د طالبانو رییس الوزرا په ابوظبي کې د متحده عربي اماراتو له مشر سره وکتل

مېرمن بارکزۍ تر دې مخکې هم د امریکا د ولسمشر د مرستیالې د سلاکارې په توګه کار کړی دی.
د این بي سي خبري شبکې د هریس د انتخاباتي دفتر په حواله راپور ورکړی، چې نسرین بارکزۍ له ۲۰۲۱ میلادي کال راهیسي د مسلمانانو، عربانو، د غزې جګړه، د زیږون حقونو، رای ورکولو او ډیموکراسۍ په چارو کې له هریس سره د سیاسي سلاکارې په توګه کار کړی دی.
د هریس انتخاباتي دفتر چارواکو ویلي، چې مېرمن بارکزۍ به د کامالا هریس په ټاکنیز مرکز کې هم ورته مسوولیت ولري.
د امریکا مسلمانان په ځانګړې توګه عربان د غزې د جګړې په اړه د جوبایډن د سیاستونو او د اسراییل د حکومت د جدي ملاتړ له امله د ډیموکراټ ګوند او کامالا هریس څخه ناراضه دي. دغه ټولنې په دې باور دي چې هریس به د غزې او اسراییل په اړه د بایډن سیاستونو ته دوام ورکړي.
د کامالا هریس ټاکنیز دفتر کې د دې افغانې سلاکارې تر ټولو مهمه دنده به له مسلمانو ټولنو او په ځانګړې توګه له عربانو سره خبرې اترې وي تر څو د هریس لپاره د دوی ملاتړ ترلاسه کړي.
د کامالا هریس د ټاکنیز دفتر اعلامیې کې د مېرمن بارکزۍ له قوله ویل شوي: «ویاړم چې د ولسمشر له مرستیالې سره خپل کار ته دوام ورکوم او په دې ټاکنو کې به په لویو مسایلو له ډموکراسۍ او د زیږون له حقونو نیولې تر اعرابو او مسلمانو په چارو کې مشوره ورکړم.»
نسرین بارکزۍ پر افغانستان د پخوانۍ شوروي د برید پر مهال په ۱۳۵۸ کال په کندهار کې زیږیدلې ده.
مېرمن بارکزۍ ګلامور ورځپاڼې ته ویلي، چې پلار او تره یې هغه وخت جنګي بندیان وو او ورک شوي دي. د دې راپور له مخکې نوموړې په دوه کلنې کې د جګړې له امله پاکستان ته کډواله شوې وه.
اغلې بارکزۍ په پاکستان کې له درې کاله ژوند وروسته په ۱۹۸۵ کې د کډوالو د بیا میشتیدنې د پروګرام د یوې برخې په توګه امریکا ته کډواله شوه او په ۲۰۰۵ کال کې یې د کلیفورنیا د برکلي د حقوقو پوهنځي څخه فارغه شوه.
مخکې له دې چې په ۲۰۲۱ کال کې د متحده ایالاتو د ولسمشر د مرستیالې په دفتر کې د هریس د سلاکار په توګه کار وکړي، هغې د امریکا د مدني ازادیو اتحادیې سره د حقوقي کارپوهې او ملي امنیت وکیلې په توګه کار کاوه.

دوی زیاتوی؛ تر څو چې د ښځو پر وړاندې تاوتریخوالی او ګواښونه پای ته ونه رسیږي، دغه هېواد به عادي حالت ته را و نه کرځي.

د فرانسې د بهرنیو چارو وزارت د جمعې په ورځ (د زمري ۲۶مه) په خپره کړې اعلامیه کې ویلي، چې په افغانستان کې د ښځو او نجونو له حقونو څخه سرغړونې غندي. د فرانسې د بهرنیو چارو وزارت همداراز زیاته کړه، چې د طالبانو پریکړه چې د ښځو پر زده کړو او کار بندیز ولګول شي «د منلو او توجیه وړ نه ده».

د فرانسې حکومت ویلي، چې په افغانستان کې د طالبانو له درې کلنې واکمنۍ وروسته، فرانسه پر خپلو ژمنو عمل کوي، او د افغانستان د خلکو د وضعیت د ښه کولو لپاره به له ټولو فشارونو کار واخلي.

د فرانسې د بهرنیو چارو وزارت هم طالبان د ملګرو ملتونو د امنیت شورا د ۲۵۹۳ پریکړه لیک په نه مراعاتولو تورن کړل او ویې ویل، چې دغه ډله پر خپلو ژمنو عمل نه کوي او په پرله پسې ډول یې بشري حقونه تر پښو لاندې کړي دي.

تر دې مخکې د جرمني د بهرنیو چارو وزیرې پر طالبانو سختې نیوکې کړې وې او ویلي وو، چې د طالبانو «غیر انساني رژیم» د میلیونونو افغان ښځو او نجونو خوبونه له منځه وړي او هغوی ته یې د «ښځو په توګه د ژوند کولو» اجازه نه ده ورکړې. د جرمني د بهرنیو چارو وزیرې انالینا بایربوک زیاته کړه، چې افغان ښځې او نجونې اوس مهال عملا په "کورنۍ زندان" کې دي.

د پکتیا په احمدابا ولسوالۍ کې د طالبانو پخواني ولسوال عبدالحمید خراساني په دې وروستیو کې د طالبانو د ویاند ذبیح الله مجاهد څرګندونو ته غبرګون ښودلی دی.

مجاهد خراساني "بې کوره" بللی او ویلي یې دي چې د طالبانو په اداره کې هېڅ رول نه لري.

خراساني دغو څرګندونو ته په غبرګون کې وويل: «په داسې وخت کې چې د پنجشېر خلک د طالبانو پر وړاندې په کلکه ولاړ وو او هغوي د يوې مرمۍ د وېشتلو امکان نه درلود، ما د طالبانو ملاتړ وکړ او د خپل قوم پر وړاندې ودرېدم. اوس چې تاسې د واک او نظام خاوند یې، مونږه بې کوره معرفي کوي او تاسې پخپله د کور خاوند يې؟»

خراساني دا هم ویلي، چې کابل ته د دې ډلې تر راتګ مخکې د ذبیح الله مجاهد په ګډون طالب چارواکو له ده څخه په پنجشېر کې د پوځي عملیاتو غوښتنه کړې وه، «خو اوس چې قدرت یې په لاس کې اخیستی دی، ما بې کوره بولي.»

تر دې مخکې ذبیح الله مجاهد د ایران له تسنیم خبري اژانس سره په مرکه کې ویلي و، چې خراساني د طالبانو په اداره کې کوم مقام نه لري او د هغه څرګندونې د طالبانو د ډلې د نظر انعکاس نه کوي.

د ایران اقتصادي خبري اژانس لیکلي د یو بېنر انځور هم خواله رسنیو کې خپور شوی چې پکې د طسوج ښار او د دشتک او ولی عصر په کلیو کې د کورونو مالکینو ته خبرداری ورکړل شوی.

په دغو بینرونو کې له افغان کډوالو غوښتل شوي، چې په راتلونکو دوو میاشتو کې خپل کرايي کورونه خالي کړي او خپلو مالکانو ته یې وسپاري او له دغو سیمو ووځي.

په دې پیغامونو کې بیا هم خبرداری ورکړل شوی چې له سرغړونکو سره به قانوني چلند وشي.

دا معلومه نه ده چې دا بېنرونه چا نصب کړي دي.

د دغو بېنرونو انځورونه چې په ټولنیزو شبکو او ایراني رسنیو کې خپاره شوي ښيي، چې په ولي عصر کلي کې په لګول شویو بېنرونو کې له دې سیمې د افغانانو د اېستلو لپاره د تلي تر ۳۰ مه نېټه ټاکل شوې ده.

د طسوج ښار په دشتک کلي کې نصب شوي بېنر کې، افغان کډوال د وږي تر پایه پورې وخت لري چې له دې کلي ووځي.

په طسوج ښار کې په لګېدلو بېنرونو کې افغان وګړو ته د کرایه شویو کورونو خاوندانو ته هم خبرداری ورکړل شوی، چې له دغو کډوالو سره خپل تړونونه تمدید نه کړي.

په دې وروستیو کې په اصفهان کې یوه افغان کډوال افغانستان انټرنشنل ته یوه ویډیو کې خبر ور کړی، چې د کوی راه حق په سیمه کې یو بېنر لګول شوی، چې افغان کډوال د وږي تر پایه له دغه ولایته ووځي.

په همدې حال کې د ایران حکومت په دې وروستیو کې د افغان کډوالو د نیولو او شړلو لړۍ ګړندۍ کړې او هره ورځ سلګونه کډوال افغانستان ته ستنوي.

د راپور پر اساس چې د پنجشنبې په ورځ «د زمري ۲۵مه» خپور شو، د رباطکریم ښار د پولیسو مشر په خبري ناسته کې اعلان وکړ، چې «د روان کال له پیل راهیسې په پرند ښار کې ۲۰ تنه بهرني وګړي نیول شوي دي. په ښار کې دوه ټیمي کورونه هم په پېژندل شوي او له درېو زرو بهرني وګړو دوه زره یې خپل هېواد ته لېږل شوي دي.»

د ایران د اسلامي جمهوریت د سرحدي ساتونکو قوماندان احمد علي ګودرزي د دوشنبې په ورځ « د زمري ۲۲مه» یوې خبري ناستې ته وویل چې د غیر قانوني کډوالو د اېستلو پالیسي به د روان کال تر پایه دوام وکړي.

د طالبانو د کډوالو چارو وزارت د وروستیو راپورونو له مخې تېر کال له ایران، پاکستان او نورو هېوادونو څخه څه باندې ۱ میلیونه ۷۹۹ زره کسان افغانستان ته راستانه شوي دي.