په پنجشیر کې سېلابونو زیانونه اړولي دي

د غزني د طالبانو د اطلاعاتو او فرهنګ مشر حمیدالله نثار د چهار شنبې په ورځ د سېلاب ځپلو سیمو څخه د ليدنې پر مهال سيمه ييزو رسنيو ته ويلي، چې وروستيو بارانونو او سېلابونو په دغه ولایت کې مالي ځانونه هم اړولي، ګڼ کورونه او کرنيزې ځمکې يې ويجاړي کړي دي.

نوموړي د مالي زيانونو او د کورونو د ویجاړو دقيق شمېر ياد نه کړ.

د غزني د ده یک ولسوالۍ د خلکو په خبره چې باران تېره ورځ ۸ بجې پيل او د شپې تر ناوخته یې دوام درلود.

د غزني د طالبانو ځايي چارواکي وايي، چې په سیمه کې سېلاب ځپلې کورنۍ مرستو ته اړتيا لري.

د شپږېزې کرېکټ لیګ د ۱۶ مې لوبې پچه د عظمت الله عمرزي په لوبډلمشرۍ امونهنګان لوبډلې وګټله او لومړی يې د توپوهنې پرېکړه وکړه.

امو لوبډلې په ۱۷ اورونو کې د درېيو لوبغاړو په سوځېدو ۱۶۶ منډې جوړې کړې؛ خو د اورښت له کبله هدف او اورونه را کم شول او د سياليو د تخنیکي ډلې له لوري ۱۳۹ منډې هدف وټاکل شو.

د امو په لوبډله کې زبيد اکبري غوره توپوهنه وکړه، هغه په ۴۵ توپونو ۸۲ منډې جوړې کړې.

د راشد خان په لوبډلمشرۍ سپين غر پړانګانو لوبډلې په ۱۲ اورونو کې د خپلو ټولو لوبغاړو په سوځېدو ۱۱۲ منډې جوړې کړې او دغه لوبه يې د ۲۸ منډو په توپير وبايلله.

د امونهنګان په لوبډله کې تېز توپ اچونکي فضل الحق فاروقي غوره توپ اچونه وکړه.

نوموړي په خپلو درېيو اورونو کې ۱۳ منډې ورکړې او ۵ لوبغاړي يې وسوځول، چې د لوبې غوره لوبغاړی هم وټاکل شو.

ملي ټلویزیون د جمهوریت پر مهال د خبرونو، سیاسي خپرونو، ځانګړو مرکو، جرګه، د کرونا ځانګړې خپرونه، ټولټاکنې، مشاعرې، شپږیزه او نورو بېلابېل پروګرامونو په ګډون زرګونه خپرونې لرلې.

افغانستان انترنشنل - پښتو د افغانستان د ملي راډیو تلویزون رسمي فیسبوک پاڼه، اېکس، یوټیوب او انسټاګرام وڅاره، چې یوازې د طالبانو خپرونې پکې خپرې ښکاري.

له دغو ټولنیزو شبکو څخه طالبانو ټولې هغه خپرونې پاکې کړي، په کومو کې چې مېرمنو ونډه لرله.

د افغانستان ملي راډیو تلویزون یوې سرچینې افغانستان انټرنشنل - پښتو ته وویل، چې د جمهوري دولت له سقوط وروسته د ملي راډیو تلویزون ټولې ټولنیزې پاڼې د جمهوري دولت پر مهال د ملي راډیو تلویزون د رییس په واک کې وې.

سرچینه زیاتوي، چې وروسته طالبانو دغه پاڼې تر لاسه کړې او د طالبانو له خوا د ملي راډیو تلویزون مشر په امر پخوانۍ ټولې ویډیوګانې او خبرونه پاک شول.

طالبانو نه یوازې دا چې د ملي راډیو تلویزون د ټولنیزو پاڼو له ارشیف څخه د دغه تلویزون ټولې پخوانۍ خپرونې ډېلیټ کړي؛ بلکې د دغه تلویزون لوګو یې هم بدله کړې ده.

د امربالمعروف وزارت مسوولينو د چهارشنبې په ورځ په يوه خبري غونډه کې د طالبانو له خوا د خلکو نيول د دغه وزارت د تېر کال کې له لاسته راوړنو او فعاليتونو څخه یاد کړل.

د دغه وزارت د راپور له مخې؛ په تېر کال کې شاوخوا نيمايي هغه کسان نیول شوي وو، چې تر ۲۴ ساعتونو څخه زيات نه دي زنداني شوي او خوشې شوې دي.

د طالبانو امربالمعروف وزارت د نیول شویو ۱۳ زره کسانو د سرغړونې څرنګوالی او جنسیت نه دی په ډاګه کړی.

د امربالمعروف وزارت د افغانانو په ځانګړې توګه د ښځو د حقونو په نقضولو کې مهم رول لوبوي.

تېر کال د امريکا د خزانې وزارت د طالبان امربالمعروف پر وزير محمد خالد حنفي او همدارنګه د علومو اکاډمۍ پر مشر فريدالدين محمود د بشري حقونو د سرغړونې له امله بنديزونه ولګول.

د طالبانو له امنيتي ليکو څخه د هغو کسانو لرې کول، چې ږيري نه لري

د طالبانو د امربالمعروف وزارت یو چارواکي محب الله مخلص وويل، چې د دغې ډلې ۲۸۱ امنیتي غړي د ږیرې نه لرلو له امله د طالبانو په لیکو کې پېژندل شوي او ایستل شوي دي.

طالبانو د دولتي ادارو (ملکي او نظامي) کارکوونکو تر څنګ د افغانستان له عامو وګړو هم غوښتي، چې ږیرې پرېږدي.

د طالبانو د امربالمعروف استازي وخت په وخت د نارینه و وېښتانو جوړولو ځايونو ته ورځي او د دوی د امر څخه د سرغړونې په صورت کې یې د تړلو امر کوي.

د طالبانو د امربالمعروف وزارت د دغه ډلې له مهمو وزارتونو څخه دی.

واک ته د طالبانو په رسېدو د ښځو چارو وزارت لغوه او دغه وزارت یې جوړ کړ.

د ښځو په وړاندې د طالبانو د امربالمعروف وزارت چلند او د ښځو پر کار، زده کړو او د بیان پر ازادۍ سخت بندیزونه د بشري حقونو د سازمانونو او ملګرو ملتونو له خوا له سختو نيوکو سره مخ شوي دي.

په ورته وخت کې دغه وزارت ويلي، چې تېر کال یې د ښځو د خرڅلاو له ۲۰۰ او د ښځو پر وړاندې د تاوتریخوالي د ۲۶۰ پېښو مخه نیولې ده.

دا په داسې حال کې ده، چې واک ته د طالبانو له رسېدو را وروسته په افغانستان کې د بشري حقونو د خپلواک کمېسیون او د ښځو د ملاتړو یوشمېر بنسټونو فعالیتونه بند شوي دي.

د طالبانو د امربالمعروف وزارت چارواکي هم وايي، چې تېر کال یې په ټول افغانستان کې د موسیقۍ ۲۱ زره ۳۲۸ الې او وسايل له منځه وړي دي.

د کندهار ملي ټلویزیون چې د طالبانو تر کنټرول لاندې دی، د دې ډلې د سیمه ییزو چارواکو په حواله په یوه راپور کې لیکلي، چې دغه مرستې نن سهار د زمري ۳۰ مه افغانستان ته راورسېدې.

طالبان دا مرستې د افغانستان په وړاندې د روسیې د ښه نیت نښه ګڼي او روسیه ټینګار کوي، چې دا مرستې په افغانستان کې د بېلابېلو ناورینونو له قربانیانو سره د مرستې لپاره ورکړل شوې دي.

دغه مرستې د روسیې د ولسمشر ولادیمیر پوتین په حکم د دغه هېواد د بېړنیو حالاتو وزارت د الوتکې په وسیله افغانستان ته را رسېدلې دي.

روسیې د روان کال د چنګاښ په میاشت کې افغانستان ته د خوراکي او لومړنیو اړتیاو په ګډون ۲۱ ټنه بشري مرستې استولې وې.