د افغانستان د ازادو سیالیو لوبغاړي واحدالله نژند خپل چکي سیال ته ماتې ورکړه
واحدالله نژند په دغې سیالۍ کې له چک جمهوریت څخه خپل سیال مکس هاندانجیک ته د سیالۍ په لومړي پړاو کې د یوه ځانګړي حرکت په ترسره کولو سره ماتې ورکړه.
واحدالله نژند په دغې سیالۍ کې له چک جمهوریت څخه خپل سیال مکس هاندانجیک ته د سیالۍ په لومړي پړاو کې د یوه ځانګړي حرکت په ترسره کولو سره ماتې ورکړه.
د افغانستان د ازادو سیالیو لوبغاړي واحدالله نژند تېره شپه د جرمني په اوبرهاوزن کې د «رادولف وبر ارنا» په لوبغالي کې د اوکتاګون سازمان د ازادو سیالیو په ۶۰م پړاو کې برخه واخیسته.
نژند په دې لوبه کې له پیل څخه په بشپړ ځواک او روحیه سره د خپل سیال په وړاندي واکمن و.
واحد الله نژند په دې وتوانېد چې ۲۷ کلن چکي لوبغاړی، چې د نژند پرتله ډېر ریکارډونه لري، د غاړې په یوه ځانګړي حرکت ترسره کولو سره هغه ته ماتې ورکړي.
ښاغلي نژند تر دې مهاله د ازادو سیالیو ۱۱ سیالۍ ترسره کړې دي، په دغو سیالیو کې دا د نژند نهمه بریا وه.
د چک جمهوریت لوبغاړي بیا تردې مهاله ۱۷ سیالۍ ترسره کړې دي او د تیرې شپې په ماتې خوړولو سره یې تردې مهاله اووه ماتې تجربه کړې.
اوکتاګون په چک جمهوریت کې د ازادو سیالیو سازمان دی چې په دغه هیواد کې تر ټولو لوی سازمان هم ګڼل کیږي.
نژند لومړنی افغان لوبغاړی دی چې د اوکتاګون په سازمان کې یې سیالي وکړه.
دغه لوبغاړی په ۲۰۲۱ کال کې له افغانستان څخه ووت او په جرمني کې ګډوال دی.
د افغانستان کرېکټ بورډ په هند کې له تمریناتي کمپ څخه د افغان ملي لوبډلې د تمریناتو انځورونه او ویډیوګانې هم خپرې کړې دي.
د افغان لوبډلې غړي وايي، چې د نیوزیلنډ پر وړاندې د یوازینۍ تېسټ لوبې د تر سره کولو لپاره بشپړ چمتوالی لري.
د هند په ګریټر نویډا کې د تمریناتو پرمهال د افغان لوبغاړو مشر روزونکي جانټن ټراټ ترڅنګ څو نور بهرني روزونکي هم په انځورونو کې لیدل کېږي.
افغان لوبډله به د روانې میاشتې په نهمه نېټه د دوشنبې په ورځ د حشمت الله شاهدي په لوبډلمشرۍ د هند په ګریټر نویډا کې د نیوزیلنډ په وړاندې د سیالۍ ډګر ته ښکته شي.
افغانستان د ۲۰۱۷ کال د جون په ۲۲مه نېټه د ټېسټ لوبو غړیتوب ترلاسه کړ.
افغانستان تر اوسه نهه تېسټ لوبې تر سره کړې، چې درې یې ګټلې او شپږ یې بایللې دي.
افغانستان په ټېسټ سیالیو کې د نیوزیلنډ پرتله ډېره کمه تجربه لري.
افغانستان تردې مهاله دوه لوبې له بنګله دېش، دوه له زیمبابوې، دوه له اېرلینډ یوه، یوه له وېسټ اېنډیز، سریلانکا او هند سره کړې ده.