د جرمني پولیسو هغه کس نیولی، چې په یو فسټیوال کې یې درې کسان په چاقو وژلي

د پاکستان رادیو د راپور له مخې، نوموړی په اعلامیه کې ټپیانو ته د ممکنه درملنې د برابریدو غوښتنه کوي.

ښاغلی شریف وایي، د دې پېښې عاملان باید وپېژندل او په سزا ورسول شي.

د پشین د پولیسو منظور بولدي وايي، موټرسیکل کې ایښي باروت نن په پشین کې د پولیسو مرکز سره نږدې وچاودېدل.

د هغه په خبره، په دې پېښه کې ۷ پولیس او ۹ ولسي وګړي ټپي شوي دي.

د پولیسو بل مشر مجیب رحمان وايي، دې چاودنه کې له دې سیمې تېرېدونکي دوه ماشومان هم ووژل شول.

د دې برید مسوولیت کومې ډلې نه دی منلی.

دغې کمېټې په خپل راپور کې چې د جمعې په ورځ (د وږي دویمه) خپور شو، په ایران کې د مذهبي لږکیو پر وړاندې د بشري حقونو سرغړونې او د امنیتي ځواکونو ناوړه چلند په اړه خپله ژوره اندېښنه څرکنده کړه، چې د ۱۳۹۸ کال لرم میاشت، ۱۴۰۰ کال چنګاښ میاشت او ۱۴۰۱ په وږي میاشت کې ترسره شوي.

دغې کمېټې ایران څخه وغوښتل، چې په دغو لاریونونو کې د حکومتي استازو له خوا د بشري حقوقو د سرغړونو د ادعاګانو په هکله سمدستي خپلواکه او بې پري څیړنې وکړي او قربانیانو ته دې د تاوان ورکولو امکانات برابر کړي.

کمیټې د هغو راپورونو په اړه خپله اندیښنه څرګنده کړه، چې لوی شمېر یې د قومي او مذهبي اقلیتونو قضایي او جنایي قضیې دي.

په راپور کې ټینګار شوی، چې دا اقلیتونه د عمومي او مبهم جرمونو لکه د مخدره توکو د قاچاق، اعدام او نورو سختو سزاګانو سره مخ دي.

د نژادي تبعیض د له منځه وړلو په اړه د ملګرو ملتونو کمیټې له ایران څخه وغوښتل، چې دغه قانون ته له سره کتنه وکړي او له خپلو قوانینو څخه هغه جنایتونه لرې کړي چې دقیق تعریف نه لري خو د اعدام سزا ورته ټاکل شوې.

د هرانا ویب پاڼې په خپل نوي راپور کې ویلي، چې د ایران قضایي څانګې د زمري په میاشت کې په هرو اوو ساعتونو کې په اوسط ډول یو کس اعدام کړی دی.

د دغه راپور له مخې، په تېره یوه میاشت کې لږ تر لږه ۱۰۶ کسان د ایران په زندانونو کې اعدام شوي دي.

مودي دا څرګندونې د اوکراین پلازمینې کییف ته د سفر پرمهال کړی دي.

تېره میاشت مسکو ته د مودي سفر، د کییف له پراخو نیوکو سره مخ شوی و.

مودي وايي، چې د سولې له پیغام سره اوکراین ته راغلی او د روسیې او اوکراین ترمنځ د خبرو غوښتونکی دی.
هغه وویل: "د حل لاره یوازې د خبرو اترو او ډیپلوماسۍ پر مټ موندل کیدای شي. او موږ باید د وخت ضایع کولو پرته په دې برخه کې کار وکړو. دواړه خواوې باید په ګډه سره کښیني ترڅو له دې بحران څخه د وتلو لاره ومومي."

نوموړي زیاته کړه: "زه غواړم تاسو ته ډاډ درکړم چې هند چمتو دی چې د سولې لپاره په هر ډول هڅو کې فعال رول ولوبوي. که زه په شخصي توګه هم هر څه کولای شم، هغه به وکړم."
دغه څرګندونې د ګډو اعلامیو په ترڅ کې شوې، چې په کې دواړو مشرانو دغه لیدنه "تاریخي" وبلله.

مودي له زلنسکي وروسته وینا وکړه او له همدې امله زیلینسکي فرصت نه درلود، چې د هغه خبرو ته ځواب وايي.
خو د اوکراین ولسمشر په خپلو څرګندونو کې ویلي چې "د جګړې ختمول او عادلانه سوله د اوکراین لپاره لومړیتوب دی".

دا له پخواني شوروي په ۱۹۹۱ کال کې د اوکراین د ازادۍ له ترلاسولو وروسته اول ځل دی، چې یو هندی لومړی وزیر دغه هېواد ته ځي.

دا لیدنه په داسې مهال شوې ده چې د اوکراین ځواکونو د روسیې لوېدیځ کې کورسک سیمه نیولې او په همدې حال کې روسي ځواکونه هم د اوکراین ختیځ کې ورو پرمختګ کوي.

د تايلنډ په چاچوینګ ساو کې د حکومت د عامه اړيکو د څانګې ځايي دفتر رسنيو ته ويلي، دغه وړه الوتکه د پنجشنبې په ماسپښين د بنکاک له هوايي ډګر څخه ترات ښار ته روانه شوې وه.

دوی زیاتوي چې له الوتنې لس دقیقې وروسته له الوتکې سره اړیکه پرې شوه.

د تایلنډ چارواکو تر اوسه د الوتکې د لوېدو لامل نه دی په ډاګه کړی، خو د غورځېدو د علت په اړه څېړنې روانې دي.

د عامه اړیکو سیمه ییز دفتر زیاته کړې، چې د الوتکې د غورځېدو د لاملونو د څېړلو او تحلیل لپاره یې د الوتکې د پاتې شونو ۷۰ ټوټې راټولې کړې دي.

دا دفتر دا یادونه هم کړې چې الوتکې تور بکس نه درلود او د هوایی ترافیک کنټرول سره مستقیم تماس درلود.

د تایلنډ په کوه کود ټاپو کې د یوه لوکس ارامځي چارواکو ویلي چې دوه تایلنډي سېلانیان د دوی د مېلمنو په منځ کې وو او دغه ارامځي ته د تګ پر مهال مړه شول.

ویل کیږي چې د دې ارامځي میلمانه معمولا د خصوصي الوتکې لخوا نږدې هوایی ډګر ته رسول کیږي.

د پاکستان د مالیې وزیر محمد اورنګزېب د پنجشنبې په ورځ له دوبۍ اسلامي بانک د پور غوښتنه کړې ده.

د ایکسپرېس ټریبیون د راپور له مخې، دا په یوه اونۍ کې د پور غوښتلو لپاره د ښاغلي اورنګزېب دویمه لیدنه ده.

نوموړي تر دې مخکې د پور ترلاسولو لپاره د مشرق بانک له چارواکو سره هم لیدنه درلوده.

د دوبۍ اسلامي بانګ ګروپ له اجرايي مشر ډاکټر عدنان چلوان سره لیدنه کې د پاکستان اقتصادي تراژیدي یاده کړې او په دغه هېواد کې یې د بانک پانګونه غوښتې ده.

د پاکستان مالیې وزارت وایي، ډاکټر چلوان هم د پاکستان په مالي وده په تېره اسلامي بانکوالۍ، بېخ بنسټو او نورو برخو کې د مهم رول لوبولو لېوالتیا ښودلې ده.

اورنګزېب د اګسټ پر شپږمه دا هم وویل، چې یوه اروپايي بانک د پور ور کولو لپاره تماس ور سره نیولی دی، خو د دې پور په مقابل کې ګټه دومره ډېره وه چې منل یې له سیاسي او اقتصادي پلوه پاکستان ته ناممنکن و.

د پاکستان د مالیې وزیر په داسې مهال له منځني ختیځ بانکونو د پور اخیستلو هڅه کوي چې د دوه میلیارده پیسو درز ډکولو او د سعودي عربستان، چین او متحده عربي اماراتو د ۱۲ میلیارده نغدو پیسو ستنولو کې په پاتې راتلو سره روانه اونۍ د پیسو نړیوال صندوق دغه هېواد ته د ۷ میلیارد ډالرو پور تصویب تر نامعلوم وخت وځنډاوه.