د نهم پړاو شپږیزې کرېکټ سیالو ۱۱مه لوبه د رحمت شاه زرمتي په لوبډلمشرۍ د بست او د عظمت الله عمرزي په لوبډلمشری د امو نهنګانو لوبډلې تر منځ تر سره کیږي. د نهم پړاو شپږیزې کرېکټ لیګ ۱۱مې لوبې پچه رحمت شاه زرمتي وګټله او د امو نهنګانو لوبډلې ته یې د توپ وهنې بلنه ورکړه.
ښاغلی زرمتی وايي، د سهار مهال ویشتنځای لوند وي او توپوهنه پرې سخته وي ځکه یې د توپ اچونې پرېکړه وکړه.
د بست په ۱۱ کسیز نوملړ کې د رحمت شاه په لوبډلمشرۍ حضرت الله، عبدالهادي، محمد اکرم، نجیب الله، درویش رسولي، اعجاز احمد، ګلبدین نایب، نصیر خان، فرید ملک او بشیر احمد اخیستل شوي.
بست لوبډلې په روان لیګ کې څلور لوبې تر سره کړې، چې دوه یې پرلهپسې ګټلې او دوه یې پرلهپسې بایللې دي.
او همدارنګه د امو نهنګانو په لوبډله کې د عظمت الله عمرزي په لوبډلمشرۍ، اعجاز احمد، سلیم صافی، فضل الحق فاروقي، عبدالمالک، شراف الدین اشرف، محمد اسحاق، زبید اکبري، شاهد کمال او قیس احمد اخیستل شوي دي.
امو ننهګانو لوبډلې هم څلور لوبې کړې دي.
یادې لوبډلې درې لوبې سر په سر بایللې دي او یوه لوبه یې ګټلې ده.
په روان شپږیزې لیګ کې د مس عینک لوبډله د څلور لوبو په ګټلو سره د نورو لوبډله په وړاندې مخکښه ده او د اتو نمرو په لرلو سره دجدول په لومړي مقام کې ځای لري.
