جلاوطنه خبریالان: د طالبانو د امر بالمعروف قانون، د بیان د ازادۍ پر تابوت وروستی میخ دی
جلاوطنه افغان خبریالان وايي، چې طالبانو د «امر بالمعروف و نهې عن المنکر» قانون په توشیح کولو سره د بیان د ازادۍ پر تابوت وروستی میخ ټکولی دی.
جلاوطنه افغان خبریالان وايي، چې طالبانو د «امر بالمعروف و نهې عن المنکر» قانون په توشیح کولو سره د بیان د ازادۍ پر تابوت وروستی میخ ټکولی دی.
دغه سازمان وايي، چې په افغانستان کې د بیان ازادي، چې یو وخت د نړۍ له ویاړونو څخه وه، د دغه قانون له توشیح کولو سره «له مینځه تللې ده.»
په جلاوطنۍ کې مېشتو افغان خبریالانو، چې تر ډېره په اروپا او شمالي امریکا کې فعاله دي د جمعې په ورځ (د وږې ۳مه)، د طالبانو د «امر بالمعروف و نهې عن المنکر» قانون د تصویب په غبرګون کې وویل، چې دا قانون نه یوازې هېواد کې بشري ټولنه محدودوي بلکې دا د بیان ازادۍ ته د طالبانو وروستی ګوزار څرګندوي.
دغه سازمان د یاد قانون پر تصویب د نیوکې ترڅنګ ویلي، چې د دغه قانون په دویم فصل کې ۱۷مه ماده د طالبانو چارواکو ته اجازه ورکوي چې د ټولو ویډیويي رسنیو د فعالیت مخه ونیسي.
په جلاوطنۍ کې افغان خبریالانو زیاته کړه، چې د طالبانو دغه قانون «د معلوماتو او مطبوعاتو په اړه د محتسبانو مسولیتونو» برخه کې محتسبانو ته لارښوونه کوي چې رسنۍ دې د «معروفات» پلي کولو ته اړ کړي. دې سازمان ټینګار وکړ، چې دا قانون رسنۍ محدودوي چې هغه مواد خپاره کړي چې د «ژوندیو» عکسونه پکې نه وي.
د خبریالانو د ملاتړ دغه سازمان خبرداری ورکړی، چې په دې قانون کې د "معروفاتو پلي کولو» مادې د محتسبانو لاسونه خلاص کړي چې د تصویري رسنیو دروازې وتړي.
تر دې مخکې د طالبانو د عدلیې وزارت د چهارشنبې په ورځ (د زمري۳۱مه) وویل، چې د دې ډلې مشر ملا هبت الله اخندزاده د « امر بالمعروف و نهې عن المنکر قانون» توشیح کړی دی. د عدلیې وزارت زیاته کړه، چې دغه قانون په څلورو فصلونو او ۳۵مادو کې توشیح شوی او په رسمي جریده کې خپور شوی او د تطبیق وړ دی.
د طالبانو د ډلې د مشر له خوا د امر بالمعروف قانون توشیح د بشري حقونو د سازمانونو، د ښځو د حقونو د خوځښتونو او د رسنیو د فعالانو له خوا ډېر غبرګونونه راپارولي دي. د ښځو د حقونو یو شمېر خوځښتونو له ملګرو ملتونو غوښتي چې د طالبانو له خوا د دغه قانون د تطبیق مخه ونیسي.
جلاوطنۍ کې د افغانستان د خبریالانو سازمان د دغه قانون د غندلو پرمهال له ملګرو ملتونو او بشري حقونو ته له ژمنو هېوادونو وغوښتل چې د یاد قانون د پلي کېدو د مخنیوي لپاره له طالبانو سره هر ډول راکړه ورکړه ودروي.
همدا راز، دغه سازمان له ټولو بهرنیو او نړۍوالو رسنیو چې د افغانستان په اړه خبرونه خپروي وغوښتل، چې د طالبانو له خوا د دغه قانون تر تعلیق پورې دې د طالبانو په اړه ثبت شوي خبرونه نه خپروي.
د تېر حکومت د ملي اردو ځواکونو قومندان جګړن احمد شاه خپلوانو نن د جمعې په ورځ افغانستان انټرنشنل ـ پښتو ته وویل چې نونوړی طالبانو د جلال اباد ښار د اوومې حوزې جنګل باغ سیمه کې نیولی دی.
دوی زیاتوی د تېر جمهوریت د پرځېدو وروسته احمد شاه ایران ته کډوال شو خو د څه مودې تېرولو وروسته له افغان شخصیتونو سره د طالبانو د ارتباط کمېسیون له لارې بېرته افغانستان ستون شوی و.
د احمد شاه کورنۍ له افغانستان انټرنشنل ـ پښتو سره د طالبانو د کمېسون لخوا ورکړل شوی کارت کاپي هم شریکه کړه.
د کارت په بو برخه کې لیکل شوي دي « ددې کارت لرونکی شخصیت د طالبانو سیاسي کمېسون لخوا هېواد ته راستون شوی دی، د اسلامي امارت د عمومي عفوې له مخې دغه کس د پخواني ملکي او نظامي دندو له مله هېڅ اداره ددې کس د نیولو حق نه لري»
د نیول شوي افسر کورنۍ وايی چې اوس د طالبانو دغه کمېسون د دوی شمېرو ته ځواب نه ورکوي.
د نیول شوي پخواني قومندان احمد شاه کورنۍ وايي چې د نیول کېدو وروسته یې په ننګرهار کې د طالبانو امنیتي ادارو ته ورغلي خو هغوي یې له نیولو انکار کوي.
کورنۍ یې وايي:« یو ځل دوه اوونۍ وړاندې طالبانو پر کور چاپه ووهله خو احمد شاه کور کې نه و نو بیا دوه ورځې وروسته یې ونیو، مونږ پوهیږو چې طالبانو وړی دی بل چاسره نظامي موټر نه وي.»
احمد شاه چې اصلي د لغمان اوسېدونکی دی خو تېر حکومت کې په ننګرهار کې د ملي اردو د څلورمې لوا د پنځم کنډک قومندان په توګه یې دنده ترسره کړې ده.
په دې وروستو اوونیو کې د تېر حکومت د پخوانیو مامورینو او نظامیانو د نیولو او وژلو راپورونه زیات شوي دي.
دوه ورځې وړاندې په ننګرهار کې د طالبانو تر واک لاندې له زندان څخه افغانستان انټرنشنل - پښتو ته یو شمېر زنداني د جمهوري نظام سرتېرو ویلي، چې په دغه زندان کې ۲۳۱ د پخواني جمهوري نظام سرتېري او استخباراتي کارکوونکي زندانیان دي؛ خو تر اوسه د طالبانو محکمې ته نه دي وړاندې شوي.
که څه هم د طالبانو واکمنېدو په درشل کې ملا هبت الله خپلو مخالفانو ته ټولبښنه وکړه، خو بیا هم وخت نا وخت د پخواني نظام کارمنان په تېره نظامیان په مرموز ډول وژل کېږي او یا هم د دې ډلې په زندانونو کې شکنجه او ځینې وخت وژل کېږي.
