د افغانستان د فوټسال ملي لوبډله به نن له مراکش سره دوستانه لوبه وکړي

د افغانستان کرېکت بورډ تېره ورځ ناوخته په خپله اېکس پاڼه لیکلي، چې د ملي لوبډلې پيلیز توپ وهونکی ابراهیم ځدران له نیوزیلنډ سره د ټېسټ لوبې د چمتوالي او تمرین پر مهال تېره ورځ په پښه ټپي شوی.

کرېکټ بورډ زیاتوي چې نوموړی به د نیوزیلنډ لوبډلې سره د ټېسټ لوبې او سوېلي افریقا په وړاندې د راتلونکې لوبلړۍ برخه نه وي.

کرېکټ بورډ د ملي لوبډلې فزیوتراپیسټ او ډاکټر له قوله ویلي، چې د ابراهیم ځدران ښنګري یو څه سخته ضربه لیدلې او د ډاکټرانو له لوري ورته د استراحت سپارښتنه شوې.

ابراهیم ځدران د شل اوریزو، یو ورځینو او ټېسټ لوبو یو له تجربه لرونکو او پیاوړو لوبغاړو څخه دی.

له نیوزیلنډ او سوېلي افریقا سره په راتلونکي لوبلړۍ کې د ابراهیم ځدران نه شتون د نومړي مینه‌وال ډیر خواشیني کړي دي.

د دغو دواړو لوبډلو تر منځ لوبه سبا د افغانستان پر وخت د سهار نهه بجې پیلیږي.

افغان کرېکټ بورډ د خواله رسنیو له لارې پر خپلو رسمي پاڼو د ټېسټ سبانۍ لوبې د چمتوالي او تمرینونو انځورونه او ویډیوګانې خپرې کړې.

په خپرو شویو ویډیوګانو کې لیدل کیږي، چې د افغان ملي لوبډلې مشر روزونکی جانټن ټراټ افغان لوبغاړو ته د توپ‌وهنې او توپ اچونې په اړه لارښوونې کوي.

افغان لوبغاړي وايي، د دوشنبې ورځې لوبې ته یې چتموالی ښه روان دی.

افغان لوبډلې تېره شپه د نیوزیلنډ لوبډلې ته د ماښام ډوډۍ هم چمتو کړې وه.

دغه لوبې د افغانستان په کوربه توب د هند ګریټر نوېډا لوبغالي کې ترسره کیږي.

افغانستان د ۲۰۱۷ کال د جون په ۲۲مه نېټه د ټېسټ لوبو غړیتوب ترلاسه کړ.

د افغانستان کرېکټ لوبډلې تر اوسه پورې نهه ټېسټ لوبې کړې، چې درې یې ګټلې او شپږ یې بایللې دي.

افغانستان په ټېسټ سیالیو کې د نیوزیلنډ پرتله ډېره کمه تجربه لري.

افغانستان تردې مهاله دوه لوبې له بنګله دېش، دوه له زیمبابوې، دوه له اېرلینډ، یوه یوه له وېسټ اېنډیز، سریلانکا او هند سره کړې دي.

د طالبانو تر واک لاندې د ملي ټلویزیون د لوبو برخې نن یکشنبه د (وږي ۱۸مه) په ایکس پاڼه لیکلي چې د افغانستان فوټسال ملي لوبډله له پاراګوا هیواد سره د یوې دوستانه لوبې په موخه تېره ورځ شنبه ازبکستان ته رسېدلې ده.

خبر زیاتوي چې له پاراګوا هیواد سره د افغانستان دغه لوبه یوه تمریناتي او دوستانه لوبه ده.

د ۲۰۲۴ کال د فوټسال نړۍوال جام سیالۍ په ازبکستان کې د روانې وږي میاشتې په ۲۴مه پیلیږي.

د فوټسال په انټرکانټینینټال جام سیالو افغانستان د برنزو مډال خپل ګټلی، دغه سیالۍ (د وږي په ۱۰مه) پیل او وړمه ورځ پای ته ورسېدې.

د افغانستان د ازادو سیالیو لوبغاړي واحدالله نژند تېره شپه د جرمني په اوبرهاوزن کې د «رادولف وبر ارنا» په لوبغالي کې د اوکتاګون سازمان د ازادو سیالیو په ۶۰م پړاو کې برخه واخیسته.

نژند په دې لوبه کې له پیل څخه په بشپړ ځواک او روحیه سره د خپل سیال په وړاندي واکمن و.

واحد الله نژند په دې وتوانېد چې ۲۷ کلن چکي لوبغاړی، چې د نژند پرتله ډېر ریکارډونه لري، د غاړې په یوه ځانګړي حرکت ترسره کولو سره هغه ته ماتې ورکړي.

ښاغلي نژند تر دې مهاله د ازادو سیالیو ۱۱ سیالۍ ترسره کړې دي، په دغو سیالیو کې دا د نژند نهمه بریا وه.

د چک جمهوریت لوبغاړي بیا تردې مهاله ۱۷ سیالۍ ترسره کړې دي او د تیرې شپې په ماتې خوړولو سره یې تردې مهاله اووه ماتې تجربه کړې.

اوکتاګون په چک جمهوریت کې د ازادو سیالیو سازمان دی چې په دغه هیواد کې تر ټولو لوی سازمان هم ګڼل کیږي.

نژند لومړنی افغان لوبغاړی دی چې د اوکتاګون په سازمان کې یې سیالي وکړه.

دغه لوبغاړی په ۲۰۲۱ کال کې له افغانستان څخه ووت او په جرمني کې ګډوال دی.

د فرانسې د ورزش وزیرې اميلي اودياکسترا د جمعې په ماښام د وږي په ۱۶ مه نېټه په اېکس کې ليکلي، چې د کورنیو چارو وزارت لخوا د دې هیواد «امنیت او ازادۍ» تضمینولو لپاره د مرضیه حمیدي سره اړیکه نیول شوې ده.

د فرانسې د ورزش دغه چارواکي ډاډ ورکړی، چې هېواد به یې د مېرمن حمیدي خوندیتوب او ازادي تضمین کړي.

تر دې مخکې افغان لوبغاړې مرضيه حمیدي له یوې فرانسوي رسنۍ سره په مرکه کې ویلي وو، چې په دغه هېواد کې یې ژوند په خطر کې دی.

حميدي زياته کړه، چې له مرکې وروسته يې د افغانستان د کرېکټ پر ملي لوبډلې نيوکې وکړې، چې د ناپېژانده کسانو له خوا ورته ګواښونکي پيغامونه راغلل.

دغې افغان ورزشکارې له «فرانس انفو» سره په مرکه کې ویلي: «زه په خطر کې یم، د مرګ او جنسي تیري ګواښونه شوي، زه له فرانسې او اروپا غواړم چې دا مسله حل کړي او د ترهګرو پر وړاندې ودریږي.»

اغلې حمیدي تر دې مخکې د افغانستان د کرېکټ پر لوبغاړو له طالبانو سره د «دوستانه اړیکو» ساتلو له امله نیوکه کړې وه.

هغې په خپلو خبرو کې د افغانستان د کرېکټ ملي لوبډله «ترهګره» بللې وه.

د مرضيې دغه څرګندونې تیره اونۍ د کرېکټ د مینه والو له غبرګون سره مخ شوې.

تر اوسه د افغانستان د کرېکټ شورا یا د کرېکټ د ملي لوبډلې غړو د مرضیه حمیدي نیوکو ته غبرګون نه دی ښودلی.

دغه افغان لوبغاړې د ۱۴۰۰ کال په زمري میاشت کې په افغانستان کې د طالبانو تر واکمنۍ وروسته په فرانسه کې کډواله شوه او اوس په دغه هیواد کې خپل ورزشي فعالیتونو کوي.