په سینیګال کې د کډوالو د کښتۍ ډوبېدو له امله ۲۶ تنه مړه او ګڼ شمېر لادرکه دي
په سینیګال کې د کډوالو د یوې کښتۍ د ډوبېدو له امله لږ تر لږه ۲۶ تنه مړه شوي او څو تنه په کښتۍ کې سپاره کسان لادرکه دي.
په سینیګال کې د کډوالو د یوې کښتۍ د ډوبېدو له امله لږ تر لږه ۲۶ تنه مړه شوي او څو تنه په کښتۍ کې سپاره کسان لادرکه دي.
د بريتانيا د خپرونو ادارې د راپور له مخې، دغه کښتۍ د سينيګال له پلازمېنې ٨٠ کيلومتره لرې د اېمبور له ښاره وتلې، چې تر سلو ډېر مساپر په کې سپاره وو؛ خو يوازې له څلور کيلومتره تګ وروسته ډوبه شوې ده.
د راپور له مخې، دغه د کب نیونې کښتۍ د اسپانیا کانري ټاپوګانو ته د کډوالو د لېږد لپاره کارول شوې وه.
د راپورونو له مخې، په کښتۍ کې ډېری مساپر ځوانان وو چې غوښتل یې د ښه راتلونکې په لټه کې اسپانیا ته داخل شي.
د چارواکو په وینا، په کښتۍ کې سپاره له سلو کسانو څخه ۲۶ تنه مړه شوي او ۴ تنه ژغورل شوي دي او پاتې نور کسان لادرکه دي.
دغو چارواکو ویلي، چې د ورکو شویو کسانو د لټون لپاره عملیات روان دي.
