شپږیزه کرېکټ لیګ؛ امو نهنګانو لوبډلې بست ساتونکو ته د ۱۱ منډو په توپیر ماتې ورکړه

هغه وايي، نه په کورنیو چارو او نه هم بهرنیو چارو کې چاته د لاسوهنې اجازه ورکوي.

د طالبانو د دفاع وزیر ملا محمد یعقوب مجاهد د افغانستان د خپلواکۍ د بېرته اخیستلو ۱۰۵ مې کلیزې نماځغونډه کې د کوم هېواد له نوم یادولو پرته وویل، چې په افغانستان کې د نه چا فرمایش مني او نه هم د چا په فرمایش حکومت جوړول مني.

نوموړي وویل: «موږ خپلواک قوم یو، نه د چا فرمایش منو نه د چا په فرمایش حکومت منو.»

همدارنګه دغه لوړپوړی طالب چارواکی وايي، د هیڅ هېواد په کورنیو چارو کې لاسوهنه نه کوي، نه هم په نورو هېوادونو او نه یې هم پر سرحددونو چاته د زیان اړولو اراده لري.

نوموړی وايي: «موږ خپل حق غواړو چاته تر خپل حق په هیڅ صورت نه ورتیریږو. نه په کورنیو چارو کې چاته د لاسوهنې اجازه ورکوو، نه په بهرني سیاست کې چاته د لاس وهنې اجازه ورکوو.»

کومه تګلاره چې په تعلیمي، نظامي برخو کې لرو او یا هم د اردو په روزنه کې دا به هیڅ چاته په واک کې ورنه کړي.

ملا یعقوب د نړۍ هېوادونو ته په خپله وینا کې خبرداری ورکوي، چې د نورو نامشروع لاسوهنه نه مني.

نوموړی زیاتوي: «د نړۍ ټولو هېوادونو ته وایو، هغه که زورور دي یا کم زوري، په ښه دقت یې واورئ افغانان ستاسو نامشروع لاسوهنې نه مني. په دې برخه کې نه ستاسو زور، نه زر او نه هم زارۍ اغېز لري.نور باید له فشارونو څخه کار وانخلئ.»

ملایعقوب وايي،‌ د نړۍ له هېوادونه سره د ګډ پوهاوي له لارې اړیکې جوړول غواړو.

«هېوادونه دې د تفاهم له لارې را وړاندې شي ان د امریکا سره هم ښې اړیکو غواړو. د امریکا، چین، روسیې او ګاونډویانو سره هم سیاسي او اقتصادي اړیکې غواړو، چاته بد نیت او اراده نه لرو، زموږ دروازې یې په وړاندې خلاصي دي.»

مجاهد د نړۍ له ځواکمنو هېوادونو سره د اړیکو جوړولو غوښتنه داسې مهال کوي، چې د نړۍ هیڅ هېواد دغه ډله په رسمیت نه ده پيژندلې.

یعقوب مجاهد د پاکستان له نوم یادولو پرته وویل، چې پر ډیورنډ کرښه دې ورته ستونزې نه جوړیږي. وايي، ډیورنډ کرښې ته څېرمه پوستې او سړکونه جوړول کوم هېواد ته د زیان اړولو په معنا نه دي.

مجاهد دغه څرګندونې په داسې حال کې کوي، چې د یادې ډلې له واکمنیدو وروسته څو ځله پاکستاني ځواکونو او طالبانو تر منځ ډیورنډ کرښې ته څیرمه د نظامي بنسټونو جوړیدو له امله د دواړو هیوادونو تر منځ وسله والې نښتې رامنځته شوې دي.

یعقوب مجاهد یو ځل بیا پر هغو کسانو غږ کړی چې د یادې ډلې له واکمنیدو وروسته له افغانستانه وتلي چې بېرته هېواد ته ورستانه شي.

مجاهد وايي: «که داعش دې که باغیان دي په هیڅ قیمت چاته نه یو تسلیم شوي، تر مرګه به دفاع کوو.»

پخوانی ولسمشر حامد کرزی وايي، د افغانستان خپلواکي ۱۰۵ کاله مخکې افغانانو د خپل یووالي له برکته ګټلې او وايي، دغه ستر ویاړ د پردیو له احتیاجه د ځان خلاصولو او پرمختگ له لارې باید وساتل شي.

واک د طالبانو له رسیدو وروسته دغې ډلې له شپږم ټولګي پورته او پوهنتون کې د نجونو پر زده‌کړو بندیز لګولی او ورسره یې د ښوونځیو پرتله مدرسو ته پام اړولی.

ښاغلي کرزي له بهرنیو ډیپلوماټانو سره تل په ناستو کې د زده‌کړو پر ښه والي او د نجونو د زده‌کړو پر فعالیدو ټینګار کړی.

حامد کرزي د ایکس په دغه یادښت کې طالبانو ته په اشارې ویلي، چې د «علم او پوهې ترلاسه کولو او ترقۍ لپاره باید زیار وباسو. زموږ روښانه راتلونکی بې له شکه د ځوان نسل په تعلیم پورې تړلې ده او ضروري ده چې ټول د تعلیم د ودې په برخه کې هراړخیز کوښښ وکړو.»

د ملي پخلاینې شورا مشر ډاکتر عبدالله عبدالله هم په خپله ایکس پاڼه د افغانستان د خپلواکۍ بیرته ګټلو په پار افغانانو ته مبارکي ورکړې او ويلي یې دي، چې افغانان دې په یووالي کې ژوند وکړي، هغه د نجونو د زده‌کړو په اړه څه نه دي ویلي.

طالبانو د دې تر څنګ چې څو ورځې وړاندې یې کابل ته د ننوتو ورځ (د زمري ۲۴مه) هم نمانځلې وه او ورسره یې نن له برېتانوي ښکېلاک څخه د افغانستان د خپلواکۍ بیرته ګټلو ۱۰۵مه کلیزه هم نمانځلې او دغه ورځ یې په ټول هیواد کې رخصتي هم اعلان کړې.

هغه وويل، اوس د ټیکنالوژۍ وخت دی، د بې پیلوټه الوتکو او لېرې واټن ویشتونکو توغندیو مخنیوی په ټوپک نه کیږي.

طالبانو د یکشنبې په ورځ د (زمري ۲۸مه) د افغانستان د خپلواکۍ د بېرته اخیستلو ۱۰۵مې کلیزي په مناسبت د یادې ډلې په دفاع وزارت کې مراسم جوړ کړي وو.

په یادو مراسمو کې د طالبانو ګڼو لوړپوړو چارواکو ګډون درلود.

ملا برادر دغې غونډې ته د وینا پر مهال وويل، «امریکا او د هغوی متحدان مو له خپلې خاوري شړلې دي.» او دا یو ښه فرصت دی چې باید دا زده‌ کړو چې څه ډول له هېواده دفاع کیږي.

همدارنګه د طالبانو د دفاع وزارت لوی درستیز فصیح الدین فطرت غونډې ته وويل، چې یاده ډله د خپلواکو واکمنانو په توګه له هیڅ هېواده امر نه ترلاسه کوي او په بشپړ ډول خپلواک دي.

نوموړی زیاتوي: «هیڅ بیګانه ته اجازه نه ورکوو، چې زموږ خپلواکي تر پوښتنې لاندې راولي.»

د طالبانو له لوري د افغانستان د خپلواکۍ د بېرته اخیستلو د ۱۰۵مې کلیزې نمانځلو پر مهال د طالبانو د ریاست الوزرا اداري مرستیال عبدالسلام حنفي یوازینی کس و، چې د شاه امان الله خان د نوم یادونه یې وکړه.

نوموړي وويل: «مخکینۍ ازادۍ هم نمانځو د ازادۍ لپاره جنګ په هر وخت کې چې شوی وي موږ ورته احترام لرو. هر کس چې په تېر کې راغلی وي یا په راتلونکی کې زموږپر خاوره قدم کیږدي، موږ به په قاطع ډول ځواب ورکړواو له هیواده به دفاع وکړو.»

طالبانو د افغانستان د خپلواکۍ د بېرته ګټلو د ۱۰۵ مې کلیزې په موخه نن په افغانستان کې عمومي رخصتي اعلان کړې ده.

د طالبانو تر واک لاندی باختر ژانس د يکشنبې په ورځ د (زمري ۲۸مه) خبر ورکړ، چې د ايران پلاوي هم په افغانستان کې له نشه‌يي توکو سره د مبارزې په لاره کې د نړۍوالې ټولنې د همکارۍ غوښتنه وکړه.

د ایران د نشه‌يي توکو پر وړاندې د مبارزې د مرکزي دفتر یو شپږ کسیز پلاوی د جمعې په ورځ د زمري په ۲۶ مه کابل ته ورسېد.

د ایران د نشه‌یې توکو پر وړاندې د مبارزې د مرکزي دفتر مرستیال محمد زارعي د دغه پلاوي مشري کوي.

د ایران له نشه‌يي توکو سره د مبارزې د ادارې مشر اسکندر مومني وړاندي ویلي و، چې له افغانستان او پاکستان سره د دغه هیواد سرحدي سیمې په نړۍ کې د نشه‌يي توکو د قاچاق له اصلي لارو څخه شمېرل کیږي.

هغه زیاته کړه، ایران چې په سیمه کې تر ټولو اوږدې پولې لري، په ځانګړې توګه له افغانستان او پاکستان سره پر پوله پروت دی او د نشه‌یي توکو د قاچاق په اصلي مرکز بدل شوی دی.

طالبانو د ۱۴۰۱ هجري لمریز کال د وري په میاشت کې د کوکنارو په کښت، تولید، مصرف او خرڅلاو بندیز ولګاوه، خو راپورونه ښيي چې په افغانستان کې د نشه‌یي توکو کښت او قاچاق لا هم روان دی.

له پاکستانه په زور د افغان کډوالو د ایستلو لړۍ روانه ده.

په راپور کې دا نه دي راغلي، چې په د دغو کډوالو له ټول شمېر څخه څومره نران، ښځې او ماشومان دي خو تر دې وړاندې د جولای له ۲۱مې نېټې څخه د اګسټ تر درېیمې نیټې پورې ۱۵۵۳۷ افغان کډوال له دغه هیواده ایستل شوي وو، چې له ډلې ۶۳۴۵ یې نارینه، ۴۹۶۳یې ښځې او ۴۲۲۹یې ماشومان وو، چې خپل هېواد ته بېرته ستانه شوي دي.

راپور کې راغلي چې دغه ۳۲ زره او ۲۰۰ افغان کډوال، چې۷۳۲ کورنۍ کیږي، افغانستان ته په ۶۷۴ موټرو کې ستنې شوې دي.

دغه شمېرې پاکستاني چارواکو داسې مهال خپرې کړې دي چې د افغان کډوالو د ایستلو دویم پړاو پیل شوی او دا مهال د دغه هیواد په بېلابېلو سیمو کې د افغان کډوالو نیول او ایستل روان دي.

پاکستاني چارواکو مخکې ويلي وو، که دغه کډوال په خپله خوښه ونه وځي؛ نو د دوی د نیولو او شړلو له ګواښ سره مخامخ شي.

په ملګرو ملتونو کې د پاکستان استازي منیر اکرم په تېره چنګاښ میاشت کې ويلي و، چې له تېرو ۴۰ کلونو راهیسې یې هېواد د پنځه مېلیونو افغان کډوالو کوربه‌توب کړی چې ۱.۴ مېلیونه یې راجستر شوي، چې پاتې یو مېلیون نا راجستر شوي او په زرګونه بې اسناده کډوال لاهم په پاکستان کې مېشت دي.

نوموړي هیله څرګنده کړې وه، چې ۱.۴ مېلیونه راجستر شوي کډوال به هم ډېر ژر بېرته خپل هېواد ته ستانه شي.

پاکستاني چارواکو ویلي چې دغه لړۍ روانه ده او دوی په پام کې لري چې د استوګنې له اسنادو پرته افغان کډوال له پاکستانه وباسي.

ویل کیږي د افغان کډوالو یوه لویه برخه د پاکستان په لوی ښار کراچۍ کې ژوند کوي چې د پاکستاني پولیسو په وینا له پلټنو او موندلو وروسته به یې افغانستان ته ستانه کړي.