په غزه کې د اسراییل د تخلیې له نوي امر وروسته فلسطیني کورنۍ د تېښتې حال کې دي

سرچینې زیاتوي چې ټپیان نږدې روغتیايي مرکز ته لیږدول شوي او د یو شمېر ټپیانو روغتیایي حالت د اندېښنې وړ دی.

تر اوسه پورې د چاودنې ډول نه دی څرګند خو ځینې سرچینې ځانمرګی برید بولي.

دغو سرچینو نن دوشنبه د (وږي پنځمه) افغانستان انټرنشنل پښتو ته ويلي، چې چاودنه په سیمه کې پر هغو پخوانیو طالبانو شوې چې د پاکستان حکومت ته تسلیم شوي وو، او په سیمه کې د ( ښو طالبانو یا سرېنډر طالبانو) په نوم یادیږي.

ويل کیږي، دغه ډله د پخواني تسلیم شوي قوماندان اسحاق په نامه له ټي ټي پي څخه ځانته شوې وه او نن پرې دغه برید شوی.

سرچینې وايي، په برید کې په نښه شوي طالبان له بریده روغ وتلي خو شاوخوا ولسي کسانو ته مرګ ژوبله اوښتې ده.

د برید مسوولیت لا کومې ډلې په غاړه نه دی اخیستی.

ځايي پولیس پېښه مني خو په دې اړه نور جزیات نه ورکوي.

د پاکستان حکومت له لوري د عزم استحکام په نامه د عملیاتو تر اعلان وروسته په لوی وزیرستان کې امنیتي حالات ورځ تر بلې ترینګلي کیږي. او د وسله والو له لوري د سیمې خلکو ته ویل کیږي چې خپل کورونه پرېږدي او له سیمې کډه شي.

د پاکستان جیونیوز د بلوچستان د موسی‌خیلو د سیمي د پولیسو د مشر ایوب خان اڅکزي له قوله راپور ورکړی، چې تېره شپه وسله والو په یاده سیمه کې ۲۳ سورلۍ له موټرونو راښکته کړې او په ډزو یې وژلي دي.

اڅکزي ویلي، چې وسله والو کسانو د دوو ایالتونو لویه لاره تړلې وه او خلک یې له موټرونو راښکته کول او په نښه شوي کسان یې په ډزو وژل.

100%

نوموړی زیاتوي، چې وسله والو کسانو ۱۰ موټرونه هم سوځولي دي.

په بلوچستان کې ځايي رسنیو خبرونه خپاره کړي، چې له تېرې شپې راهیسې، په کوټه، ګوادر، قلات، مستونګ، لسبېله، سبۍ او تربت کې د پاکستان پر پوځیانو بریدونه شوي دي.

د ځايي سرچینو په حواله، چې د کوټې ـ کراچې لویه لاره او د بلوچستان ایالت یو شمیر نورې لارې هم د بلوڅ وسله والو له لوري بندې شوې وې.

په ورته مهال د لارې د تړل کېدو ځینې ویډیوګانې هم خپرې شوې چې لیدل کیږي یو شمیر نظامي موټرونه هم سوځول شوي او خال خال ډزې اوریدل کیږي.

په ځينو ويډيوګانو او انځورونو کې د لویې لارې ویجاړ شوي پلونه هم ښکاري چې ویل کیږي وسله والو په بمونو الوځولي دي.

د راپورنو له مخې تېره شپه د دغو وسله والو له لوري د ډبرو سکرو په بار ۱۷ موټرونه هم سوځول شوي دي.

بل خوا بلوڅ وسله والو د یوې خبرپاڼې په خپرولو سره په بلوچستان کې پر پاکستاني ځواکونو د ځینو بریدونو مسوولیت منلی دی.

په خبرپاڼه کې ویل شوي چې بلوڅ وسله والو په بلوچستان ایالت کې د (هیروف) په نوم عملیات پیل کړي او د تیرې شپې په عملیاتو کې یې پاکستاني ځواکونو ته د مرګ ژوبلي اړولو ادعا هم کړې ده.

د دغه برید مسوولیت د حافظ ګل بهادر ډلې په غاړه اخیستی.

ځینو پاکستاني رسنیو هم خبر ورکړی چې د شمالي وزیرستان نورک سیمه کې له لرې څخه د کنټرولېدونکي سړک غاړې ماین د پاکستاني پوځ یو موټر په نښه کړې چې له امله یې دوه امنیتي عسکر وژل شوي او شپږ نور ټپیان دي.

رسنیو ویلي، د پاکستاني امنيتي ځواکونو يو کاروان له ميرانشاه څخه بنو ته روان و، چې د نورک په سيمه کې پرې دا ماین چاودلی.

پاکستاني پوځ په رسمي ډول په دې اړه بیان نه دی خپور کړی.

د اوکراین د هوايي ځواکونو قوماندان مایکولا اولیشچوک پر ټیلیګرام خواله رسنۍ ادعا کړې، چې روسیې د شپې له خوا د چیرنهیف، سومي، ښارکیف او دونیتسک په سرحدي سیمو د توغندیو او ډرون بریدونه کړي دي.

هغه ادعا وکړه، چې دغه توغندي د روسیې له ورونژ او روستوف سیمو څخه توغول شوي او زیاته کړې یې ده، چې اکثره توغندي خپلو پلان شویو هدفونو ته په رسېدو کې پاتې راغلي دي.

نوموړي وویل، چې برید کې له ښکیلو نهو روسي بې پیلوټه الوتکو څخه اته یې د سوېلي مایکولایف په سیمه کې نسکورې شوې دي.

د مایکولیوف والي ویتالي کیم پر ټېلېګرام ویلي، چې ۱۵ د استوګنې او سوداګریزې ودانۍ د بې پیلوټه الوتکو د بریدونو له امله زیانمنې شوې دي.

بل خوا د دونیتسک د سیمې والي وادیم فلاشکین ویلي، چې اووه کسان په درېیو بېلابېلو ولسوالیو کې وژل شوي او ۱۵ نور ټپیان دي.

د اوکراین د بهرنیو چارو د وزارت ویاند هیورهي تیخی پر اېکس خپره کړې اعلامیه کې له نړۍوالې ټولنې وغوښتل چې دا ډول بریدونه وغندي.

روسي چارواکو تر اوسه د اوکرایني چارواکو د ادعاو په اړه څه نه دي ویلي.

اسد د سوریې پارلمان ته په وینا کې د روسیې، ایران او عراق له خوا د پخلاینې هڅو ته په اشارې سره وویل: "د منځګړیتوب له جدي او رښتیني لیوالتیا سربېره دغو نوښتونو کومه پایله نه ده ورکړې چې د یادولو وړ وي."

ترکیې په ۲۰۱۱ کال کې د سوریې د کورنۍ جګړې له پیلېدو وروسته له سوریې سره اړیکې پرې کړې، چې په ترڅ کې یې د بشارالاسد د لېرې کولو په لټه کې د یاغیانو ملاتړ کاوه.

اسد یاغیانو ته د تروریستانو په سترګه ګوري.

اسد وویل: "د اړیکو بیارغونه لومړی د هغه لاملونو لرې کولو ته اړتیا لري چې د اړیکو د ویجاړولو لامل شوي."

د سوریې ولسمشر څرګنده کړه؛ په داسې حال کې چې دی غواړي ترکي ځواکونه له سوریې ووځي، خو دا د خبرو لپاره شرط نه دی.

د ترکیې ولسمشر طیب اردوغان د جولای په پیل کې ویلي وو، چې هغه به اسد ته "هر وخت" د اړیکو د بیا رغولو لپاره د احتمالي خبرو بلنه ورکړي.

تر دې مخکې یوې ترکي ورځپاڼې راپور ورکړی و، چې اردوغان او بشارالاسد به په اګسټ میاشت کې سره وویني؛ خو یو ترکي ډېپلوماټ دا راپور رد کړی و.

روسیه هڅه کوي چې د اړیکو د بیا رغولو په هڅه کې د دواړو مشرانو ترمنځ لیدنه ممکنه کړي. عراق هم د جولای په میاشت کې وویل، چې هڅه کوي هڅه وکړي چې دواړه مشران سره یوځای کړي.