د ۲۰۲۳م کال د اکټوبر له ۷مې نیټې راهیسې پر غزې د اسراییلي بریدونو په پایله کې د وژل شویو فلسطینیانو شمېر له ۴۰ زرو اوښتی دی. د غزې د دفاع وزارت د معلوماتو له مخې، په غزه کې د جګړې له پیل راهیسې د اسراییل په بریدونو کې ۴۰ زره او ۵ تنه وژل شوي دي.
د مالوماتو له مخې، تر اوسه ۹۲ زره او ۴۰۱ کسه د اسراییل په بریدونو کې ټپیان شوي هم دي.
د غزې د روغتیا وزارت د معلوماتو له مخې، په وژل شویو کسانو کې ۳۳ سلنه ماشومان او ۱۸.۴ سلنه یې ښځې دي.
د روانې میاشتې په پیل کې پر غزې د اسراییل د عملیاتو د ۳۰۰ ورځو د پوره کېدو په اړه خپرې شوې شمېرې په ډاګه کوي، چې د اسراییل د بریدونو په پایله کې د غزې زیربناوو ته هم تر ټولو سخت زیان رسېدلی او په دې برخه کې ۳۳ میلیارده ډالره زیانمنې شوې دي.
د رسمي معلوماتو له مخې، ۱۹۸ دولتي ودانۍ، ۱۱۷ ښوونیزې موسسې، ۶۱۰ جوماتونه، ۳ کلیساوې، ۱۵۰ زره استوګنځایونه، ۲۰۶ لرغوني ځایونه، ۳۴ سپورتي مرکزونه، د ۳۰۰۰ کیلومترو څخه زیات د برېښنا د لېږد سیستم او ۷۰۰ د اوبو څاه ګانې ویجاړې شوې دي.
د دې تر ځنګ، اسراییل په غزه کې ۳۴ روغتونونه او ۶۸ روغتیایي مرکزونه هم په نښه کړي دي.
