شي ساتلی، هغه وايي: «حکومت مو حق نه راکوي، موږ د پوځي عملیاتو له وجې سلګونه کورنۍ چې دوولس کاله مخکې د تیرا سیمې له خپلې مېنې راکډه کړل شوي یو او تر اوسه پورې مو پوځ خپلې سیمې ته نه پرېږدي او نه دلته خیبر کې سم او معلوم ځای لرو. موږ غواړو بیرته خپلې سیمې ته ولاړ شو.»
تر دې وړاندې ټي ټي پي د یوې خبرپاڼې له لارې د پاکستان په ولسونو غږ کړی و چې دغه ورځې دې د خپلواکۍ په توګه نه بلکې د تورې ورځې په توګه ونمانځي.
بل خوا د شمالي وزیرستان د اسدخیلو کلي یو شمېر اوسېدونکو هم د یوه لاریون په ترڅ کې چې تور بیرغونه یې هم له ځان سره لرل، دغه ورځ د تورې ورځې په توګه ونمانځله.
په خیبرپښتونخوا کې خپلواک خبریال لال وزیر هم افغانستان انټرنشنل ته ويلي، چې د لوی وزیرستان د ځینو سیمو تر څنګ د انګور اډې پرلتوالو هم د پاکستان له حکومته د ناخوښۍ له امله د پاکستان د خپلواکۍ ورځ د تورې ورځې په توګه نمانځلې او پرلتوالو یې تور بیرغونه پورته کړي دي.
په سیمه کې د افغانستان انټرنشنل پښتو خبریال هم وايي، چې په جمرود کې د کوکي خيلو په نوم یوه قبېله چې دغه ورځ یې د تورې ورځې په توګه نمانځلې له ځان سره تور بیرغونه لیږدول.
د پاکستان حکومت تر اوسه پورې په دې اړه څه نه دي ویلي، او نه هم د دغه هیواد امنیتي کسانو د داسې خلکو په وړاندې چې دغه ورځ یې د تورې ورځې په توګه نمانځلې غبرګون ښودلی.
