کرېکټ؛ بنګلدېش په لومړي ځل له پاکستان څخه د ټېسټ لوبو لړۍ وګټله

د پاکستان راډيو د سې شنبې په ورځ په يوه خبر کې ويلي، چې والي فیصل کريم کنډي د سکواش ښځينه لوبغاړو سره په لیدنه کې دا خبره کړې ده.

هغه د ورزش پر ارزښت خبرو کې په پښتونخوا کې د ورزشي فعالیتونو د ودې لپاره د یوه میکانيزم پر جوړولو ټينګار کړی.

د ښاغلي کنډي په خبره، په پښتونخوا کې د ورزشي استعدادونو کمی نشته، خکه دی هڅه کوي د بيلابيلو لوبو لپاره مالي ملاتړ پيدا کړي.

هغه وويل، د پښتونخوا ډېرو مشهورو لوبغاړو د پاکستان نوم ځلولی دی او د لا نور ځلولو لپاره د سپورتي چارو د ودې لپاره میکانیزمونه جوړېدل پکار دي.

د پښتونخوا لوبغاړو سره د توپیري چلن تور

خو د پښتونخوا خلک بیا ګیلمن دي چې د دې صوبې د لوبغاړو بریاوې نه ستایل کېږي.

د پاکستان لوبغاړی ارشد ندیم چې نېزه کې یې تېره میاشت په المپیک لوبو کې د سرو مډال وګاټه ان د دغه هېواد لومړي وزیر او ولسمشر وستایه.

خو په همغو ورځو کې د پښتونخوا د باجوړ عامر خان تایلنډ کې د تیکواندو نړیوال جام کې د سرو مډال وګاټه، خو پر مرکزي حکومت سربېره د صوبې په کچه هم چارواکو ونه ستایه.

عامر خان له ځايي رسنیو سره په خبرو کې وویل، چې لاهور هوایي ډګر ته یې هم کوم حکومتي چارواکی هرکلی ته نه و تللی او یوازې د سوات ښاروال وستایه.

نوموړی وايي، له لاهور تر اسلام اباد او بیا پښتونخوا پورې په عامه ټرانسپورټ کې لاړ، خو یوازې کلي او سیمه کې یې خلکو هرکلی وکړ.

د ځايي پوليسو مشر عبدالرحيم په وينا؛ د خيبر پښتونخوا ايالت په کوهستان ولسوالۍ کې شوې دغه چاودنه کې يو بل کس ټپي شوى دى.

دغه بس داسو ولسوالۍ ته روان و، چیرې چې د چین په مرسته د پاکستان د برېښنا ستره پروژه جوړېږي.

تر اوسه کومې ډلې د دغه برید مسوولیت پر غاړه نه دی اخیستې؛ خو په دې وروستیو کې پاکستاني طالبانو پر امنیتي ځواکونو خپل بریدونه زیات کړي دي.

تحریک طالبان پاکستان په سیمه کې قوي حضور لري.

دغه ډله په افغانستان کې په ۲۰۲۱ کال کې د افغان طالبانو له خوا د واک له ترلاسه کولو وروسته ډیر با انګیزې شوې ده.

پاکستان بیا پر افغان طالبانو بار - بار نیوکې کړې دي، چې په خپله خاوره کې یې پاکستاني طالبانو ته ځای ورکړی دی؛ خو طالبانو بیا په پاکستان کې خراب امنیتي وضعیت د پاکستاني امنیتي ادارو ناکامي بللې او له پاکستانه یې غوښتي، چې دا ډول څرګندونې ونه کړي.

ګارډین ورځپاڼې د وږي په ۱۱مه د اکسفورډ پوهنتون د مشرۍ لپاره د پاکستان د پخواني لومړي وزیر عمران خان د نوماندۍ په غبرګون کې لیکلي، چې ښايي د هغه په ټاکلو کې د نوموړي د نظر احتمالي اغیزو ته پام نه وي شوی.

د ګارډین په مقاله کې راغلي چې عمران خان یو وخت د اسامه بن لادن د تروریست له ویلو ډډه کړې وه او هغه یې "شهید" بللی و. د مقالې لیکوال دا هم څرګنده کړې ده چې عمران خان یو وخت د سلمان رشدي حضور نه دی زغملی او هغه یې په «کفر ویلو» تورن کړی دی.

د مقالې لیکوال زیاته کړې چې هغه په تیرو وختونو کې ویلي و، چې ښځې باید نارینه "ازمایښت" نه کړي، ځکه چې ټول نارینه د دې وړتیا نلري چې خپل هوس کنټرول کړي. دا څرګندونې ښيي چې ښاغلی خان د ښځو په اړه د اسلامي بنسټپالو ډلو نظرونه تعقیبوي.

تر دې مخکې د پاکستان د پخواني لومړي وزیر سلاکار زلفي بخاري د زمري په ۲۹ مه ویلي و، چې عمران خان د انګلستان د اکسفورډ پوهنتون د ریاست په ټاکنو کې د ګډون غوښتنه کړې ده. هغه پر اېکس خواله رسنۍ لیکلي: "د عمران خان د غوښتنې له مخې، د اکسفورډ پوهنتون د ۲۰۲۴ کال د ټاکنو لپاره د هغه د غوښتنلیک لیږل شوی دی. موږ د کمپاین لپاره د هرچا ملاتړ ته سترګې په لار یو."

د اکسفورډ پوهنتون ریاست ټاکنې به د لړم میاشتې په اوومه نېټه انلاین پیل شي. اکسفورډ پوهنتون اعلان کړی، چې تر هغه وخته به د نوماندانو نومونه نه اعلانوي چې د دوی لیست نهايي شوي نه وي. ویل شوي، چې په دغو ټاکنو کې فارغ شوي محصلین او د پوهنتون کارکوونکي برخه اخلي.

د تحریک انصاف مشر عمران خان له شاوخوا یو کال راهیسې په زندان کې دی. د عمران خان سلاکار دا نه ده څرګنده کړې، چې که عمران خان دا ټاکنې وګټي، نو په پاکستان کې به له زندانه د اکسفورډ پوهنتون مشري څنګه کوي.

پاکستان راډيو د شنبې په ورځ (د وږي ۱۰ مه) په یو راپور کې ويلي، چې ولسمشر د وسله والو په وړاندي عمليات بريالي بللي او د خپلو ځواکونو ستاینه یې کړې ده.

د پاکسان پوځي چارواکي وايي، چې د خيبرپښتونخوا په تېرا سېمه کې يې د عملياتو پر مهال ۳۷ وسله وال وژلي او ۱۴ نور يې ټپي کړي دي.

د معلوماتو له مخي، پوځ د خيبرپښتونخوا په تېرا دره کې د وسلو په وړاندې دغه عمليات درې اونۍ وړاندې پيل کړي و.

د پاکستان راډيو د شنبې په ورځ د پاکستان پوځ د قومندانانو له قوله ليکلي، چې په دې عملياتو کې يې د وسله والو یو مهم مشر په صدام مشهور ابوذر هم وژلی دی.

د پوځ د سرحدي لېوا یو قومندان امیر نواز خان ويلي په تېرا دره کې يې د وسله والو په زياتو پټنځيو عمليات کړي او له منځه یې وړي دي.

بل لوري ته بیا د پاکستان پوځ د عامه اړيکو ادارې پرون ويلي، چې د استخباراتي مالوماتو له مخې یې بلوچستان کې د بلوڅ بېلتونپالو پرضد مختلفو سیمو کې عملیات پیل کړي دي.

دا عملیات د تېرې دوشنبې د هغو بریدونو په ځواب کې دي، چې بلوڅ بېلتونپالو د دې صوبې په ۱۴ ځایونو کې وکړل او تر ۷۳ کسان پکې ووژل شول.