په غزه کې د اسراییل د تخلیې له نوي امر وروسته فلسطیني کورنۍ د تېښتې حال کې دي
اسراییل د یکشنبې په ورځ ناوخته د غزې تړانګې په مرکزي سیمه دیر البلاح کې خلکو ته له خپلو کورونو د وتلو امر کړی، چې ډېری کورنۍ یې د خپلو کورونو پرېښودو ته اړې کړې دي.
اسراییل د یکشنبې په ورځ ناوخته د غزې تړانګې په مرکزي سیمه دیر البلاح کې خلکو ته له خپلو کورونو د وتلو امر کړی، چې ډېری کورنۍ یې د خپلو کورونو پرېښودو ته اړې کړې دي.
اسراییل ويلي، چې ځواکونه یې په سیمه کې د حماس او نورو وسله والو ډلو پر ضد عملیات کوي.
په دې وروستیو ورځو کې اسراییل د غزې په بېلابېلو سیمو کې د تخلیې ډېر امرونه صادر کړي، چې دغه کار د فلسطینیانو، ملګرو ملتونو او مرستندویه چارواکو له خوا د بشردوستانه سیمو د کمېدو او د خوندي سیمو د نشتوالي په اړه غبرګونونه راپارولي دي.
د دېرالبلاح ښاروالۍ وايي، چې د اسراییل د تخلیې امرونو تر اوسه ۲۵۰زره کسان بې ځایه کړي دي.
د اسراییل پوځ په یوې اعلامیه کې ویلي، چې ځینو سیمو کې له اوسېدونکو څخه غوښتل شوي، چې سمدستي لویدیځ لور ته لاړ شي، ځکه د دوی سیمې "خطرناکې جنګي" سیمې ګڼل کیږي.
ډاکټرانو ویلي، چې د دوشنبې په ورځ د اسراییل د پوځ په بریدونو کې لږ تر لږه اووه فلسطینیان ووژل شول.
دوه تنه په دېرالبلاح کې ووژل شول چیرې چې شاوخوا یو میلیون کسانو د جکړې له وېرې پناه اخیستې ده.
دوه تنه نور په النصیرات کمپ کې په یو ښوونځي کې وژل شوي او درې تنه د مصر سره پولې ته څېرمه په سوېلي ښار رفح کې ووژل شول.
د اسراییل په دوو نورو بریدونو کې اووه تنه نور فلسطینیان هم وژل شوي، چې پنځه تنه په خان یونس کې د یو موټر د په نښه کېدو پیښه کې او دوه تنه نور یې د غزې په ښار کې په یو ښوونځي کې وژل شوي دي.
په همدې حال کې د دوشنبې په ورځ د غزې په ښار کې ساحل ته څېرمه په یوه خېمه کې د اسراییل برید شپږ فلسطینیان وژلي او یو شمېر نور یې ټپیان کړي دي.
د تخلیې نویو امرونو ډېری کورنۍ او ناروغان اړ کړل، چې د الاقصی روغتون پرېږدي، هغه روغتیايي مرکز چې په دېرالبلاح کې اصلي طبي مرکز دی او په سلګونو زره اوسېدونکو او بې ځایه شویو خلکو د بمباریو له وېرې پکې پناه اخیستې وه.
د پاکستان جیونیوز د بلوچستان د موسیخیلو د سیمي د پولیسو د مشر ایوب خان اڅکزي له قوله راپور ورکړی، چې تېره شپه وسله والو په یاده سیمه کې ۲۳ سورلۍ له موټرونو راښکته کړې او په ډزو یې وژلي دي.
اڅکزي ویلي، چې وسله والو کسانو د دوو ایالتونو لویه لاره تړلې وه او خلک یې له موټرونو راښکته کول او په نښه شوي کسان یې په ډزو وژل.
نوموړی زیاتوي، چې وسله والو کسانو ۱۰ موټرونه هم سوځولي دي.
په بلوچستان کې ځايي رسنیو خبرونه خپاره کړي، چې له تېرې شپې راهیسې، په کوټه، ګوادر، قلات، مستونګ، لسبېله، سبۍ او تربت کې د پاکستان پر پوځیانو بریدونه شوي دي.
د ځايي سرچینو په حواله، چې د کوټې ـ کراچې لویه لاره او د بلوچستان ایالت یو شمیر نورې لارې هم د بلوڅ وسله والو له لوري بندې شوې وې.
په ورته مهال د لارې د تړل کېدو ځینې ویډیوګانې هم خپرې شوې چې لیدل کیږي یو شمیر نظامي موټرونه هم سوځول شوي او خال خال ډزې اوریدل کیږي.
په ځينو ويډيوګانو او انځورونو کې د لویې لارې ویجاړ شوي پلونه هم ښکاري چې ویل کیږي وسله والو په بمونو الوځولي دي.
د راپورنو له مخې تېره شپه د دغو وسله والو له لوري د ډبرو سکرو په بار ۱۷ موټرونه هم سوځول شوي دي.
بل خوا بلوڅ وسله والو د یوې خبرپاڼې په خپرولو سره په بلوچستان کې پر پاکستاني ځواکونو د ځینو بریدونو مسوولیت منلی دی.
په خبرپاڼه کې ویل شوي چې بلوڅ وسله والو په بلوچستان ایالت کې د (هیروف) په نوم عملیات پیل کړي او د تیرې شپې په عملیاتو کې یې پاکستاني ځواکونو ته د مرګ ژوبلي اړولو ادعا هم کړې ده.