د طالبانو د ملي دفاع وزارت د ایران په پلازمېنه تهران کې د دغې ډلې پوځي اتشې لپاره یو کس ګومارلی دی. دغه وزارت د یوې خبرپاڼې په خپرولو سره ویلي، چې د طالبانو د ملي دفاع وزارت مشرتابه محمد شفیق په تهران کې د دغې ډلې د پوځي اتشې په توګه په رسمي ډول معرفي کړ.
د خبرپاڼې له مخې، د دغې ګومارنې سره سم نوموړي په کار هم پیل وکړ.
خبرپاڼه کې د پوځي اتشې ګومارل د دوه اړخیزو اړیکو د پیاوړتیا لپاره اړین بلل شوي.ایران لا له وړاندې په تهران کې د افغانستان سفارت طالبانو ته سپارلی و او (د زمري په ۹مه) یې په مشهد کې د طالبانو سرقونسل فیضالرحمان عطایي ویلي و، چې ایران په مشهد کې هغه د افغانستان د سرقونسل په توګه منلی دی.هغه مهال ایران د دغه هېواد د نوي ولسمشر مسعود پزشکیان د کاري دورې په لومړۍ ورځ او ایران ته د طالبانو د رییس الوزرا د مرستیال له سفر سره سم په مشهد کې د افغانستان قونسلګري دغې ډلې ته وسپارله.
